From StotraSamhita
< Bhagavatam | Skandha 09
caturviMzO'dhyAyaH
zrIzuka uvAca
tasyAM vidarbhO'janayatputrau nAmnA kuzakrathau| tRtIyaM rOmapAdaM ca vidarbhakulanandanam||1|| |
rOmapAdasutO babhrurbabhrOH kRtirajAyata| uzikastatsutastasmAccEdizcaidyAdayO nRpAH||2|| |
krathasya kuntiH putrO'bhUdvRSNistasyAtha nirvRtiH| tatO dazArhO nAmnAbhUttasya vyOmaH sutastataH||3|| |
jImUtO vikRtistasya yasya bhImarathaH sutaH| tatO navarathaH putrO jAtO dazarathastataH||4|| |
karambhiH zakunEH putrO dEvarAtastadAtmajaH| dEvakSatrastatastasya madhuH kuruvazAdanuH||5|| |
puruhOtrastvanOH putrastasyAyuH sAtvatastataH| bhajamAnO bhajirdivyO vRSNirdEvAvRdhO'ndhakaH||6|| |
sAtvatasya sutAH sapta mahAbhOjazca mAriSa| bhajamAnasya nimlOciH kiGkaNO dhRSTirEva ca||7|| |
EkasyAmAtmajAH patnyAmanyasyAM ca trayaH sutAH| zatAjicca sahasrAjidayutAjiditi prabhO||8|| |
babhrurdEvAvRdhasutastayOH zlOkau paThantyamU| yathaiva zRNumO dUrAtsampazyAmastathAntikAt||9|| |
babhruH zrESThO manuSyANAM dEvairdEvAvRdhaH samaH| puruSAH paJcaSaSTizca SaTsahasrANi cASTa ca||10|| |
yE'mRtatvamanuprAptA babhrOrdEvAvRdhAdapi| mahAbhOjO'tidharmAtmA bhOjA AsaMstadanvayE||11|| |
vRSNEH sumitraH putrO'bhUdyudhAjicca parantapa| zinistasyAnamitrazca nighnO'bhUdanamitrataH||12|| |
satrAjitaH prasEnazca nighnasyAthAsatuH sutau| anamitrasutO yO'nyaH zinistasya ca satyakaH||13|| |
yuyudhAnaH sAtyakirvai jayastasya kuNistataH| yugandharO'namitrasya vRSNiH putrO'parastataH||14|| |
zvaphalkazcitrarathazca gAndinyAM ca zvaphalkataH| akrUrapramukhA AsanputrA dvAdaza vizrutAH||15|| |
AsaGgaH sAramEyazca mRdurO mRduvidgiriH| dharmavRddhaH sukarmA ca kSEtrOpEkSO'rimardanaH||16|| |
zatrughnO gandhamAdazca pratibAhuzca dvAdaza| tESAM svasA sucArAkhyA dvAvakrUrasutAvapi||17|| |
dEvavAnupadEvazca tathA citrarathAtmajAH| pRthurvidUrathAdyAzca bahavO vRSNinandanAH||18|| |
kukurO bhajamAnazca zuciH kambalabarhiSaH| kukurasya sutO vahnirvilOmA tanayastataH||19|| |
kapOtarOmA tasyAnuH sakhA yasya ca tumburuH| andhakAddundubhistasmAdavidyOtaH punarvasuH||20|| |
tasyAhukazcAhukI ca kanyA caivAhukAtmajau| dEvakazcOgrasEnazca catvArO dEvakAtmajAH||21|| |
dEvavAnupadEvazca sudEvO dEvavardhanaH| tESAM svasAraH saptAsandhRtadEvAdayO nRpa||22|| |
zAntidEvOpadEvA ca zrIdEvA dEvarakSitA| sahadEvA dEvakI ca vasudEva uvAha tAH||23|| |
kaMsaH sunAmA nyagrOdhaH kaGkaH zaGkuH suhUstathA| rASTrapAlO'tha dhRSTizca tuSTimAnaugrasEnayaH||24|| |
kaMsA kaMsavatI kaGkA zUrabhU rASTrapAlikA| ugrasEnaduhitarO vasudEvAnujastriyaH||25|| |
zUrO vidUrathAdAsIdbhajamAnastu tatsutaH| zinistasmAtsvayaM bhOjO hRdikastatsutO mataH||26|| |
dEvamIDhaH zatadhanuH kRtavarmEti tatsutAH| dEvamIDhasya zUrasya mAriSA nAma patnyabhUt||27|| |
tasyAM sa janayAmAsa daza putrAnakalmaSAn| vasudEvaM dEvabhAgaM dEvazravasamAnakam||28|| |
sRJjayaM zyAmakaM kaGkaM zamIkaM vatsakaM vRkam| dEvadundubhayO nEdurAnakA yasya janmani||29|| |
vasudEvaM harEH sthAnaM vadantyAnakadundubhim| pRthA ca zrutadEvA ca zrutakIrtiH zrutazravAH||30|| |
rAjAdhidEvI caitESAM bhaginyaH paJca kanyakAH| kuntEH sakhyuH pitA zUrO hyaputrasya pRthAmadAt||31|| |
sApa durvAsasO vidyAM dEvahUtIM pratOSitAt| tasyA vIryaparIkSArthamAjuhAva raviM zuciH||32|| |
tadaivOpAgataM dEvaM vIkSya vismitamAnasA| pratyayArthaM prayuktA mE yAhi dEva kSamasva mE||33|| |
amOghaM dEvasandarzamAdadhE tvayi cAtmajam| yOniryathA na duSyEta kartAhaM tE sumadhyamE||34|| |
iti tasyAM sa AdhAya garbhaM sUryO divaM gataH| sadyaH kumAraH saJjajJE dvitIya iva bhAskaraH||35|| |
taM sAtyajannadItOyE kRcchrAllOkasya bibhyatI| prapitAmahastAmuvAha pANDurvai satyavikramaH||36|| |
zrutadEvAM tu kArUSO vRddhazarmA samagrahIt| yasyAmabhUddantavakra RSizaptO ditEH sutaH||37|| |
kaikEyO dhRSTakEtuzca zrutakIrtimavindata| santardanAdayastasyAM paJcAsankaikayAH sutAH||38|| |
rAjAdhidEvyAmAvantyau jayasEnO'janiSTa ha| damaghOSazcEdirAjaH zrutazravasamagrahIt||39|| |
zizupAlaH sutastasyAH kathitastasya sambhavaH| dEvabhAgasya kaMsAyAM citrakEtubRhadbalau||40|| |
kaMsavatyAM dEvazravasaH suvIra iSumAMstathA| bakaH kaGkAttu kaGkAyAM satyajitpurujittathA||41|| |
sRJjayO rASTrapAlyAM ca vRSadurmarSaNAdikAn| harikEzahiraNyAkSau zUrabhUmyAM ca zyAmakaH||42|| |
mizrakEzyAmapsarasi vRkAdInvatsakastathA| takSapuSkarazAlAdIndurvAkSyAM vRka AdadhE||43|| |
sumitrArjunapAlAdInsamIkAttu sudAmanI| AnakaH karNikAyAM vai RtadhAmAjayAvapi||44|| |
pauravI rOhiNI bhadrA madirA rOcanA ilA| dEvakIpramukhAzcAsanpatnya AnakadundubhEH||45|| |
balaM gadaM sAraNaM ca durmadaM vipulaM dhruvam| vasudEvastu rOhiNyAM kRtAdInudapAdayat||46|| |
subhadrO bhadrabAhuzca durmadO bhadra Eva ca| pauravyAstanayA hyEtE bhUtAdyA dvAdazAbhavan||47|| |
nandOpanandakRtaka zUrAdyA madirAtmajAH| kauzalyA kEzinaM tvEkamasUta kulanandanam||48|| |
rOcanAyAmatO jAtA hastahEmAGgadAdayaH| ilAyAmuruvalkAdInyadumukhyAnajIjanat||49|| |
vipRSThO dhRtadEvAyAmEka AnakadundubhEH| zAntidEvAtmajA rAjanprazamaprasitAdayaH||50|| |
rAjanyakalpavarSAdyA upadEvAsutA daza| vasuhaMsasuvaMzAdyAH zrIdEvAyAstu SaTsutAH||51|| |
dEvarakSitayA labdhA nava cAtra gadAdayaH| vasudEvaH sutAnaSTAvAdadhE sahadEvayA||52|| |
pravarazrutamukhyAMzca sAkSAddharmO vasUniva| vasudEvastu dEvakyAmaSTa putrAnajIjanat||53|| |
kIrtimantaM suSENaM ca bhadrasEnamudAradhIH| RjuM sammardanaM bhadraM saGkarSaNamahIzvaram||54|| |
aSTamastu tayOrAsItsvayamEva hariH kila| subhadrA ca mahAbhAgA tava rAjanpitAmahI||55|| |
yadA yadA hi dharmasya kSayO vRddhizca pApmanaH| tadA tu bhagavAnIza AtmAnaM sRjatE hariH||56|| |
na hyasya janmanO hEtuH karmaNO vA mahIpatE| AtmamAyAM vinEzasya parasya draSTurAtmanaH||57|| |
yanmAyAcESTitaM puMsaH sthityutpattyapyayAya hi| anugrahastannivRttErAtmalAbhAya cESyatE||58|| |
akSauhiNInAM patibhirasurairnRpalAJchanaiH| bhuva AkramyamANAyA abhArAya kRtOdyamaH||59|| |
karmANyaparimEyANi manasApi surEzvaraiH| sahasaGkarSaNazcakrE bhagavAnmadhusUdanaH||60|| |
kalau janiSyamANAnAM duHkhazOkatamOnudam| anugrahAya bhaktAnAM supuNyaM vyatanOdyazaH||61|| |
yasminsatkarNapIyuSE yazastIrthavarE sakRt| zrOtrAJjalirupaspRzya dhunutE karmavAsanAm||62|| |
bhOjavRSNyandhakamadhu zUrasEnadazArhakaiH| zlAghanIyEhitaH zazvatkurusRJjayapANDubhiH||63|| |
snigdhasmitEkSitOdArairvAkyairvikramalIlayA| nRlOkaM ramayAmAsa mUrtyA sarvAGgaramyayA||64|| |
yasyAnanaM makarakuNDalacArukarNa bhrAjatkapOlasubhagaM savilAsahAsam| nityOtsavaM na tatRpurdRzibhiH pibantyO nAryO narAzca muditAH kupitA nimEzca||65|| |
jAtO gataH pitRgRhAdvrajamEdhitArthO hatvA ripUnsutazatAni kRtOrudAraH| utpAdya tESu puruSaH kratubhiH samIjE AtmAnamAtmanigamaM prathayanjanESu||66|| |
pRthvyAH sa vai gurubharaM kSapayankurUNAmantaHsamutthakalinA yudhi bhUpacamvaH dRSTyA vidhUya vijayE jayamudvighOSya prOcyOddhavAya ca paraM samagAtsvadhAma||67|| |
||iti zrImadbhAgavatE mahApurANE pAramahaMsyAM saMhitAyAM navamaskandhE caturviMzO'dhyAyaH||
