From StotraSamhita
< Bhagavatam | Skandha 05
saptadazO'dhyAyaH
zrIzuka uvAca
tatra bhagavataH sAkSAdyajJaliGgasya viSNOrvikramatO vAmapAdAGguSThanakha nirbhinnOrdhvANDakaTAhavivarENAntaHpraviSTA yA bAhyajaladhArA taccaraNapaGkajAvanEjanAruNa kiJjalkOparaJjitAkhilajagadaghamalApahOpasparzanAmalA sAkSAdbhagavatpadItyanupalakSitavacO 'bhidhIyamAnAtimahatA kAlEna yugasahasrOpalakSaNEna divO mUrdhanyavatatAra yattadviSNupadamAhuH||1|| |
yatra ha vAva vIravrata auttAnapAdiH paramabhAgavatO'smatkuladEvatAcaraNAravindOdakamiti yAmanusavanamutkRSyamANabhagavadbhaktiyOgEna dRDhaM klidyamAnAntarhRdaya autkaNThya vivazAmIlitalOcanayugalakuDmalavigalitAmalabASpakalayAbhivyajyamAnarOmapulakakulakO'dhunApi paramAdarENa zirasA bibharti||2|| |
tataH sapta RSayastatprabhAvAbhijJA yAM nanu tapasa AtyantikI siddhirEtAvatI bhagavati sarvAtmani vAsudEvE'nuparatabhaktiyOgalAbhEnaivOpEkSitAnyArthAtmagatayO muktimivAgatAM mumukSava iva sabahumAnamadyApi jaTAjUTairudvahanti||3|| |
tatO'nEkasahasrakOTivimAnAnIkasaGkuladEvayAnEnAvatarantIndu maNDalamAvArya brahma sadanE nipatati||4|| |
tatra caturdhA bhidyamAnA caturbhirnAmabhizcaturdizamabhispandantI nadanadI patimEvAbhinivizati sItAlakanandA cakSurbhadrEti||5|| |
sItA tu brahmasadanAtkEsarAcalAdigirizikharEbhyO'dhO'dhaH prasravantI gandhamAdanamUrdhasu patitvAntarENa bhadrAzvavarSaM prAcyAM dizi kSArasamudramabhipravizati||6|| |
EvaM mAlyavacchikharAnniSpatantI tatO'nuparatavEgA kEtumAlamabhi cakSuH pratIcyAM dizi sarit patiM pravizati||7|| |
bhadrA cOttaratO mEruzirasO nipatitA girizikharAdgirizikharamatihAya zRGgavataH zRGgAdavasyandamAnA uttarAMstu kurUnabhita udIcyAM dizi jaladhimabhipravizati||8|| |
tathaivAlakanandA dakSiNEna brahmasadanAdbahUni girikUTAnyatikramya hEmakUTAddhaimakUTAnyatirabhasatararaMhasA luThayantI bhAratamabhivarSaM dakSiNasyAM dizi jaladhimabhipravizati yasyAM snAnArthaM cAgacchataH puMsaH padE padE'zvamEdharAjasUyAdInAM phalaM na durlabhamiti||9|| |
anyE ca nadA nadyazca varSE varSE santi bahuzO mErvAdigiriduhitaraH zatazaH||10|| |
tatrApi bhAratamEva varSaM karmakSEtramanyAnyaSTa varSANi svargiNAM puNyazESOpabhOga sthAnAni bhaumAni svargapadAni vyapadizanti||11|| |
ESu puruSANAmayutapuruSAyurvarSANAM dEvakalpAnAM nAgAyutaprANAnAM vajrasaMhananabala vayOmOdapramuditamahAsauratamithunavyavAyApavargavarSadhRtaikagarbhakalatrANAM tatra tu trEtA yugasamaH kAlO vartatE||12|| |
yatra ha dEvapatayaH svaiH svairgaNanAyakairvihitamahArhaNAH sarvartukusumastabakaphala kisalayazriyAnamyamAnaviTapalatAviTapibhirupazumbhamAnarucirakAnanAzramAyatanavarSagiridrONISu tathA cAmalajalAzayESu vikacavividhanavavanaruhAmOdamuditarAjahaMsajalakukkuTakAraNDavasArasa cakravAkAdibhirmadhukaranikarAkRtibhirupakUjitESu jalakrIDAdibhirvicitravinOdaiH sulalitasurasundarINAM kAmakalilavilAsahAsalIlAvalOkAkRSTamanOdRSTayaH svairaM viharanti||13|| |
navasvapi varSESu bhagavAnnArAyaNO mahApuruSaH puruSANAM tadanugrahAyAtmatattva vyUhEnAtmanAdyApi sannidhIyatE||14|| |
ilAvRtE tu bhagavAnbhava Eka Eva pumAnna hyanyastatrAparO nirvizati bhavAnyAH zApanimittajJO yatpravEkSyataH strIbhAvastatpazcAdvakSyAmi||15|| |
bhavAnInAthaiH strIgaNArbudasahasrairavarudhyamAnO bhagavatazcaturmUrtErmahApuruSasya turIyAM tAmasIM mUrtiM prakRtimAtmanaH saGkarSaNasaMjJAmAtmasamAdhirUpENa sannidhApyaitadabhigRNanbhava upadhAvati||16|| |
zrIbhagavAnuvAca
OM namO bhagavatE mahApuruSAya sarvaguNasaGkhyAnAyAnantAyAvyaktAya nama iti bhajE bhajanyAraNapAdapaGkajaM bhagasya kRtsnasya paraM parAyaNam bhaktESvalaM bhAvitabhUtabhAvanaM bhavApahaM tvA bhavabhAvamIzvaram||17|| |
na yasya mAyAguNacittavRttibhirnirIkSatO hyaNvapi dRSTirajyatE| IzE yathA nO'jitamanyuraMhasAM kastaM na manyEta jigISurAtmanaH||18|| |
asaddRzO yaH pratibhAti mAyayA kSIbEva madhvAsavatAmralOcanaH| na nAgavadhvO'rhaNa IzirE hriyA yatpAdayOH sparzanadharSitEndriyAH||19|| |
yamAhurasya sthitijanmasaMyamaM tribhirvihInaM yamanantamRSayaH| na vEda siddhArthamiva kvacitsthitaM bhUmaNDalaM mUrdhasahasradhAmasu||20|| |
yasyAdya AsIdguNavigrahO mahAnvijJAnadhiSNyO bhagavAnajaH kila| yatsambhavO'haM trivRtA svatEjasA vaikArikaM tAmasamaindriyaM sRjE||21|| |
EtE vayaM yasya vazE mahAtmanaH sthitAH zakuntA iva sUtrayantritAH| mahAnahaM vaikRtatAmasEndriyAH sRjAma sarvE yadanugrahAdidam||22|| |
yannirmitAM karhyapi karmaparvaNIM mAyAM janO'yaM guNasargamOhitaH na vEda nistAraNayOgamaJjasA tasmai namastE vilayOdayAtmanE||23|| |
||iti zrImadbhAgavatE mahApurANE pAramahaMsyAM saMhitAyAM paJcamaskandhE saptadazO'dhyAyaH||
