From StotraSamhita
< Bhagavatam | Skandha 05
dwitIyO'dhyAyaH
zrIzuka uvAca
EvaM pitari sampravRttE tadanuzAsanE vartamAna AgnIdhrO jambUdvIpaukasaH prajA aurasavaddharmAvEkSamANaH paryagOpAyat||1|| |
sa ca kadAcitpitRlOkakAmaH suravaravanitAkrIDAcaladrONyAM bhagavantaM vizvasRjAM patimAbhRtaparicaryOpakaraNa Atma ikAgryENa tapasvyArAdhayAM babhUva||2|| |
tadupalabhya bhagavAnAdipuruSaH sadasi gAyantIM pUrvacittiM nAmApsarasamabhiyApayAmAsa||3|| |
sA ca tadAzramOpavanamatiramaNIyaM vividhanibiDaviTapiviTapanikarasaMzliSTapuraTa latArUDhasthalavihaGgamamithunaiH prOcyamAnazrutibhiH pratibOdhyamAnasalilakukkuTakAraNDava kalahaMsAdibhirvicitramupakUjitAmalajalAzayakamalAkaramupababhrAma||4|| |
tasyAH sulalitagamanapadavinyAsagativilAsAyAzcAnupadaM khaNakhaNAyamAnarucira caraNAbharaNasvanamupAkarNya naradEvakumAraH samAdhiyOgEnAmIlitanayananalinamukula yugalamISadvikacayya vyacaSTa||5|| |
tAmEvAvidUrE madhukarImiva sumanasa upajighrantIM divijamanujamanOnayanAhlAda dughairgativihAravrIDAvinayAvalOkasusvarAkSarAvayavairmanasi nRNAM kusumAyudhasya vidadhatIM vivaraM nijamukhavigalitAmRtAsavasahAsabhASaNAmOdamadAndhamadhukaranikarOparOdhEna drutapada vinyAsEna valguspandanastanakalazakabarabhArarazanAM dEvIM tadavalOkanEna vivRtAvasarasya bhagavatO makaradhvajasya vazamupanItO jaDavaditi hOvAca||6|| |
kA tvaM cikIrSasi ca kiM munivarya zailE mAyAsi kApi bhagavatparadEvatAyAH| vijyE bibharSi dhanuSI suhRdAtmanO'rthE kiM vA mRgAnmRgayasE vipinE pramattAn||7|| |
bANAvimau bhagavataH zatapatrapatrau zAntAvapuGkharucirAvatitigmadantau| kasmai yuyuGkSasi vanE vicaranna vidmaH kSEmAya nO jaDadhiyAM tava vikramO'stu||8|| |
ziSyA imE bhagavataH paritaH paThanti gAyanti sAma sarahasyamajasramIzam| yuSmacchikhAvilulitAH sumanO'bhivRSTIH sarvE bhajantyRSigaNA iva vEdazAkhAH||9|| |
vAcaM paraM caraNapaJjaratittirINAM brahmannarUpamukharAM zRNavAma tubhyam| labdhA kadambaruciraGkaviTaGkabimbE yasyAmalAtaparidhiH kva ca valkalaM tE||10|| |
kiM sambhRtaM rucirayOrdvija zRGgayOstE madhyE kRzO vahasi yatra dRziH zritA mE| paGkO'ruNaH surabhirAtmaviSANa IdRg yEnAzramaM subhaga mE surabhIkarOSi||11|| |
lOkaM pradarzaya suhRttama tAvakaM mE yatratya itthamurasAvayavAvapUrvau| asmadvidhasya manaunnayanau bibharti bahvadbhutaM sarasarAsasudhAdi vaktrE||12|| |
kA vAtmavRttiradanAddhaviraGga vAti viSNOH kalAsyanimiSOnmakarau ca karNau| udvignamInayugalaM dvijapaGktizOcir AsannabhRGganikaraM sara inmukhaM tE||13|| |
yO'sau tvayA karasarOjahataH pataGgO dikSu bhramanbhramata EjayatE'kSiNI mE| muktaM na tE smarasi vakrajaTAvarUthaM kaSTO'nilO harati lampaTa ESa nIvIm||14|| |
rUpaM tapOdhana tapazcaratAM tapOghnaM hyEtattu kEna tapasA bhavatOpalabdham| cartuM tapO'rhasi mayA saha mitra mahyaM kiM vA prasIdati sa vai bhavabhAvanO mE||15|| |
na tvAM tyajAmi dayitaM dvijadEvadattaM yasminmanO dRgapi nO na viyAti lagnam| mAM cAruzRGgyarhasi nEtumanuvrataM tE cittaM yataH pratisarantu zivAH sacivyaH||16|| |
zrIzuka uvAca
iti lalanAnunayAtivizAradO grAmyavaidagdhyayA paribhASayA tAM vibudhavadhUM vibudha matiradhisabhAjayAmAsa||17|| |
sA ca tatastasya vIrayUthapatErbuddhizIlarUpavayaHzriyaudAryENa parAkSiptamanAstEna sahAyutAyutaparivatsarOpalakSaNaM kAlaM jambUdvIpapatinA bhaumasvargabhOgAnbubhujE||18|| |
tasyAmu ha vA AtmajAnsa rAjavara AgnIdhrO nAbhikimpuruSaharivarSElAvRtaramyakahiraNmaya kurubhadrAzvakEtumAlasaMjJAnnava putrAnajanayat||19|| |
sA sUtvAtha sutAnnavAnuvatsaraM gRha EvApahAya pUrvacittirbhUya EvAjaM dEvamupatasthE||20|| |
AgnIdhrasutAstE mAturanugrahAdautpattikEnaiva saMhananabalOpEtAH pitrA vibhaktA Atmatulya nAmAni yathAbhAgaM jambUdvIpavarSANi bubhujuH||21|| |
AgnIdhrO rAjAtRptaH kAmAnAmapsarasamEvAnudinamadhimanyamAnastasyAH salOkatAM zrutibhiravArundha yatra pitarO mAdayantE||22|| |
samparEtE pitari nava bhrAtarO mEruduhitrmErudEvIM pratirUpAmugradaMSTrIM latAM ramyAM zyAmAM nArIM bhadrAM dEvavItimiti saMjJA navOdavahan||23|| |
||iti zrImadbhAgavatE mahApurANE pAramahaMsyAM saMhitAyAM paJcamaskandhE dwitIyO'dhyAyaH||
