From StotraSamhita
< Bhagavatam | Skandha 12
paJcamO'dhyAyaH
zrIzuka uvAca
atrAnuvarNyatE'bhIkSNaM vizvAtmA bhagavAnhariH| yasya prasAdajO brahmA rudraH krOdhasamudbhavaH||1|| |
tvaM tu rAjanmariSyEti pazubuddhimimAM jahi| na jAtaH prAgabhUtO'dya dEhavattvaM na naGkSyasi||2|| |
na bhaviSyasi bhUtvA tvaM putrapautrAdirUpavAn| bIjAGkuravaddEhAdErvyatiriktO yathAnalaH||3|| |
svapnE yathA zirazchEdaM paJcatvAdyAtmanaH svayam| yasmAtpazyati dEhasya tata AtmA hyajO'maraH||4|| |
ghaTE bhinnE ghaTAkAza AkAzaH syAdyathA purA| EvaM dEhE mRtE jIvO brahma sampadyatE punaH||5|| |
manaH sRjati vai dEhAnguNAnkarmANi cAtmanaH| tanmanaH sRjatE mAyA tatO jIvasya saMsRtiH||6|| |
snEhAdhiSThAnavartyagni saMyOgO yAvadIyatE tAvaddIpasya dIpatvamEvaM dEhakRtO bhavaH rajaHsattvatamOvRttyA jAyatE'tha vinazyati||7|| |
na tatrAtmA svayaM jyOtiryO vyaktAvyaktayOH paraH| AkAza iva cAdhArO dhruvO'nantOpamastataH||8|| |
EvamAtmAnamAtmasthamAtmanaivAmRza prabhO| buddhyAnumAnagarbhiNyA vAsudEvAnucintayA||9|| |
cOditO vipravAkyEna na tvAM dhakSyati takSakaH| mRtyavO nOpadhakSyanti mRtyUnAM mRtyumIzvaram||10|| |
ahaM brahma paraM dhAma brahmAhaM paramaM padam| EvaM samIkSya cAtmAnamAtmanyAdhAya niSkalE||11|| |
dazantaM takSakaM pAdE lElihAnaM viSAnanaiH| na drakSyasi zarIraM ca vizvaM ca pRthagAtmanaH||12|| |
EtattE kathitaM tAta yadAtmA pRSTavAnnRpa harErvizvAtmanazcESTAM kiM bhUyaH zrOtumicchasi||13|| |
||iti zrImadbhAgavatE mahApurANE pAramahaMsyAM saMhitAyAM dwAdazaskandhE paJcamO'dhyAyaH||
