From StotraSamhita

triMzO'dhyAyaH

kapila uvAca

tasyaitasya janO nUnaM nAyaM vEdOruvikramam| kAlyamAnO'pi balinO vAyOriva ghanAvaliH||1||

yaM yamarthamupAdattE duHkhEna sukhahEtavE| taM taM dhunOti bhagavAnpumAnchOcati yatkRtE||2||

yadadhruvasya dEhasya sAnubandhasya durmatiH| dhruvANi manyatE mOhAdgRhakSEtravasUni ca||3||

janturvai bhava EtasminyAM yAM yOnimanuvrajEt| tasyAM tasyAM sa labhatE nirvRtiM na virajyatE||4||

narakasthO'pi dEhaM vai na pumAMstyaktumicchati| nArakyAM nirvRtau satyAM dEvamAyAvimOhitaH||5||

AtmajAyAsutAgAra pazudraviNabandhuSu| nirUDhamUlahRdaya AtmAnaM bahu manyatE||6||

sandahyamAnasarvAGga ESAmudvahanAdhinA| karOtyavirataM mUDhO duritAni durAzayaH||7||

AkSiptAtmEndriyaH strINAmasatInAM ca mAyayA| rahO racitayAlApaiH zizUnAM kalabhASiNAm||8||

gRhESu kUTadharmESu duHkhatantrESvatandritaH| kurvanduHkhapratIkAraM sukhavanmanyatE gRhI||9||

arthairApAditairgurvyA hiMsayEtastatazca tAn| puSNAti yESAM pOSENa zESabhugyAtyadhaH svayam||10||

vArtAyAM lupyamAnAyAmArabdhAyAM punaH punaH| lObhAbhibhUtO niHsattvaH parArthE kurutE spRhAm||11||

kuTumbabharaNAkalpO mandabhAgyO vRthOdyamaH| zriyA vihInaH kRpaNO dhyAyanchvasiti mUDhadhIH||12||

EvaM svabharaNAkalpaM tatkalatrAdayastathA| nAdriyantE yathA pUrvaM kInAzA iva gOjaram||13||

tatrApyajAtanirvEdO bhriyamANaH svayambhRtaiH| jarayOpAttavairUpyO maraNAbhimukhO gRhE||14||

AstE'vamatyOpanyastaM gRhapAla ivAharan| AmayAvyapradIptAgniralpAhArO'lpacESTitaH||15||

vAyunOtkramatOttAraH kaphasaMruddhanADikaH| kAsazvAsakRtAyAsaH kaNThE ghuraghurAyatE||16||

zayAnaH parizOcadbhiH parivItaH svabandhubhiH| vAcyamAnO'pi na brUtE kAlapAzavazaM gataH||17||

EvaM kuTumbabharaNE vyApRtAtmAjitEndriyaH| mriyatE rudatAM svAnAmuruvEdanayAstadhIH||18||

yamadUtau tadA prAptau bhImau sarabhasEkSaNau| sa dRSTvA trastahRdayaH zakRnmUtraM vimuJcati||19||

yAtanAdEha AvRtya pAzairbaddhvA galE balAt| nayatO dIrghamadhvAnaM daNDyaM rAjabhaTA yathA||20||

tayOrnirbhinnahRdayastarjanairjAtavEpathuH| pathi zvabhirbhakSyamANa ArtO'ghaM svamanusmaran||21||

kSuttRTparItO'rkadavAnalAnilaiH santapyamAnaH pathi taptavAlukE| kRcchrENa pRSThE kazayA ca tADitazcalatyazaktO'pi nirAzramOdakE||22||

tatra tatra patanchrAntO mUrcchitaH punarutthitaH| pathA pApIyasA nItastarasA yamasAdanam||23||

yOjanAnAM sahasrANi navatiM nava cAdhvanaH| tribhirmuhUrtairdvAbhyAM vA nItaH prApnOti yAtanAH||24||

AdIpanaM svagAtrANAM vESTayitvOlmukAdibhiH| AtmamAMsAdanaM kvApi svakRttaM paratO'pi vA||25||

jIvatazcAntrAbhyuddhAraH zvagRdhrairyamasAdanE| sarpavRzcikadaMzAdyairdazadbhizcAtmavaizasam||26||

kRntanaM cAvayavazO gajAdibhyO bhidApanam| pAtanaM girizRGgEbhyO rOdhanaM cAmbugartayOH||27||

yAstAmisrAndhatAmisrA rauravAdyAzca yAtanAH| bhuGktE narO vA nArI vA mithaH saGgEna nirmitAH||28||

atraiva narakaH svarga iti mAtaH pracakSatE| yA yAtanA vai nArakyastA ihApyupalakSitAH||29||

EvaM kuTumbaM bibhrANa udarambhara Eva vA| visRjyEhObhayaM prEtya bhuGktE tatphalamIdRzam||30||

EkaH prapadyatE dhvAntaM hitvEdaM svakalEvaram| kuzalEtarapAthEyO bhUtadrOhENa yadbhRtam||31||

daivEnAsAditaM tasya zamalaM nirayE pumAn| bhuGktE kuTumbapOSasya hRtavitta ivAturaH||32||

kEvalEna hyadharmENa kuTumbabharaNOtsukaH| yAti jIvO'ndhatAmisraM caramaM tamasaH padam||33||

adhastAnnaralOkasya yAvatIryAtanAdayaH kramazaH samanukramya punaratrAvrajEcchuciH||34||

||iti zrImadbhAgavatE mahApurANE pAramahaMsyAM saMhitAyAM tRtIyaskandhE triMzO'dhyAyaH||

See Also

• http://vedabase.net/sb/3/30/en