From StotraSamhita
< Bhagavatam | Skandha 04
SaSThO'dhyAyaH
maitrEya uvAca
atha dEvagaNAH sarvE rudrAnIkaiH parAjitAH| zUlapaTTizanistriMza gadAparighamudgaraiH||1|| |
saJchinnabhinnasarvAGgAH sartviksabhyA bhayAkulAH| svayambhuvE namaskRtya kArtsnyEnaitannyavEdayan||2|| |
upalabhya puraivaitadbhagavAnabjasambhavaH| nArAyaNazca vizvAtmA na kasyAdhvaramIyatuH||3|| |
tadAkarNya vibhuH prAha tEjIyasi kRtAgasi| kSEmAya tatra sA bhUyAnna prAyENa bubhUSatAm||4|| |
athApi yUyaM kRtakilbiSA bhavaM yE barhiSO bhAgabhAjaM parAduH| prasAdayadhvaM parizuddhacEtasA kSipraprasAdaM pragRhItAGghripadmam||5|| |
AzAsAnA jIvitamadhvarasya lOkaH sapAlaH kupitE na yasmin| tamAzu dEvaM priyayA vihInaM kSamApayadhvaM hRdi viddhaM duruktaiH||6|| |
nAhaM na yajJO na ca yUyamanyE yE dEhabhAjO munayazca tattvam| viduH pramANaM balavIryayOrvA yasyAtmatantrasya ka upAyaM vidhitsEt||7|| |
sa itthamAdizya surAnajastu taiH samanvitaH pitRbhiH saprajEzaiH| yayau svadhiSNyAnnilayaM puradviSaH kailAsamadripravaraM priyaM prabhOH||8|| |
janmauSadhitapOmantra yOgasiddhairnarEtaraiH| juSTaM kinnaragandharvairapsarObhirvRtaM sadA||9|| |
nAnAmaNimayaiH zRGgairnAnAdhAtuvicitritaiH| nAnAdrumalatAgulmairnAnAmRgagaNAvRtaiH||10|| |
nAnAmalaprasravaNairnAnAkandarasAnubhiH| ramaNaM viharantInAM ramaNaiH siddhayOSitAm||11|| |
mayUrakEkAbhirutaM madAndhAlivimUrcchitam| plAvitai raktakaNThAnAM kUjitaizca patattriNAm||12|| |
AhvayantamivOddhastairdvijAnkAmadughairdrumaiH| vrajantamiva mAtaGgairgRNantamiva nirjharaiH||13|| |
mandAraiH pArijAtaizca saralaizcOpazObhitam| tamAlaiH zAlatAlaizca kOvidArAsanArjunaiH||14|| |
cUtaiH kadambairnIpaizca nAgapunnAgacampakaiH| pATalAzOkabakulaiH kundaiH kurabakairapi||15|| |
svarNArNazatapatraizca vararENukajAtibhiH| kubjakairmallikAbhizca mAdhavIbhizca maNDitam||16|| |
panasOdumbarAzvattha plakSanyagrOdhahiGgubhiH| bhUrjairOSadhibhiH pUgai rAjapUgaizca jambubhiH||17|| |
kharjUrAmrAtakAmrAdyaiH priyAlamadhukEGgudaiH| drumajAtibhiranyaizca rAjitaM vENukIcakaiH||18|| |
kumudOtpalakahlAra zatapatravanarddhibhiH| nalinISu kalaM kUjat khagavRndOpazObhitam||19|| |
mRgaiH zAkhAmRgaiH krODairmRgEndrairRkSazalyakaiH| gavayaiH zarabhairvyAghrai rurubhirmahiSAdibhiH||20|| |
karNAntraikapadAzvAsyairnirjuSTaM vRkanAbhibhiH| kadalIkhaNDasaMruddha nalinIpulinazriyam||21|| |
paryastaM nandayA satyAH snAnapuNyatarOdayA| vilOkya bhUtEzagiriM vibudhA vismayaM yayuH||22|| |
dadRzustatra tE ramyAmalakAM nAma vai purIm| vanaM saugandhikaM cApi yatra tannAma paGkajam||23|| |
nandA cAlakanandA ca saritau bAhyataH puraH| tIrthapAdapadAmbhOja rajasAtIva pAvanE||24|| |
yayOH surastriyaH kSattaravaruhya svadhiSNyataH| krIDanti puMsaH siJcantyO vigAhya ratikarzitAH||25|| |
yayOstatsnAnavibhraSTa navakuGkumapiJjaram| vitRSO'pi pibantyambhaH pAyayantO gajA gajIH||26|| |
tArahEmamahAratna vimAnazatasaGkulAm| juSTAM puNyajanastrIbhiryathA khaM sataDidghanam||27|| |
hitvA yakSEzvarapurIM vanaM saugandhikaM ca tat| drumaiH kAmadughairhRdyaM citramAlyaphalacchadaiH||28|| |
raktakaNThakhagAnIka svaramaNDitaSaTpadam| kalahaMsakulaprESThaM kharadaNDajalAzayam||29|| |
vanakuJjarasaGghRSTa haricandanavAyunA| adhi puNyajanastrINAM muhurunmathayanmanaH||30|| |
vaidUryakRtasOpAnA vApya utpalamAlinIH| prAptaM kimpuruSairdRSTvA ta ArAddadRzurvaTam||31|| |
sa yOjanazatOtsEdhaH pAdOnaviTapAyataH| paryakkRtAcalacchAyO nirnIDastApavarjitaH||32|| |
tasminmahAyOgamayE mumukSuzaraNE surAH| dadRzuH zivamAsInaM tyaktAmarSamivAntakam||33|| |
sanandanAdyairmahAsiddhaiH zAntaiH saMzAntavigraham| upAsyamAnaM sakhyA ca bhartrA guhyakarakSasAm||34|| |
vidyAtapOyOgapathamAsthitaM tamadhIzvaram| carantaM vizvasuhRdaM vAtsalyAllOkamaGgalam||35|| |
liGgaM ca tApasAbhISTaM bhasmadaNDajaTAjinam| aGgEna sandhyAbhrarucA candralEkhAM ca bibhratam||36|| |
upaviSTaM darbhamayyAM bRsyAM brahma sanAtanam| nAradAya pravOcantaM pRcchatE zRNvatAM satAm||37|| |
kRtvOrau dakSiNE savyaM pAdapadmaM ca jAnuni| bAhuM prakOSThE'kSamAlAmAsInaM tarkamudrayA||38|| |
taM brahmanirvANasamAdhimAzritaM vyupAzritaM girizaM yOgakakSAm| salOkapAlA munayO manUnAmAdyaM manuM prAJjalayaH praNEmuH||39|| |
sa tUpalabhyAgatamAtmayOniM surAsurEzairabhivanditAGghriH| utthAya cakrE zirasAbhivandanamarhattamaH kasya yathaiva viSNuH||40|| |
tathAparE siddhagaNA maharSibhiryE vai samantAdanu nIlalOhitam| namaskRtaH prAha zazAGkazEkharaM kRtapraNAmaM prahasannivAtmabhUH||41|| |
brahmOvAca
AnE tvAmIzaM vizvasya jagatO yOnibIjayOH| zaktEH zivasya ca paraM yattadbrahmA nirantaram||42|| |
tvamEva bhagavannEtacchivazaktyOH svarUpayOH| vizvaM sRjasi pAsyatsi krIDannUrNapaTO yathA||43|| |
tvamEva dharmArthadughAbhipattayE dakSENa sUtrENa sasarjithAdhvaram| tvayaiva lOkE'vasitAzca sEtavO yAnbrAhmaNAH zraddadhatE dhRtavratAH||44|| |
tvaM karmaNAM maGgala maGgalAnAM kartuH svalOkaM tanuSE svaH paraM vA| amaGgalAnAM ca tamisramulbaNaM viparyayaH kEna tadEva kasyacit||45|| |
na vai satAM tvaccaraNArpitAtmanAM bhUtESu sarvESvabhipazyatAM tava| bhUtAni cAtmanyapRthagdidRkSatAM prAyENa rOSO'bhibhavEdyathA pazum||46|| |
pRthagdhiyaH karmadRzO durAzayAH parOdayEnArpitahRdrujO'nizam| parAnduruktairvitudantyaruntudAstAnmAvadhIddaivavadhAnbhavadvidhaH||47|| |
yasminyadA puSkaranAbhamAyayA durantayA spRSTadhiyaH pRthagdRzaH| kurvanti tatra hyanukampayA kRpAM na sAdhavO daivabalAtkRtE kramam||48|| |
bhavAMstu puMsaH paramasya mAyayA durantayAspRSTamatiH samastadRk| tayA hatAtmasvanukarmacEtaHsvanugrahaM kartumihArhasi prabhO||49|| |
kurvadhvarasyOddharaNaM hatasya bhOH tvayAsamAptasya manO prajApatEH| na yatra bhAgaM tava bhAginO daduH kuyAjinO yEna makhO ninIyatE||50|| |
jIvatAdyajamAnO'yaM prapadyEtAkSiNI bhagaH| bhRgOH zmazrUNi rOhantu pUSNO dantAzca pUrvavat||51|| |
dEvAnAM bhagnagAtrANAmRtvijAM cAyudhAzmabhiH| bhavatAnugRhItAnAmAzu manyO'stvanAturam||52|| |
ESa tE rudra bhAgO'stu yaducchiSTO'dhvarasya vai yajJastE rudra bhAgEna kalpatAmadya yajJahan||53|| |
||iti zrImadbhAgavatE mahApurANE pAramahaMsyAM saMhitAyAM caturthaskandhE SaSThO'dhyAyaH||
