From StotraSamhita
< Bhagavatam | Skandha 11
tRtIyO'dhyAyaH
zrIrAjOvAca
parasya viSNOrIzasya mAyinAmapi mOhinIm| mAyAM vEditumicchAmO bhagavantO bruvantu naH||1|| |
nAnutRpyE juSanyuSmad vacO harikathAmRtam| saMsAratApanistaptO martyastattApabhESajam||2|| |
zrIantarIkSa uvAca
EbhirbhUtAni bhUtAtmA mahAbhUtairmahAbhuja| sasarjOccAvacAnyAdyaH svamAtrAtmaprasiddhayE||3|| |
EvaM sRSTAni bhUtAni praviSTaH paJcadhAtubhiH| EkadhA dazadhAtmAnaM vibhajanjuSatE guNAn||4|| |
guNairguNAnsa bhuJjAna AtmapradyOtitaiH prabhuH| manyamAna idaM sRSTamAtmAnamiha sajjatE||5|| |
karmANi karmabhiH kurvansanimittAni dEhabhRt| tattatkarmaphalaM gRhNanbhramatIha sukhEtaram||6|| |
itthaM karmagatIrgacchanbahvabhadravahAH pumAn| AbhUtasamplavAtsarga pralayAvaznutE'vazaH||7|| |
dhAtUpaplava AsannE vyaktaM dravyaguNAtmakam| anAdinidhanaH kAlO hyavyaktAyApakarSati||8|| |
zatavarSA hyanAvRSTirbhaviSyatyulbaNA bhuvi| tatkAlOpacitOSNArkO lOkAMstrInpratapiSyati||9|| |
pAtAlatalamArabhya saGkarSaNamukhAnalaH| dahannUrdhvazikhO viSvagvardhatE vAyunEritaH||10|| |
saMvartakO mEghagaNO varSati sma zataM samAH| dhArAbhirhastihastAbhirlIyatE salilE virAT||11|| |
tatO virAjamutsRjy vairAjaH puruSO nRpa| avyaktaM vizatE sUkSmaM nirindhana ivAnalaH||12|| |
vAyunA hRtagandhA bhUH salilatvAya kalpatE| salilaM taddhRtarasaM jyOtiSTvAyOpakalpatE||13|| |
hRtarUpaM tu tamasA vAyau jyOtiH pralIyatE hRtasparzO'vakAzEna vAyurnabhasi lIyatE kAlAtmanA hRtaguNaM nabha Atmani lIyatE||14|| |
indriyANi manO buddhiH saha vaikArikairnRpa| pravizanti hyahaGkAraM svaguNairahamAtmani||15|| |
ESA mAyA bhagavataH sargasthityantakAriNI| trivarNA varNitAsmAbhiH kiM bhUyaH zrOtumicchasi||16|| |
zrIrAjOvAca
yathaitAmaizvarIM mAyAM dustarAmakRtAtmabhiH| tarantyaJjaH sthUladhiyO maharSa idamucyatAm||17|| |
zrIprabuddha uvAca
karmANyArabhamANAnAM duHkhahatyai sukhAya ca| pazyEtpAkaviparyAsaM mithunIcAriNAM nRNAm||18|| |
nityArtidEna vittEna durlabhEnAtmamRtyunA| gRhApatyAptapazubhiH kA prItiH sAdhitaizcalaiH||19|| |
EvaM lOkaM paramvidyAnnazvaraM karmanirmitam| satulyAtizayadhvaMsaM yathA maNDalavartinAm||20|| |
tasmAdguruM prapadyEta jijJAsuH zrEya uttamam| zAbdE parE ca niSNAtaM brahmaNyupazamAzrayam||21|| |
tatra bhAgavatAndharmAnzikSEdgurvAtmadaivataH| amAyayAnuvRttyA yaistuSyEdAtmAtmadO hariH||22|| |
sarvatO manasO'saGgamAdau saGgaM ca sAdhuSu| dayAM maitrIM prazrayaM ca bhUtESvaddhA yathOcitam||23|| |
zaucaM tapastitikSAM ca maunaM svAdhyAyamArjavam| brahmacaryamahiMsAM ca samatvaM dvandvasaMjJayOH||24|| |
sarvatrAtmEzvarAnvIkSAM kaivalyamanikEtatAm| viviktacIravasanaM santOSaM yEna kEnacit||25|| |
zraddhAM bhAgavatE zAstrE'nindAmanyatra cApi hi| manOvAkkarmadaNDaM ca satyaM zamadamAvapi||26|| |
zravaNaM kIrtanaM dhyAnaM harEradbhutakarmaNaH| janmakarmaguNAnAM ca tadarthE'khilacESTitam||27|| |
iSTaM dattaM tapO japtaM vRttaM yaccAtmanaH priyam| dArAnsutAngRhAnprANAnyatparasmai nivEdanam||28|| |
EvaM kRSNAtmanAthESu manuSyESu ca sauhRdam| paricaryAM cObhayatra mahatsu nRSu sAdhuSu||29|| |
parasparAnukathanaM pAvanaM bhagavadyazaH| mithO ratirmithastuSTirnivRttirmitha AtmanaH||30|| |
smarantaH smArayantazca mithO'ghaughaharaM harim| bhaktyA saJjAtayA bhaktyA bibhratyutpulakAM tanum||31|| |
kvacidrudantyacyutacintayA kvacid dhasanti nandanti vadantyalaukikAH| nRtyanti gAyantyanuzIlayantyajaM bhavanti tUSNIM paramEtya nirvRtAH||32|| |
iti bhAgavatAndharmAnzikSanbhaktyA tadutthayA| nArAyaNaparO mAyAmaJjastarati dustarAm||33|| |
zrIrAjOvAca
nArAyaNAbhidhAnasya brahmaNaH paramAtmanaH| niSThAmarhatha nO vaktuM yUyaM hi brahmavittamAH||34|| |
zrIpippalAyana uvAca
sthityudbhavapralayahEturahEturasya yatsvapnajAgarasuSuptiSu sadbahizca| dEhEndriyAsuhRdayAni caranti yEna saJjIvitAni tadavEhi paraM narEndra||35|| |
naitanmanO vizati vAguta cakSurAtmA prANEndriyANi ca yathAnalamarciSaH svAH| zabdO'pi bOdhakaniSEdhatayAtmamUlam arthOktamAha yadRtE na niSEdhasiddhiH||36|| |
sattvaM rajastama iti trivRdEkamAdau sUtraM mahAnahamiti pravadanti jIvam| jJAnakriyArthaphalarUpatayOruzakti brahmaiva bhAti sadasacca tayOH paraM yat||37|| |
nAtmA jajAna na mariSyati naidhatE'sau na kSIyatE savanavidvyabhicAriNAM hi| sarvatra zazvadanapAyyupalabdhimAtraM prANO yathEndriyabalEna vikalpitaM sat||38|| |
aNDESu pEziSu taruSvavinizcitESu prANO hi jIvamupadhAvati tatra tatra| sannE yadindriyagaNE'hami ca prasuptE kUTastha AzayamRtE tadanusmRtirnaH||39|| |
yarhyabjanAbhacaraNaiSaNayOrubhaktyA cEtOmalAni vidhamEdguNakarmajAni| tasminvizuddha upalabhyata AtmatattvaM zAkSAdyathAmaladRzOH savitRprakAzaH||40|| |
zrIrAjOvAca
karmayOgaM vadata naH puruSO yEna saMskRtaH| vidhUyEhAzu karmANi naiSkarmyaM vindatE param||41|| |
EvaM praznamRSInpUrvamapRcchaM piturantikE| nAbruvanbrahmaNaH putrAstatra kAraNamucyatAm||42|| |
zrIAvirhOtra uvAca
karmAkarma vikarmEti vEdavAdO na laukikaH| vEdasya cEzvarAtmatvAttatra muhyanti sUrayaH||43|| |
parOkSavAdO vEdO'yaM bAlAnAmanuzAsanam| karmamOkSAya karmANi vidhattE hyagadaM yathA||44|| |
nAcarEdyastu vEdOktaM svayamajJO'jitEndriyaH| vikarmaNA hyadharmENa mRtyOrmRtyumupaiti saH||45|| |
vEdOktamEva kurvANO niHsaGgO'rpitamIzvarE| naiSkarmyaM labhatE siddhiM rOcanArthA phalazrutiH||46|| |
ya Azu hRdayagranthiM nirjihIRSuH parAtmanaH| vidhinOpacarEddEvaM tantrOktEna ca kEzavam||47|| |
labdhvAnugraha AcAryAttEna sandarzitAgamaH| mahApuruSamabhyarcEnmUrtyAbhimatayAtmanaH||48|| |
zuciH sammukhamAsInaH prANasaMyamanAdibhiH| piNDaM vizOdhya sannyAsa kRtarakSO'rcayEddharim||49|| |
arcAdau hRdayE cApi yathAlabdhOpacArakaiH| dravyakSityAtmaliNgAni niSpAdya prOkSya cAsanam||50|| |
pAdyAdInupakalpyAtha sannidhApya samAhitaH| hRdAdibhiH kRtanyAsO mUlamantrENa cArcayEt||51|| |
sAGgOpAGgAM sapArSadAM tAM tAM mUrtiM svamantrataH| pAdyArghyAcamanIyAdyaiH snAnavAsOvibhUSaNaiH||52|| |
gandhamAlyAkSatasragbhirdhUpadIpOpahArakaiH| sAGgamsampUjya vidhivatstavaiH stutvA namEddharim||53|| |
AtmAnamtanmayamdhyAyanmUrtiM sampUjayEddharEH| zESAmAdhAya zirasA svadhAmnyudvAsya satkRtam||54|| |
EvamagnyarkatOyAdAvatithau hRdayE ca yaH yajatIzvaramAtmAnamacirAnmucyatE hi saH||55|| |
||iti zrImadbhAgavatE mahApurANE pAramahaMsyAM saMhitAyAM EkAdazaskandhE tRtIyO'dhyAyaH||
