From StotraSamhita
< Bhagavatam | Skandha 04
triMzO'dhyAyaH
vidura uvAca
yE tvayAbhihitA brahmansutAH prAcInabarhiSaH| tE rudragItEna hariM siddhimApuH pratOSya kAm||1|| |
kiM bArhaspatyEha paratra vAtha kaivalyanAthapriyapArzvavartinaH| AsAdya dEvaM girizaM yadRcchayA prApuH paraM nUnamatha pracEtasaH||2|| |
maitrEya uvAca
pracEtasO'ntarudadhau piturAdEzakAriNaH| apayajJEna tapasA puraJjanamatOSayan||3|| |
dazavarSasahasrAntE puruSastu sanAtanaH| tESAmAvirabhUtkRcchraM zAntEna zamayanrucA||4|| |
suparNaskandhamArUDhO mEruzRGgamivAmbudaH| pItavAsA maNigrIvaH kurvanvitimirA dizaH||5|| |
kAziSNunA kanakavarNavibhUSaNEna bhrAjatkapOlavadanO vilasatkirITaH| aSTAyudhairanucarairmunibhiH surEndrair AsEvitO garuDakinnaragItakIrtiH||6|| |
pInAyatASTabhujamaNDalamadhyalakSmyA spardhacchriyA parivRtO vanamAlayAdyaH| barhiSmataH puruSa Aha sutAnprapannAn parjanyanAdarutayA saghRNAvalOkaH||7|| |
zrIbhagavAnuvAca
varaM vRNIdhvaM bhadraM vO yUyaM mE nRpanandanAH| sauhArdEnApRthagdharmAstuSTO'haM sauhRdEna vaH||8|| |
yO'nusmarati sandhyAyAM yuSmAnanudinaM naraH| tasya bhrAtRSvAtmasAmyaM tathA bhUtESu sauhRdam||9|| |
yE tu mAM rudragItEna sAyaM prAtaH samAhitAH| stuvantyahaM kAmavarAndAsyE prajJAM ca zObhanAm||10|| |
yadyUyaM piturAdEzamagrahISTa mudAnvitAH| athO va uzatI kIrtirlOkAnanu bhaviSyati||11|| |
bhavitA vizrutaH putrO'navamO brahmaNO guNaiH| ya EtAmAtmavIryENa trilOkIM pUrayiSyati||12|| |
kaNDOH pramlOcayA labdhA kanyA kamalalOcanA| tAM cApaviddhAM jagRhurbhUruhA nRpanandanAH||13|| |
kSutkSAmAyA mukhE rAjA sOmaH pIyUSavarSiNIm| dEzinIM rOdamAnAyA nidadhE sa dayAnvitaH||14|| |
prajAvisarga AdiSTAH pitrA mAmanuvartatA| tatra kanyAM varArOhAM tAmudvahata mA ciram||15|| |
apRthagdharmazIlAnAM sarvESAM vaH sumadhyamA| apRthagdharmazIlEyaM bhUyAtpatnyarpitAzayA||16|| |
divyavarSasahasrANAM sahasramahataujasaH| bhaumAnbhOkSyatha bhOgAnvai divyAMzcAnugrahAnmama||17|| |
atha mayyanapAyinyA bhaktyA pakvaguNAzayAH| upayAsyatha maddhAma nirvidya nirayAdataH||18|| |
gRhESvAvizatAM cApi puMsAM kuzalakarmaNAm| madvArtAyAtayAmAnAM na bandhAya gRhA matAH||19|| |
navyavaddhRdayE yajjJO brahmaitadbrahmavAdibhiH| na muhyanti na zOcanti na hRSyanti yatO gatAH||20|| |
maitrEya uvAca
EvaM bruvANaM puruSArthabhAjanaM janArdanaM prAJjalayaH pracEtasaH| taddarzanadhvastatamOrajOmalA girAgRNangadgadayA suhRttamam||21|| |
pracEtasa UcuH
namO namaH klEzavinAzanAya nirUpitOdAraguNAhvayAya| manOvacOvEgapurOjavAya sarvAkSamArgairagatAdhvanE namaH||22|| |
zuddhAya zAntAya namaH svaniSThayA manasyapArthaM vilasaddvayAya| namO jagatsthAnalayOdayESu gRhItamAyAguNavigrahAya||23|| |
namO vizuddhasattvAya harayE harimEdhasE| vAsudEvAya kRSNAya prabhavE sarvasAtvatAm||24|| |
namaH kamalanAbhAya namaH kamalamAlinE| namaH kamalapAdAya namastE kamalEkSaNa||25|| |
namaH kamalakiJjalka pizaGgAmalavAsasE| sarvabhUtanivAsAya namO'yuGkSmahi sAkSiNE||26|| |
rUpaM bhagavatA tvEtadazESaklEzasaGkSayam| AviSkRtaM naH kliSTAnAM kimanyadanukampitam||27|| |
EtAvattvaM hi vibhubhirbhAvyaM dInESu vatsalaiH| yadanusmaryatE kAlE svabuddhyAbhadrarandhana||28|| |
yEnOpazAntirbhUtAnAM kSullakAnAmapIhatAm| antarhitO'ntarhRdayE kasmAnnO vEda nAziSaH||29|| |
asAvEva varO'smAkamIpsitO jagataH patE| prasannO bhagavAnyESAmapavargaH gururgatiH||30|| |
varaM vRNImahE'thApi nAtha tvatparataH parAt| na hyantastvadvibhUtInAM sO'nanta iti gIyasE||31|| |
pArijAtE'JjasA labdhE sAraGgO'nyanna sEvatE| tvadaGghrimUlamAsAdya sAkSAtkiM kiM vRNImahi||32|| |
yAvattE mAyayA spRSTA bhramAma iha karmabhiH| tAvadbhavatprasaGgAnAM saGgaH syAnnO bhavE bhavE||33|| |
tulayAma lavEnApi na svargaM nApunarbhavam| bhagavatsaGgisaGgasya martyAnAM kimutAziSaH||34|| |
yatrEDyantE kathA mRSTAstRSNAyAH prazamO yataH| nirvairaM yatra bhUtESu nOdvEgO yatra kazcana||35|| |
yatra nArAyaNaH sAkSAdbhagavAnnyAsinAM gatiH| saMstUyatE satkathAsu muktasaGgaiH punaH punaH||36|| |
tESAM vicaratAM padbhyAM tIrthAnAM pAvanEcchayA| bhItasya kiM na rOcEta tAvakAnAM samAgamaH||37|| |
vayaM tu sAkSAdbhagavanbhavasya priyasya sakhyuH kSaNasaGgamEna| suduzcikitsyasya bhavasya mRtyOrbhiSaktamaM tvAdya gatiM gatAH sma||38|| |
yannaH svadhItaM guravaH prasAditA viprAzca vRddhAzca sadAnuvRttyA| AryA natAH suhRdO bhrAtarazca sarvANi bhUtAnyanasUyayaiva||39|| |
yannaH sutaptaM tapa EtadIza nirandhasAM kAlamadabhramapsu| sarvaM tadEtatpuruSasya bhUmnO vRNImahE tE paritOSaNAya||40|| |
manuH svayambhUrbhagavAnbhavazca yE'nyE tapOjJAnavizuddhasattvAH| adRSTapArA api yanmahimnaH stuvantyathO tvAtmasamaM gRNImaH||41|| |
namaH samAya zuddhAya puruSAya parAya ca| vAsudEvAya sattvAya tubhyaM bhagavatE namaH||42|| |
maitrEya uvAca
iti pracEtObhirabhiSTutO hariH prItastathEtyAha zaraNyavatsalaH| anicchatAM yAnamatRptacakSuSAM yayau svadhAmAnapavargavIryaH||43|| |
atha niryAya salilAtpracEtasa udanvataH| vIkSyAkupyandrumaizchannAM gAM gAM rOddhumivOcchritaiH||44|| |
tatO'gnimArutau rAjannamuJcanmukhatO ruSA| mahIM nirvIrudhaM kartuM saMvartaka ivAtyayE||45|| |
bhasmasAtkriyamANAMstAndrumAnvIkSya pitAmahaH| AgataH zamayAmAsa putrAnbarhiSmatO nayaiH||46|| |
tatrAvaziSTA yE vRkSA bhItA duhitaraM tadA| ujjahrustE pracEtObhya upadiSTAH svayambhuvA||47|| |
tE ca brahmaNa AdEzAnmAriSAmupayEmirE| yasyAM mahadavajJAnAdajanyajanayOnijaH||48|| |
cAkSuSE tvantarE prAptE prAksargE kAlavidrutE| yaH sasarja prajA iSTAH sa dakSO daivacOditaH||49|| |
yO jAyamAnaH sarvESAM tEjastEjasvinAM rucA| svayOpAdatta dAkSyAcca karmaNAM dakSamabruvan||50|| |
taM prajAsargarakSAyAmanAdirabhiSicya ca yuyOja yuyujE'nyAMzca sa vai sarvaprajApatIn||51|| |
||iti zrImadbhAgavatE mahApurANE pAramahaMsyAM saMhitAyAM caturthaskandhE triMzO'dhyAyaH||
