From StotraSamhita
< Bhagavatam | Skandha 01
caturdazO'dhyAyaH
sUta uvAca
samprasthitE dvArakAyAM jiSNau bandhudidRkSayA| jJAtuM ca puNyazlOkasya kRSNasya ca vicESTitam||1|| |
vyatItAH katicinmAsAstadA nAyAttatO'rjunaH| dadarza ghOrarUpANi nimittAni kurUdvahaH||2|| |
kAlasya ca gatiM raudrAM viparyastartudharmiNaH| pApIyasIM nRNAM vArtAM krOdhalObhAnRtAtmanAm||3|| |
jihmaprAyaM vyavahRtaM zAThyamizraM ca sauhRdam| pitRmAtRsuhRdbhrAtRdampatInAM ca kalkanam||4|| |
nimittAnyatyariSTAni kAlE tvanugatE nRNAm| lObhAdyadharmaprakRtiM dRSTvOvAcAnujaM nRpaH||5|| |
yudhiSThira uvAca
samprESitO dvArakAyAM jiSNurbandhudidRkSayAj| JAtuM ca puNyazlOkasya kRSNasya ca vicESTitam||6|| |
gatAH saptAdhunA mAsA bhImasEna tavAnujaH| nAyAti kasya vA hEtOrnAhaM vEdEdamaJjasA||7|| |
api dEvarSiNAdiSTaH sa kAlO'yamupasthitaH| yadAtmanO'GgamAkrIDaM bhagavAnutsisRkSati||8|| |
yasmAnnaH sampadO rAjyaM dArAH prANAH kulaM prajAH| AsansapatnavijayO lOkAzca yadanugrahAt||9|| |
pazyOtpAtAnnaravyAghra divyAnbhaumAnsadaihikAn| dAruNAnzaMsatO'dUrAdbhayaM nO buddhimOhanam||10|| |
UrvakSibAhavO mahyaM sphurantyaGga punaH punaH| vEpathuzcApi hRdayE ArAddAsyanti vipriyam||11|| |
zivaiSOdyantamAdityamabhirautyanalAnanA| mAmaGga sAramEyO'yamabhirEbhatyabhIruvat||12|| |
zastAH kurvanti mAM savyaM dakSiNaM pazavO'parE| vAhAMzca puruSavyAghra lakSayE rudatO mama||13|| |
mRtyudUtaH kapOtO'yamulUkaH kampayanmanaH| pratyulUkazca kuhvAnairvizvaM vai zUnyamicchataH||14|| |
dhUmrA dizaH paridhayaH kampatE bhUH sahAdribhiH| nirghAtazca mahAMstAta sAkaM ca stanayitnubhiH||15|| |
vAyurvAti kharasparzO rajasA visRjaMstamaH| asRgvarSanti jaladA bIbhatsamiva sarvataH||16|| |
sUryaM hataprabhaM pazya grahamardaM mithO divi| sasaGkulairbhUtagaNairjvalitE iva rOdasI||17|| |
nadyO nadAzca kSubhitAH sarAMsi ca manAMsi ca| na jvalatyagnirAjyEna kAlO'yaM kiM vidhAsyati||18|| |
na pibanti stanaM vatsA na duhyanti ca mAtaraH| rudantyazrumukhA gAvO na hRSyantyRSabhA vrajE||19|| |
daivatAni rudantIva svidyanti hyuccalanti ca imE janapadA grAmAH purOdyAnAkarAzramAH bhraSTazriyO nirAnandAH kimaghaM darzayanti naH||20|| |
manya EtairmahOtpAtairnUnaM bhagavataH padaiH| ananyapuruSazrIbhirhInA bhUrhatasaubhagA||21|| |
iti cintayatastasya dRSTAriSTEna cEtasA| rAjJaH pratyAgamadbrahmanyadupuryAH kapidhvajaH||22|| |
taM pAdayOrnipatitamayathApUrvamAturam| adhOvadanamabbindUnsRjantaM nayanAbjayOH||23|| |
vilOkyOdvignahRdayO vicchAyamanujaM nRpaH| pRcchati sma suhRnmadhyE saMsmarannAradEritam||24|| |
yudhiSThira uvAca
kaccidAnartapuryAM naH svajanAH sukhamAsatE| madhubhOjadazArhArha sAtvatAndhakavRSNayaH||25|| |
zUrO mAtAmahaH kaccitsvastyAstE vAtha mAriSaH| mAtulaH sAnujaH kaccitkuzalyAnakadundubhiH||26|| |
sapta svasArastatpatnyO mAtulAnyaH sahAtmajAH| AsatE sasnuSAH kSEmaM dEvakIpramukhAH svayam||27|| |
kaccidrAjAhukO jIvatyasatputrO'sya cAnujaH| hRdIkaH sasutO'krUrO jayantagadasAraNAH||28|| |
AsatE kuzalaM kaccidyE ca zatrujidAdayaH| kaccidAstE sukhaM rAmO bhagavAnsAtvatAM prabhuH||29|| |
pradyumnaH sarvavRSNInAM sukhamAstE mahArathaH| gambhIrarayO'niruddhO vardhatE bhagavAnuta||30|| |
suSENazcArudESNazca sAmbO jAmbavatIsutaH| anyE ca kArSNipravarAH saputrA RSabhAdayaH||31|| |
tathaivAnucarAH zaurEH zrutadEvOddhavAdayaH| sunandanandazIrSaNyA yE cAnyE sAtvatarSabhAH||32|| |
api svastyAsatE sarvE rAmakRSNabhujAzrayAH| api smaranti kuzalamasmAkaM baddhasauhRdAH||33|| |
bhagavAnapi gOvindO brahmaNyO bhaktavatsalaH| kaccitpurE sudharmAyAM sukhamAstE suhRdvRtaH||34|| |
maGgalAya ca lOkAnAM kSEmAya ca bhavAya ca| AstE yadukulAmbhOdhAvAdyO'nantasakhaH pumAn||35|| |
yadbAhudaNDaguptAyAM svapuryAM yadavO'rcitAH| krIDanti paramAnandaM mahApauruSikA iva||36|| |
yatpAdazuzrUSaNamukhyakarmaNA satyAdayO dvyaSTasahasrayOSitaH| nirjitya saGkhyE tridazAMstadAziSO haranti vajrAyudhavallabhOcitAH||37|| |
yadbAhudaNDAbhyudayAnujIvinO yadupravIrA hyakutObhayA muhuH| adhikramantyaGghribhirAhRtAM balAtsabhAM sudharmAM surasattamOcitAm||38|| |
kaccittE'nAmayaM tAta bhraSTatEjA vibhAsi mE| alabdhamAnO'vajJAtaH kiM vA tAta cirOSitaH||39|| |
kaccinnAbhihatO'bhAvaiH zabdAdibhiramaGgalaiH| na dattamuktamarthibhya AzayA yatpratizrutam||40|| |
kaccittvaM brAhmaNaM bAlaM gAM vRddhaM rOgiNaM striyam| zaraNOpasRtaM sattvaM nAtyAkSIH zaraNapradaH||41|| |
kaccittvaM nAgamO'gamyAM gamyAM vAsatkRtAM striyam| parAjitO vAtha bhavAnnOttamairnAsamaiH pathi||42|| |
api svitparyabhuGkthAstvaM sambhOjyAnvRddhabAlakAn| jugupsitaM karma kiJcitkRtavAnna yadakSamam||43|| |
kaccitprESThatamEnAtha hRdayEnAtmabandhunA zUnyO'smi rahitO nityaM manyasE tE'nyathA na ruk||44|| |
||iti zrImadbhAgavatE mahApurANE pAramahaMsyAM saMhitAyAM prathamaskandhE caturdazO'dhyAyaH||
