From StotraSamhita

EkAdazO'dhyAyaH

zrIzuka uvAca

bhagavAnAtmanAtmAnaM rAma uttamakalpakaiH| sarvadEvamayaM dEvamIjE'thAcAryavAnmakhaiH||1||

hOtrE'dadAddizaM prAcIM brahmaNE dakSiNAM prabhuH| adhvaryavE pratIcIM vA uttarAM sAmagAya saH||2||

AcAryAya dadau zESAM yAvatI bhUstadantarA| anyamAna idaM kRtsnaM brAhmaNO'rhati niHspRhaH||3||

ityayaM tadalaGkAra vAsObhyAmavazESitaH| tathA rAjJyapi vaidEhI saumaGgalyAvazESitA||4||

tE tu brAhmaNadEvasya vAtsalyaM vIkSya saMstutam| prItAH klinnadhiyastasmai pratyarpyEdaM babhASirE||5||

aprattaM nastvayA kiM nu bhagavanbhuvanEzvara| yannO'ntarhRdayaM vizya tamO haMsi svarOciSA||6||

namO brahmaNyadEvAya rAmAyAkuNThamEdhasE| uttamazlOkadhuryAya nyastadaNDArpitAGghrayE||7||

kadAcillOkajijJAsurgUDhO rAtryAmalakSitaH| caranvAcO'zRNOdrAmO bhAryAmuddizya kasyacit||8||

nAhaM bibharmi tvAM duSTAmasatIM paravEzmagAm| straiNO hi bibhRyAtsItAM rAmO nAhaM bhajE punaH||9||

iti lOkAdbahumukhAddurArAdhyAdasaMvidaH| patyA bhItEna sA tyaktA prAptA prAcEtasAzramam||10||

antarvatnyAgatE kAlE yamau sA suSuvE sutau| kuzO lava iti khyAtau tayOzcakrE kriyA muniH||11||

aGgadazcitrakEtuzca lakSmaNasyAtmajau smRtau| takSaH puSkala ityAstAM bharatasya mahIpatE||12||

subAhuH zrutasEnazca zatrughnasya babhUvatuH| gandharvAnkOTizO jaghnE bharatO vijayE dizAm||13||

tadIyaM dhanamAnIya sarvaM rAjJE nyavEdayat zatrughnazca madhOH putraM lavaNaM nAma rAkSasam hatvA madhuvanE cakrE mathurAM nAma vai purIm||14||

munau nikSipya tanayau sItA bhartrA vivAsitA| dhyAyantI rAmacaraNau vivaraM pravivEza ha||15||

tacchrutvA bhagavAnrAmO rundhannapi dhiyA zucaH| smaraMstasyA guNAMstAMstAnnAzaknOdrOddhumIzvaraH||16||

strIpuMprasaGga EtAdRksarvatra trAsamAvahaH| apIzvarANAM kimuta grAmyasya gRhacEtasaH||17||

tata UrdhvaM brahmacaryaM dhAryannajuhOtprabhuH| trayOdazAbdasAhasramagnihOtramakhaNDitam||18||

smaratAM hRdi vinyasya viddhaM daNDakakaNTakaiH| svapAdapallavaM rAma AtmajyOtiragAttataH||19||

nEdaM yazO raghupatEH surayAcJayAtta lIlAtanOradhikasAmyavimuktadhAmnaH| rakSOvadhO jaladhibandhanamastrapUgaiH kiM tasya zatruhananE kapayaH sahAyAH||20||

yasyAmalaM nRpasadaHsu yazO'dhunApi gAyantyaghaghnamRSayO digibhEndrapaTTam| taM nAkapAlavasupAlakirITajuSTa pAdAmbujaM raghupatiM zaraNaM prapadyE||21||

sa yaiH spRSTO'bhidRSTO vA saMviSTO'nugatO'pi vA| kOsalAstE yayuH sthAnaM yatra gacchanti yOginaH||22||

puruSO rAmacaritaM zravaNairupadhArayan| AnRzaMsyaparO rAjankarmabandhairvimucyatE||23||

zrIrAjOvAca

kathaM sa bhagavAnrAmO bhrAtnvA svayamAtmanaH| tasminvA tE'nvavartanta prajAH paurAzca IzvarE||24||

zrIbAdarAyaNiruvAca

athAdizaddigvijayE bhrAtMstribhuvanEzvaraH| AtmAnaM darzayansvAnAM purImaikSata sAnugaH||25||

AsiktamArgAM gandhOdaiH kariNAM madazIkaraiH| svAminaM prAptamAlOkya mattAM vA sutarAmiva||26||

prAsAdagOpurasabhA caityadEvagRhAdiSu| vinyastahEmakalazaiH patAkAbhizca maNDitAm||27||

pUgaiH savRntai rambhAbhiH paTTikAbhiH suvAsasAm| AdarzairaMzukaiH sragbhiH kRtakautukatOraNAm||28||

tamupEyustatra tatra paurA arhaNapANayaH| AziSO yuyujurdEva pAhImAM prAktvayOddhRtAm||29||

tataH prajA vIkSya patiM cirAgataM didRkSayOtsRSTagRhAH striyO narAH| Aruhya harmyANyaravindalOcanamatRptanEtrAH kusumairavAkiran||30||

atha praviSTaH svagRhaM juSTaM svaiH pUrvarAjabhiH| anantAkhilakOSADhyamanarghyOruparicchadam||31||

vidrumOdumbaradvArairvaidUryastambhapaGktibhiH| sthalairmArakataiH svacchairbhrAjatsphaTikabhittibhiH||32||

citrasragbhiH paTTikAbhirvAsOmaNigaNAMzukaiH| muktAphalaizcidullAsaiH kAntakAmOpapattibhiH||33||

dhUpadIpaiH surabhibhirmaNDitaM puSpamaNDanaiH| strIpumbhiH surasaGkAzairjuSTaM bhUSaNabhUSaNaiH||34||

tasminsa bhagavAnrAmaH snigdhayA priyayESTayA| rEmE svArAmadhIrANAmRSabhaH sItayA kila||35||

bubhujE ca yathAkAlaM kAmAndharmamapIDayan varSapUgAnbahUnnRRNAmabhidhyAtAGghripallavaH||36||

||iti zrImadbhAgavatE mahApurANE pAramahaMsyAM saMhitAyAM navamaskandhE EkAdazO'dhyAyaH||

See Also

• http://vedabase.net/sb/9/11/en