From StotraSamhita
< Bhagavatam | Skandha 08
saptamO'dhyAyaH
zrIzuka uvAca
tE nAgarAjamAmantrya phalabhAgEna vAsukim| parivIya girau tasminnEtramabdhiM mudAnvitAH||1|| |
ArEbhirE surA yattA amRtArthE kurUdvaha| hariH purastAjjagRhE pUrvaM dEvAstatO'bhavan||2|| |
tannaicchandaityapatayO mahApuruSacESTitam| na gRhNImO vayaM pucchamahEraGgamamaGgalam||3|| |
svAdhyAyazrutasampannAH prakhyAtA janmakarmabhiH iti tUSNIM sthitAndaityAnvilOkya puruSOttamaH smayamAnO visRjyAgraM pucchaM jagrAha sAmaraH||4|| |
kRtasthAnavibhAgAsta EvaM kazyapanandanAH| mamanthuH paramaM yattA amRtArthaM payOnidhim||6|| |
mathyamAnE'rNavE sO'driranAdhArO hyapO'vizat| dhriyamANO'pi balibhirgauravAtpANDunandana||7|| |
tE sunirviNNamanasaH parimlAnamukhazriyaH| AsansvapauruSE naSTE daivEnAtibalIyasA||8|| |
vilOkya vighnEzavidhiM tadEzvarO durantavIryO'vitathAbhisandhiH| kRtvA vapuH kacchapamadbhutaM mahatpravizya tOyaM girimujjahAra||9|| |
tamutthitaM vIkSya kulAcalaM punaH samudyatA nirmathituM surAsurAH| dadhAra pRSThEna sa lakSayOjana prastAriNA dvIpa ivAparO mahAn||10|| |
surAsurEndrairbhujavIryavEpitaM paribhramantaM girimaGga pRSThataH| bibhrattadAvartanamAdikacchapO mEnE'GgakaNDUyanamapramEyaH||11|| |
tathAsurAnAvizadAsurENa rUpENa tESAM balavIryamIrayan| uddIpayandEvagaNAMzca viSNurdaivEna nAgEndramabOdharUpaH||12|| |
uparyagEndraM girirADivAnya Akramya hastEna sahasrabAhuH| tasthau divi brahmabhavEndramukhyairabhiSTuvadbhiH sumanO'bhivRSTaH||13|| |
uparyadhazcAtmani gOtranEtrayOH parENa tE prAvizatA samEdhitAH| mamanthurabdhiM tarasA madOtkaTA mahAdriNA kSObhitanakracakram||14|| |
ahIndrasAhasrakaThOradRGmukha zvAsAgnidhUmAhatavarcasO'surAH| paulOmakAlEyabalIlvalAdayO davAgnidagdhAH saralA ivAbhavan||15|| |
dEvAMzca tacchvAsazikhAhataprabhAndhUmrAmbarasragvarakaJcukAnanAn| samabhyavarSanbhagavadvazA ghanA vavuH samudrOrmyupagUDhavAyavaH||16|| |
mathyamAnAttathA sindhOrdEvAsuravarUthapaiH| yadA sudhA na jAyEta nirmamanthAjitaH svayam||17|| |
mEghazyAmaH kanakaparidhiH karNavidyOtavidyun mUrdhni bhrAjadvilulitakacaH sragdharO raktanEtraH| jaitrairdOrbhirjagadabhayadairdandazUkaM gRhItvA mathnanmathnA pratigiririvAzObhatAthO dhRtAdriH||18|| |
nirmathyamAnAdudadhErabhUdviSaM mahOlbaNaM hAlahalAhvamagrataH| sambhrAntamInOnmakarAhikacchapAttimidvipagrAhatimiGgilAkulAt||19|| |
tadugravEgaM dizi dizyuparyadhO visarpadutsarpadasahyamaprati| bhItAH prajA dudruvuraGga sEzvarA arakSyamANAH zaraNaM sadAzivam||20|| |
vilOkya taM dEvavaraM trilOkyA bhavAya dEvyAbhimataM munInAm| AsInamadrAvapavargahEtOstapO juSANaM stutibhiH praNEmuH||21|| |
zrIprajApataya UcuH
dEvadEva mahAdEva bhUtAtmanbhUtabhAvana| trAhi naH zaraNApannAMstrailOkyadahanAdviSAt||22|| |
tvamEkaH sarvajagata IzvarO bandhamOkSayOH| taM tvAmarcanti kuzalAH prapannArtiharaM gurum||23|| |
guNamayyA svazaktyAsya sargasthityapyayAnvibhO| dhatsE yadA svadRgbhUmanbrahmaviSNuzivAbhidhAm||24|| |
tvaM brahma paramaM guhyaM sadasadbhAvabhAvanam| nAnAzaktibhirAbhAtastvamAtmA jagadIzvaraH||25|| |
tvaM zabdayOnirjagadAdirAtmA prANEndriyadravyaguNaH svabhAvaH| kAlaH kratuH satyamRtaM ca dharmastvayyakSaraM yattrivRdAmananti||26|| |
agnirmukhaM tE'khiladEvatAtmA kSitiM vidurlOkabhavAGghripaGkajam| kAlaM gatiM tE'khiladEvatAtmanO dizazca karNau rasanaM jalEzam||27|| |
nAbhirnabhastE zvasanaM nabhasvAnsUryazca cakSUMSi jalaM sma rEtaH| parAvarAtmAzrayaNaM tavAtmA sOmO manO dyaurbhagavanzirastE||28|| |
kukSiH samudrA girayO'sthisaGghA rOmANi sarvauSadhivIrudhastE| chandAMsi sAkSAttava sapta dhAtavastrayImayAtmanhRdayaM sarvadharmaH||29|| |
mukhAni paJcOpaniSadastavEza yaistriMzadaSTOttaramantravargaH| yattacchivAkhyaM paramAtmatattvaM dEva svayaM jyOtiravasthitistE||30|| |
chAyA tvadharmOrmiSu yairvisargO nEtratrayaM sattvarajastamAMsi| sAGkhyAtmanaH zAstrakRtastavEkSA chandOmayO dEva RSiH purANaH||31|| |
na tE giritrAkhilalOkapAla viriJcavaikuNThasurEndragamyam| jyOtiH paraM yatra rajastamazca sattvaM na yadbrahma nirastabhEdam||32|| |
kAmAdhvaratripurakAlagarAdyanEka bhUtadruhaH kSapayataH stutayE na tattE| yastvantakAla idamAtmakRtaM svanEtra vahnisphuliGgazikhayA bhasitaM na vEda||33|| |
yE tvAtmarAmagurubhirhRdi cintitAGghri dvandvaM carantamumayA tapasAbhitaptam| katthanta ugraparuSaM nirataM zmazAnE tE nUnamUtimavidaMstava hAtalajjAH||34|| |
tattasya tE sadasatOH parataH parasya nAJjaH svarUpagamanE prabhavanti bhUmnaH| brahmAdayaH kimuta saMstavanE vayaM tu tatsargasargaviSayA api zaktimAtram||35|| |
EtatparaM prapazyAmO na paraM tE mahEzvara| mRDanAya hi lOkasya vyaktistE'vyaktakarmaNaH||36|| |
zrIzuka uvAca
tadvIkSya vyasanaM tAsAM kRpayA bhRzapIDitaH| sarvabhUtasuhRddEva idamAha satIM priyAm||37|| |
zrIziva uvAca
ahO bata bhavAnyEtatprajAnAM pazya vaizasam| kSIrOdamathanOdbhUtAtkAlakUTAdupasthitam||38|| |
AsAM prANaparIpsUnAM vidhEyamabhayaM hi mE| EtAvAnhi prabhOrarthO yaddInaparipAlanam||39|| |
prANaiH svaiH prANinaH pAnti sAdhavaH kSaNabhaGguraiH| baddhavairESu bhUtESu mOhitESvAtmamAyayA||40|| |
puMsaH kRpayatO bhadrE sarvAtmA prIyatE hariH prItE harau bhagavati prIyE'haM sacarAcaraH tasmAdidaM garaM bhuJjE prajAnAM svastirastu mE||41|| |
zrIzuka uvAca
EvamAmantrya bhagavAnbhavAnIM vizvabhAvanaH| tadviSaM jagdhumArEbhE prabhAvajJAnvamOdata||42|| |
tataH karatalIkRtya vyApi hAlAhalaM viSam| abhakSayanmahAdEvaH kRpayA bhUtabhAvanaH||43|| |
tasyApi darzayAmAsa svavIryaM jalakalmaSaH| yaccakAra galE nIlaM tacca sAdhOrvibhUSaNam||44|| |
tapyantE lOkatApEna sAdhavaH prAyazO janAH| paramArAdhanaM taddhi puruSasyAkhilAtmanaH||45|| |
nizamya karma tacchambhOrdEvadEvasya mIDhuSaH| prajA dAkSAyaNI brahmA vaikuNThazca zazaMsirE||46|| |
praskannaM pibataH pANEryatkiJcijjagRhuH sma tat vRzcikAhiviSauSadhyO dandazUkAzca yE'parE||47|| |
||iti zrImadbhAgavatE mahApurANE pAramahaMsyAM saMhitAyAM aSTamaskandhE saptamO'dhyAyaH||
