From StotraSamhita
< Bhagavatam | Skandha 10
caturthO'dhyAyaH
zrIzuka uvAca
bahirantaHpuradvAraH sarvAH pUrvavadAvRtAH| tatO bAladhvaniM zrutvA gRhapAlAH samutthitAH||1|| |
tE tu tUrNamupavrajya dEvakyA garbhajanma tat| AcakhyurbhOjarAjAya yadudvignaH pratIkSatE||2|| |
sa talpAttUrNamutthAya kAlO'yamiti vihvalaH| sUtIgRhamagAttUrNaM praskhalanmuktamUrdhajaH||3|| |
tamAha bhrAtaraM dEvI kRpaNA karuNaM satI| snuSEyaM tava kalyANa striyaM mA hantumarhasi||4|| |
bahavO hiMsitA bhrAtaH zizavaH pAvakOpamAH| tvayA daivanisRSTEna putrikaikA pradIyatAm||5|| |
nanvahaM tE hyavarajA dInA hatasutA prabhO| dAtumarhasi mandAyA aGgEmAM caramAM prajAm||6|| |
zrIzuka uvAca
upaguhyAtmajAmEvaM rudatyA dInadInavat| yAcitastAM vinirbhartsya hastAdAcicchidE khalaH||7|| |
tAM gRhItvA caraNayOrjAtamAtrAM svasuH sutAm| apOthayacchilApRSThE svArthOnmUlitasauhRdaH||8|| |
sA taddhastAtsamutpatya sadyO dEvyambaraM gatA| adRzyatAnujA viSNOH sAyudhASTamahAbhujA||9|| |
divyasragambarAlEpa ratnAbharaNabhUSitA| dhanuHzUlESucarmAsi zaGkhacakragadAdharA||10|| |
siddhacAraNagandharvairapsaraHkinnarOragaiH| upAhRtOrubalibhiH stUyamAnEdamabravIt||11|| |
kiM mayA hatayA manda jAtaH khalu tavAntakRt| yatra kva vA pUrvazatrurmA hiMsIH kRpaNAnvRthA||12|| |
iti prabhASya taM dEvI mAyA bhagavatI bhuvi| bahunAmanikEtESu bahunAmA babhUva ha||13|| |
tayAbhihitamAkarNya kaMsaH paramavismitaH| dEvakIM vasudEvaM ca vimucya prazritO'bravIt||14|| |
ahO bhaginyahO bhAma mayA vAM bata pApmanA| puruSAda ivApatyaM bahavO hiMsitAH sutAH||15|| |
sa tvahaM tyaktakAruNyastyaktajJAtisuhRtkhalaH| kAnlOkAnvai gamiSyAmi brahmahEva mRtaH zvasan||16|| |
daivamapyanRtaM vakti na martyA Eva kEvalam| yadvizrambhAdahaM pApaH svasurnihatavAJchizUn||17|| |
mA zOcataM mahAbhAgAvAtmajAnsvakRtaM bhujaH| jAntavO na sadaikatra daivAdhInAstadAsatE||18|| |
bhuvi bhaumAni bhUtAni yathA yAntyapayAnti ca| nAyamAtmA tathaitESu viparyEti yathaiva bhUH||19|| |
yathAnEvaMvidO bhEdO yata AtmaviparyayaH| dEhayOgaviyOgau ca saMsRtirna nivartatE||20|| |
tasmAdbhadrE svatanayAnmayA vyApAditAnapi| mAnuzOca yataH sarvaH svakRtaM vindatE'vazaH||21|| |
yAvaddhatO'smi hantAsmI tyAtmAnaM manyatE'svadRk| tAvattadabhimAnyajJO bAdhyabAdhakatAmiyAt||22|| |
kSamadhvaM mama daurAtmyaM sAdhavO dInavatsalAH| ityuktvAzrumukhaH pAdau zyAlaH svasrOrathAgrahIt||23|| |
mOcayAmAsa nigaDAdvizrabdhaH kanyakAgirA| dEvakIM vasudEvaM ca darzayannAtmasauhRdam||24|| |
bhrAtuH samanutaptasya kSAntarOSA ca dEvakI| vyasRjadvasudEvazca prahasya tamuvAca ha||25|| |
EvamEtanmahAbhAga yathA vadasi dEhinAm| ajJAnaprabhavAhaM dhIH svaparEti bhidA yataH||26|| |
zOkaharSabhayadvESa lObhamOhamadAnvitAH| mithO ghnantaM na pazyanti bhAvairbhAvaM pRthagdRzaH||27|| |
zrIzuka uvAca
kaMsa EvaM prasannAbhyAM vizuddhaM pratibhASitaH| dEvakIvasudEvAbhyAmanujJAtO'vizadgRham||28|| |
tasyAM rAtryAM vyatItAyAM kaMsa AhUya mantriNaH| tEbhya AcaSTa tatsarvaM yaduktaM yOganidrayA||29|| |
AkarNya bharturgaditaM tamUcurdEvazatravaH| dEvAnprati kRtAmarSA daitEyA nAtikOvidAH||30|| |
EvaM cEttarhi bhOjEndra puragrAmavrajAdiSu| anirdazAnnirdazAMzca haniSyAmO'dya vai zizUn||31|| |
kimudyamaiH kariSyanti dEvAH samarabhIravaH| nityamudvignamanasO jyAghOSairdhanuSastava||32|| |
asyatastE zaravrAtairhanyamAnAH samantataH| jijIviSava utsRjya palAyanaparA yayuH||33|| |
kEcitprAJjalayO dInA nyastazastrA divaukasaH| muktakacchazikhAH kEcidbhItAH sma iti vAdinaH||34|| |
na tvaM vismRtazastrAstrAnvirathAnbhayasaMvRtAn| haMsyanyAsaktavimukhAnbhagnacApAnayudhyataH||35|| |
kiM kSEmazUrairvibudhairasaMyugavikatthanaiH rahOjuSA kiM hariNA zambhunA vA vanaukasA kimindrENAlpavIryENa brahmaNA vA tapasyatA||36|| |
tathApi dEvAH sApatnyAnnOpEkSyA iti manmahE| tatastanmUlakhananE niyuGkSvAsmAnanuvratAn||37|| |
yathAmayO'GgE samupEkSitO nRbhirna zakyatE rUDhapadazcikitsitum| yathEndriyagrAma upEkSitastathA ripurmahAnbaddhabalO na cAlyatE||38|| |
mUlaM hi viSNurdEvAnAM yatra dharmaH sanAtanaH| tasya ca brahmagOviprAstapO yajJAH sadakSiNAH||39|| |
tasmAtsarvAtmanA rAjanbrAhmaNAnbrahmavAdinaH| tapasvinO yajJazIlAngAzca hanmO havirdughAH||40|| |
viprA gAvazca vEdAzca tapaH satyaM damaH zamaH| zraddhA dayA titikSA ca kratavazca harEstanUH||41|| |
sa hi sarvasurAdhyakSO hyasuradviDguhAzayaH tanmUlA dEvatAH sarvAH sEzvarAH sacaturmukhAH ayaM vai tadvadhOpAyO yadRSINAM vihiMsanam||42|| |
zrIzuka uvAca
EvaM durmantribhiH kaMsaH saha sammantrya durmatiH| brahmahiMsAM hitaM mEnE kAlapAzAvRtO'suraH||43|| |
sandizya sAdhulOkasya kadanE kadanapriyAn| kAmarUpadharAndikSu dAnavAngRhamAvizat||44|| |
tE vai rajaHprakRtayastamasA mUDhacEtasaH| satAM vidvESamAcErurArAdAgatamRtyavaH||45|| |
AyuH zriyaM yazO dharmaM lOkAnAziSa Eva ca hanti zrEyAMsi sarvANi puMsO mahadatikramaH||46|| |
||iti zrImadbhAgavatE mahApurANE pAramahaMsyAM saMhitAyAM dazamaskandhE pUrvArdhE caturthO'dhyAyaH||
