From StotraSamhita
< Bhagavatam | Skandha 10
dwisaptatitamO'dhyAyaH
zrIzuka uvAca
EkadA tu sabhAmadhya AsthitO munibhirvRtaH| brAhmaNaiH kSatriyairvaizyairbhrAtRbhizca yudhiSThiraH||1|| |
AcAryaiH kulavRddhaizca jJAtisambandhibAndhavaiH| zRNvatAmEva caitESAmAbhASyEdamuvAca ha||2|| |
zrIyudhiSThira uvAca
kraturAjEna gOvinda rAjasUyEna pAvanIH| yakSyE vibhUtIrbhavatastatsampAdaya naH prabhO||3|| |
tvatpAdukE avirataM pari yE caranti dhyAyantyabhadranazanE zucayO gRNanti| vindanti tE kamalanAbha bhavApavargam AzAsatE yadi ta AziSa Iza nAnyE||4|| |
taddEvadEva bhavatazcaraNAravinda sEvAnubhAvamiha pazyatu lOka ESaH| yE tvAM bhajanti na bhajantyuta vObhayESAM niSThAM pradarzaya vibhO kurusRJjayAnAm||5|| |
na brahmaNaH svaparabhEdamatistava syAt sarvAtmanaH samadRzaH svasukhAnubhUtEH| saMsEvatAM suratarOriva tE prasAdaH sEvAnurUpamudayO na viparyayO'tra||6|| |
zrIbhagavAnuvAca
samyagvyavasitaM rAjanbhavatA zatrukarzana| kalyANI yEna tE kIrtirlOkAnanubhaviSyati||7|| |
RSINAM pitRdEvAnAM suhRdAmapi naH prabhO| sarvESAmapi bhUtAnAmIpsitaH kraturADayam||8|| |
vijitya nRpatInsarvAnkRtvA ca jagatIM vazE| sambhRtya sarvasambhArAnAharasva mahAkratum||9|| |
EtE tE bhrAtarO rAjaMllOkapAlAMzasambhavAH| jitO'smyAtmavatA tE'haM durjayO yO'kRtAtmabhiH||10|| |
na kazcinmatparaM lOkE tEjasA yazasA zriyA| vibhUtibhirvAbhibhavEddEvO'pi kimu pArthivaH||11|| |
zrIzuka uvAca
nizamya bhagavadgItaM prItaH phullamukhAmbujaH| bhrAtRRndigvijayE'yuGkta viSNutEjOpabRMhitAn||12|| |
sahadEvaM dakSiNasyAmAdizatsaha sRJjayaiH dizi pratIcyAM nakulamudIcyAM savyasAcinam prAcyAM vRkOdaraM matsyaiH kEkayaiH saha madrakaiH||13|| |
tE vijitya nRpAnvIrA Ajahrurdigbhya OjasA| ajAtazatravE bhUri draviNaM nRpa yakSyatE||14|| |
zrutvAjitaM jarAsandhaM nRpatErdhyAyatO hariH| AhOpAyaM tamEvAdya uddhavO yamuvAca ha||15|| |
bhImasEnO'rjunaH kRSNO brahmalingadharAstrayaH| jagmurgirivrajaM tAta bRhadrathasutO yataH||16|| |
tE gatvAtithyavElAyAM gRhESu gRhamEdhinam| brahmaNyaM samayAcEranrAjanyA brahmaliGginaH||17|| |
rAjanviddhyatithInprAptAnarthinO dUramAgatAn| tannaH prayaccha bhadraM tE yadvayaM kAmayAmahE||18|| |
kiM durmarSaM titikSUNAM kimakAryamasAdhubhiH| kiM na dEyaM vadAnyAnAM kaH paraH samadarzinAm||19|| |
yO'nityEna zarIrENa satAM gEyaM yazO dhruvam| nAcinOti svayaM kalpaH sa vAcyaH zOcya Eva saH||20|| |
harizcandrO rantidEva uJchavRttiH zibirbaliH| vyAdhaH kapOtO bahavO hyadhruvENa dhruvaM gatAH||21|| |
zrIzuka uvAca
svarairAkRtibhistAMstu prakOSThairjyAhatairapi| rAjanyabandhUnvijJAya dRSTapUrvAnacintayat||22|| |
rAjanyabandhavO hyEtE brahmaliGgAni bibhrati| dadAni bhikSitaM tEbhya AtmAnamapi dustyajam||23|| |
balErnu zrUyatE kIrtirvitatA dikSvakalmaSA| aizvaryAdbhraMzitasyApi vipravyAjEna viSNunA||24|| |
zriyaM jihIrSatEndrasya viSNavE dvijarUpiNE| jAnannapi mahImprAdAdvAryamANO'pi daityarAT||25|| |
jIvatA brAhmaNArthAya kO nvarthaH kSatrabandhunA| dEhEna patamAnEna nEhatA vipulaM yazaH||26|| |
ityudAramatiH prAha kRSNArjunavRkOdarAn| hE viprA vriyatAM kAmO dadAmyAtmazirO'pi vaH||27|| |
zrIbhagavAnuvAca
yuddhaM nO dEhi rAjEndra dvandvazO yadi manyasE| yuddhArthinO vayaM prAptA rAjanyA nAnyakAGkSiNaH||28|| |
asau vRkOdaraH pArthastasya bhrAtArjunO hyayam| anayOrmAtulEyaM mAM kRSNaM jAnIhi tE ripum||29|| |
EvamAvEditO rAjA jahAsOccaiH sma mAgadhaH| Aha cAmarSitO mandA yuddhaM tarhi dadAmi vaH||30|| |
na tvayA bhIruNA yOtsyE yudhi viklavatEjasA| mathurAM svapurIM tyaktvA samudraM zaraNaM gataH||31|| |
ayaM tu vayasAtulyO nAtisattvO na mE samaH| arjunO na bhavEdyOddhA bhImastulyabalO mama||32|| |
ityuktvA bhImasEnAya prAdAya mahatIM gadAm| dvitIyAM svayamAdAya nirjagAma purAdbahiH||33|| |
tataH samEkhalE vIrau saMyuktAvitarEtaram| jaghnaturvajrakalpAbhyAM gadAbhyAM raNadurmadau||34|| |
maNDalAni vicitrANi savyaM dakSiNamEva ca| caratOH zuzubhE yuddhaM naTayOriva raGgiNOH||35|| |
tatazcaTacaTAzabdO vajraniSpEsasannibhaH| gadayOH kSiptayO rAjandantayOriva dantinOH||36|| |
tE vai gadE bhujajavEna nipAtyamAnE anyOnyatO'MsakaTipAdakarOrujatrum| cUrNIbabhUvaturupEtya yathArkazAkhE saMyudhyatOrdviradayOriva dIptamanvyOH||37|| |
itthaM tayOH prahatayOrgadayOrnRvIrau kruddhau svamuSTibhirayaHsparazairapiSTAm| zabdastayOH praharatOribhayOrivAsIn nirghAtavajraparuSastalatADanOtthaH||38|| |
tayOrEvaM praharatOH samazikSAbalaujasOH| nirvizESamabhUdyuddhamakSINajavayOrnRpa||39|| |
zatrOrjanmamRtI vidvAJjIvitaM ca jarAkRtam| pArthamApyAyayansvEna tEjasAcintayaddhariH||40|| |
saJcintyArIvadhOpAyaM bhImasyAmOghadarzanaH| darzayAmAsa viTapaM pATayanniva saMjJayA||41|| |
tadvijJAya mahAsattvO bhImaH praharatAM varaH| gRhItvA pAdayOH zatruM pAtayAmAsa bhUtalE||42|| |
EkampAdaM padAkramya dOrbhyAmanyaM pragRhya saH| gudataH pATayAmAsa zAkhamiva mahAgajaH||43|| |
EkapAdOruvRSaNa kaTipRSThastanAMsakE| EkabAhvakSibhrUkarNE zakalE dadRzuH prajAH||44|| |
hAhAkArO mahAnAsInnihatE magadhEzvarE| pUjayAmAsaturbhImaM parirabhya jayAcyatau||45|| |
sahadEvaM tattanayaM bhagavAnbhUtabhAvanaH abhyaSiJcadamEyAtmA magadhAnAM patiM prabhuH mOcayAmAsa rAjanyAnsaMruddhA mAgadhEna yE||46|| |
||iti zrImadbhAgavatE mahApurANE pAramahaMsyAM saMhitAyAM dazamaskandhE uttarArdhE dwisaptatitamO'dhyAyaH||
