From StotraSamhita

aSTasaptatitamO'dhyAyaH

zrIzuka uvAca

zizupAlasya zAlvasya pauNDrakasyApi durmatiH| paralOkagatAnAM ca kurvanpArOkSyasauhRdam||1||

EkaH padAtiH saGkruddhO gadApANiH prakampayan| padbhyAmimAM mahArAja mahAsattvO vyadRzyata||2||

taM tathAyAntamAlOkya gadAmAdAya satvaraH| avaplutya rathAtkRSNaH sindhuM vElEva pratyadhAt||3||

gadAmudyamya kArUSO mukundaM prAha durmadaH| diSTyA diSTyA bhavAnadya mama dRSTipathaM gataH||4||

tvaM mAtulEyO naH kRSNa mitradhruGmAM jighAMsasi| atastvAM gadayA manda haniSyE vajrakalpayA||5||

tarhyAnRNyamupaimyajJa mitrANAM mitravatsalaH| bandhurUpamariM hatvA vyAdhiM dEhacaraM yathA||6||

EvaM rUkSaistudanvAkyaiH kRSNaM tOtrairiva dvipam| gadayAtADayanmUrdhni siMhavadvyanadacca saH||7||

gadayAbhihatO'pyAjau na cacAla yadUdvahaH| kRSNO'pi tamahangurvyA kaumOdakyA stanAntarE||8||

gadAnirbhinnahRdaya udvamanrudhiraM mukhAt| prasArya kEzabAhvaGghrIndharaNyAM nyapatadvyasuH||9||

tataH sUkSmataraM jyOtiH kRSNamAvizadadbhutam| pazyatAM sarvabhUtAnAM yathA caidyavadhE nRpa||10||

vidUrathastu tadbhrAtA bhrAtRzOkapariplutaH| AgacchadasicarmAbhyAmucchvasaMstajjighAMsayA||11||

tasya cApatataH kRSNazcakrENa kSuranEminA| zirO jahAra rAjEndra sakirITaM sakuNDalam||12||

EvaM saubhaM ca zAlvaM ca dantavakraM sahAnujam| hatvA durviSahAnanyairIDitaH suramAnavaiH||13||

munibhiH siddhagandharvairvidyAdharamahOragaiH| apsarObhiH pitRgaNairyakSaiH kinnaracAraNaiH||14||

upagIyamAnavijayaH kusumairabhivarSitaH| vRtazca vRSNipravarairvivEzAlaGkRtAM purIm||15||

EvaM yOgEzvaraH kRSNO bhagavAnjagadIzvaraH| IyatE pazudRSTInAM nirjitO jayatIti saH||16||

zrutvA yuddhOdyamaM rAmaH kurUNAM saha pANDavaiH| tIrthAbhiSEkavyAjEna madhyasthaH prayayau kila||17||

snAtvA prabhAsE santarpya dEvarSipitRmAnavAn| sarasvatIM pratisrOtaM yayau brAhmaNasaMvRtaH||18||

pRthUdakaM bindusarastritakUpaM sudarzanam| vizAlaM brahmatIrthaM ca cakraM prAcIM sarasvatIm||19||

yamunAmanu yAnyEva gaGgAmanu ca bhArata| jagAma naimiSaM yatra RSayaH satramAsatE||20||

tamAgatamabhiprEtya munayO dIrghasatriNaH| abhinandya yathAnyAyaM praNamyOtthAya cArcayan||21||

sO'rcitaH saparIvAraH kRtAsanaparigrahaH| rOmaharSaNamAsInaM maharSEH ziSyamaikSata||22||

apratyutthAyinaM sUtamakRtaprahvaNAJjalim| adhyAsInaM ca tAnviprAMzcukOpOdvIkSya mAdhavaH||23||

yasmAdasAvimAnviprAnadhyAstE pratilOmajaH| dharmapAlAMstathaivAsmAnvadhamarhati durmatiH||24||

RSErbhagavatO bhUtvA ziSyO'dhItya bahUni ca| sEtihAsapurANAni dharmazAstrANi sarvazaH||25||

adAntasyAvinItasya vRthA paNDitamAninaH| na guNAya bhavanti sma naTasyEvAjitAtmanaH||26||

EtadarthO hi lOkE'sminnavatArO mayA kRtaH| vadhyA mE dharmadhvajinastE hi pAtakinO'dhikAH||27||

EtAvaduktvA bhagavAnnivRttO'sadvadhAdapi| bhAvitvAttaM kuzAgrENa karasthEnAhanatprabhuH||28||

hAhEtivAdinaH sarvE munayaH khinnamAnasAH| UcuH saGkarSaNaM dEvamadharmastE kRtaH prabhO||29||

asya brahmAsanaM dattamasmAbhiryadunandana| AyuzcAtmAklamaM tAvadyAvatsatraM samApyatE||30||

ajAnataivAcaritastvayA brahmavadhO yathA| yOgEzvarasya bhavatO nAmnAyO'pi niyAmakaH||31||

yadyEtadbrahmahatyAyAH pAvanaM lOkapAvana| cariSyati bhavAMllOka saGgrahO'nanyacOditaH||32||

zrIbhagavAnuvAca

cariSyE vadhanirvEzaM lOkAnugrahakAmyayA| niyamaH prathamE kalpE yAvAnsa tu vidhIyatAm||33||

dIrghamAyurbataitasya sattvamindriyamEva ca| AzAsitaM yattadbrUtE sAdhayE yOgamAyayA||34||

RSaya UcuH

astrasya tava vIryasya mRtyOrasmAkamEva ca| yathA bhavEdvacaH satyaM tathA rAma vidhIyatAm||35||

zrIbhagavAnuvAca

AtmA vai putra utpanna iti vEdAnuzAsanam| tasmAdasya bhavEdvaktA AyurindriyasattvavAn||36||

kiM vaH kAmO munizrESThA brUtAhaM karavANyatha| ajAnatastvapacitiM yathA mE cintyatAM budhAH||37||

RSaya UcuH

ilvalasya sutO ghOrO balvalO nAma dAnavaH| sa dUSayati naH satramEtya parvaNi parvaNi||38||

taM pApaM jahi dAzArha tannaH zuzrUSaNaM param| pUyazONitavinmUtra surAmAMsAbhivarSiNam||39||

tatazca bhArataM varSaM parItya susamAhitaH caritvA dvAdazamAsAMstIrthasnAyI vizudhyasi||40||

||iti zrImadbhAgavatE mahApurANE pAramahaMsyAM saMhitAyAM dazamaskandhE uttarArdhE aSTasaptatitamO'dhyAyaH||

See Also

• http://vedabase.net/sb/10/78/en