From StotraSamhita

EkAdazO'dhyAyaH

maitrEya uvAca

caramaH sadvizESANAmanEkO'saMyutaH sadA| paramANuH sa vijJEyO nRNAmaikyabhramO yataH||1||

sata Eva padArthasya svarUpAvasthitasya yat| kaivalyaM paramamahAnavizESO nirantaraH||2||

EvaM kAlO'pyanumitaH saukSmyE sthaulyE ca sattama| saMsthAnabhuktyA bhagavAnavyaktO vyaktabhugvibhuH||3||

sa kAlaH paramANurvai yO bhuGktE paramANutAm| satO'vizESabhugyastu sa kAlaH paramO mahAn||4||

aNurdvau paramANU syAttrasarENustrayaH smRtaH| jAlArkarazmyavagataH khamEvAnupatannagAt||5||

trasarENutrikaM bhuGktE yaH kAlaH sa truTiH smRtaH| zatabhAgastu vEdhaH syAttaistribhistu lavaH smRtaH||6||

nimESastrilavO jJEya AmnAtastE trayaH kSaNaH| kSaNAnpaJca viduH kASThAM laghu tA daza paJca ca||7||

laghUni vai samAmnAtA daza paJca ca nADikA| tE dvE muhUrtaH praharaH SaDyAmaH sapta vA nRNAm||8||

dvAdazArdhapalOnmAnaM caturbhizcaturaGgulaiH| svarNamASaiH kRtacchidraM yAvatprasthajalaplutam||9||

yAmAzcatvArazcatvArO martyAnAmahanI ubhE| pakSaH paJcadazAhAni zuklaH kRSNazca mAnada||10||

tayOH samuccayO mAsaH pitRRNAM tadaharnizam| dvau tAvRtuH SaDayanaM dakSiNaM cOttaraM divi||11||

ayanE cAhanI prAhurvatsarO dvAdaza smRtaH| saMvatsarazataM nNAM paramAyurnirUpitam||12||

graharkSatArAcakrasthaH paramANvAdinA jagat| saMvatsarAvasAnEna paryEtyanimiSO vibhuH||13||

saMvatsaraH parivatsara iDAvatsara Eva ca| anuvatsarO vatsarazca viduraivaM prabhASyatE||14||

yaH sRjyazaktimurudhOcchvasayansvazaktyA puMsO'bhramAya divi dhAvati bhUtabhEdaH| kAlAkhyayA guNamayaM kratubhirvitanvaMs tasmai baliM harata vatsarapaJcakAya||15||

vidura uvAca

pitRdEvamanuSyANAmAyuH paramidaM smRtam| parESAM gatimAcakSva yE syuH kalpAdbahirvidaH||16||

bhagavAnvEda kAlasya gatiM bhagavatO nanu| vizvaM vicakSatE dhIrA yOgarAddhEna cakSuSA||17||

maitrEya uvAca

kRtaM trEtA dvAparaM ca kalizcEti caturyugam| divyairdvAdazabhirvarSaiH sAvadhAnaM nirUpitam||18||

catvAri trINi dvE caikaM kRtAdiSu yathAkramam| saGkhyAtAni sahasrANi dviguNAni zatAni ca||19||

sandhyAsandhyAMzayOrantaryaH kAlaH zatasaGkhyayOH| tamEvAhuryugaM tajjJA yatra dharmO vidhIyatE||20||

dharmazcatuSpAnmanujAnkRtE samanuvartatE| sa EvAnyESvadharmENa vyEti pAdEna vardhatA||21||

trilOkyA yugasAhasraM bahirAbrahmaNO dinam| tAvatyEva nizA tAta yannimIlati vizvasRk||22||

nizAvasAna ArabdhO lOkakalpO'nuvartatE| yAvaddinaM bhagavatO manUnbhuJjaMzcaturdaza||23||

svaM svaM kAlaM manurbhuGktE sAdhikAM hyEkasaptatim manvantarESu manavastadvaMzyA RSayaH surAH bhavanti caiva yugapatsurEzAzcAnu yE ca tAn||24||

ESa dainandinaH sargO brAhmastrailOkyavartanaH| tiryaGnRpitRdEvAnAM sambhavO yatra karmabhiH||25||

manvantarESu bhagavAnbibhratsattvaM svamUrtibhiH| manvAdibhiridaM vizvamavatyuditapauruSaH||26||

tamOmAtrAmupAdAya pratisaMruddhavikramaH| kAlEnAnugatAzESa AstE tUSNIM dinAtyayE||27||

tamEvAnvapi dhIyantE lOkA bhUrAdayastrayaH| nizAyAmanuvRttAyAM nirmuktazazibhAskaram||28||

trilOkyAM dahyamAnAyAM zaktyA saGkarSaNAgninA| yAntyUSmaNA maharlOkAjjanaM bhRgvAdayO'rditAH||29||

tAvattribhuvanaM sadyaH kalpAntaidhitasindhavaH| plAvayantyutkaTATOpa caNDavAtEritOrmayaH||30||

antaH sa tasminsalila AstE'nantAsanO hariH| yOganidrAnimIlAkSaH stUyamAnO janAlayaiH||31||

EvaMvidhairahOrAtraiH kAlagatyOpalakSitaiH| apakSitamivAsyApi paramAyurvayaHzatam||32||

yadardhamAyuSastasya parArdhamabhidhIyatE| pUrvaH parArdhO'pakrAntO hyaparO'dya pravartatE||33||

pUrvasyAdau parArdhasya brAhmO nAma mahAnabhUt| kalpO yatrAbhavadbrahmA zabdabrahmEti yaM viduH||34||

tasyaiva cAntE kalpO'bhUdyaM pAdmamabhicakSatE| yaddharErnAbhisarasa AsIllOkasarOruham||35||

ayaM tu kathitaH kalpO dvitIyasyApi bhArata| vArAha iti vikhyAtO yatrAsIcchUkarO hariH||36||

kAlO'yaM dviparArdhAkhyO nimESa upacaryatE| avyAkRtasyAnantasya hyanAdErjagadAtmanaH||37||

kAlO'yaM paramANvAdirdviparArdhAnta IzvaraH| naivEzituM prabhurbhUmna IzvarO dhAmamAninAm||38||

vikAraiH sahitO yuktairvizESAdibhirAvRtaH| ANDakOzO bahirayaM paJcAzatkOTivistRtaH||39||

dazOttarAdhikairyatra praviSTaH paramANuvat| lakSyatE'ntargatAzcAnyE kOTizO hyaNDarAzayaH||40||

tadAhurakSaraM brahma sarvakAraNakAraNam viSNOrdhAma paraM sAkSAtpuruSasya mahAtmanaH||41||

||iti zrImadbhAgavatE mahApurANE pAramahaMsyAM saMhitAyAM tRtIyaskandhE EkAdazO'dhyAyaH||

See Also

• http://vedabase.net/sb/3/11/en