From StotraSamhita
< Bhagavatam | Skandha 10
SaTsaptatitamO'dhyAyaH
zrIzuka uvAca
athAnyadapi kRSNasya zRNu karmAdbhutaM nRpa| krIDAnarazarIrasya yathA saubhapatirhataH||1|| |
zizupAlasakhaH zAlvO rukmiNyudvAha AgataH| yadubhirnirjitaH saGkhyE jarAsandhAdayastathA||2|| |
zAlvaH pratijJAmakarOcchRNvatAM sarvabhUbhujAm| ayAdavAM kSmAM kariSyE pauruSaM mama pazyata||3|| |
iti mUDhaH pratijJAya dEvaM pazupatiM prabhum| ArAdhayAmAsa nRpaH pAMzumuSTiM sakRdgrasan||4|| |
saMvatsarAntE bhagavAnAzutOSa umApatiH| varENa cchandayAmAsa zAlvaM zaraNamAgatam||5|| |
dEvAsuramanuSyANAM gandharvOragarakSasAm| abhEdyaM kAmagaM vavrE sa yAnaM vRSNibhISaNam||6|| |
tathEti girizAdiSTO mayaH parapuraJjayaH| puraM nirmAya zAlvAya prAdAtsaubhamayasmayam||7|| |
sa labdhvA kAmagaM yAnaM tamOdhAma durAsadam| yayasdvAravatIM zAlvO vairaM vRSNikRtaM smaran||8|| |
nirudhya sEnayA zAlvO mahatyA bharatarSabha| purIM babhaJjOpavanAnudyAnAni ca sarvazaH||9|| |
sagOpurANi dvArANi prAsAdATTAlatOlikAH| vihArAnsa vimAnAgryAnnipEtuH zastravRSTayaH||10|| |
zilAdrumAzcAzanayaH sarpA AsArazarkarAH| pracaNDazcakravAtO'bhUdrajasAcchAditA dizaH||11|| |
ityardyamAnA saubhEna kRSNasya nagarI bhRzam| nAbhyapadyata zaM rAjaMstripurENa yathA mahI||12|| |
pradyumnO bhagavAnvIkSya bAdhyamAnA nijAH prajAH| ma bhaiSTEtyabhyadhAdvIrO rathArUDhO mahAyazAH||13|| |
sAtyakizcArudESNazca sAmbO'krUraH sahAnujaH| hArdikyO bhAnuvindazca gadazca zukasAraNau||14|| |
aparE ca mahESvAsA rathayUthapayUthapAH| niryayurdaMzitA guptA rathEbhAzvapadAtibhiH||15|| |
tataH pravavRtE yuddhaM zAlvAnAM yadubhiH saha| yathAsurANAM vibudhaistumulaM lOmaharSaNam||16|| |
tAzca saubhapatErmAyA divyAstrai rukmiNIsutaH| kSaNEna nAzayAmAsa naizaM tama ivOSNaguH||17|| |
vivyAdha paJcaviMzatyA svarNapuGkhairayOmukhaiH| zAlvasya dhvajinIpAlaM zaraiH sannataparvabhiH||18|| |
zatEnAtADayacchAlvamEkaikEnAsya sainikAn| dazabhirdazabhirnEtRRnvAhanAni tribhistribhiH||19|| |
tadadbhutaM mahatkarma pradyumnasya mahAtmanaH| dRSTvA taM pUjayAmAsuH sarvE svaparasainikAH||20|| |
bahurUpaikarUpaM taddRzyatE na ca dRzyatE| mAyAmayaM mayakRtaM durvibhAvyaM parairabhUt||21|| |
kvacidbhUmau kvacidvyOmni girimUrdhni jalE kvacit| alAtacakravadbhrAmyatsaubhaM tadduravasthitam||22|| |
yatra yatrOpalakSyEta sasaubhaH sahasainikaH| zAlvastatastatO'muJcaJcharAnsAtvatayUthapAH||23|| |
zarairagnyarkasaMsparzairAzIviSadurAsadaiH| pIDyamAnapurAnIkaH zAlvO'muhyatparEritaiH||24|| |
zAlvAnIkapazastraughairvRSNivIrA bhRzArditAH| na tatyajU raNaM svaM svaM lOkadvayajigISavaH||25|| |
zAlvAmAtyO dyumAnnAma pradyumnaM prakprapIDitaH| AsAdya gadayA maurvyA vyAhatya vyanadadbalI||26|| |
pradyumnaM gadayA sIrNa vakSaHsthalamarindamam| apOvAha raNAtsUtO dharmaviddArukAtmajaH||27|| |
labdhasamjJO muhUrtEna kArSNiH sArathimabravIt| ahO asAdhvidaM sUta yadraNAnmE'pasarpaNam||28|| |
na yadUnAM kulE jAtaH zrUyatE raNavicyutaH| vinA matklIbacittEna sUtEna prAptakilbiSAt||29|| |
kiM nu vakSyE'bhisaGgamya pitarau rAmakEzavau| yuddhAtsamyagapakrAntaH pRSTastatrAtmanaH kSamam||30|| |
vyaktaM mE kathayiSyanti hasantyO bhrAtRjAmayaH| klaibyaM kathaM kathaM vIra tavAnyaiH kathyatAM mRdhE||31|| |
sArathiruvAca
dharmaM vijAnatAyuSmankRtamEtanmayA vibhO| sUtaH kRcchragataM rakSEdrathinaM sArathiM rathI||32|| |
EtadviditvA tu bhavAnmayApOvAhitO raNAt upasRSTaH parENEti mUrcchitO gadayA hataH||33|| |
||iti zrImadbhAgavatE mahApurANE pAramahaMsyAM saMhitAyAM dazamaskandhE uttarArdhE SaTsaptatitamO'dhyAyaH||
