From StotraSamhita
< Bhagavatam | Skandha 09
zrIzuka uvAca
sa itthamAcarankAmAnstraiNO'pahnavamAtmanaH| buddhvA priyAyai nirviNNO gAthAmEtAmagAyata||1|| |
zRNu bhArgavyamUM gAthAM madvidhAcaritAM bhuvi| dhIrA yasyAnuzOcanti vanE grAmanivAsinaH||2|| |
basta EkO vanE kazcidvicinvanpriyamAtmanaH| dadarza kUpE patitAM svakarmavazagAmajAm||3|| |
tasyA uddharaNOpAyaM bastaH kAmI vicintayan| vyadhatta tIrthamuddhRtya viSANAgrENa rOdhasI||4|| |
sOttIrya kUpAtsuzrONI tamEva cakamE kila| tayA vRtaM samudvIkSya bahvyO'jAH kAntakAminIH||5|| |
pIvAnaM zmazrulaM prESThaM mIDhvAMsaM yAbhakOvidam sa EkO'javRSastAsAM bahvInAM rativardhanaH rEmE kAmagrahagrasta AtmAnaM nAvabudhyata||6|| |
tamEva prESThatamayA ramamANamajAnyayA| vilOkya kUpasaMvignA nAmRSyadbastakarma tat||7|| |
taM durhRdaM suhRdrUpaM kAminaM kSaNasauhRdam| indriyArAmamutsRjya svAminaM duHkhitA yayau||8|| |
sO'pi cAnugataH straiNaH kRpaNastAM prasAditum| kurvanniDaviDAkAraM nAzaknOtpathi sandhitum||9|| |
tasya tatra dvijaH kazcidajAsvAmyacchinadruSA| lambantaM vRSaNaM bhUyaH sandadhE'rthAya yOgavit||10|| |
sambaddhavRSaNaH sO'pi hyajayA kUpalabdhayA| kAlaM bahutithaM bhadrE kAmairnAdyApi tuSyati||11|| |
tathAhaM kRpaNaH subhru bhavatyAH prEmayantritaH| AtmAnaM nAbhijAnAmi mOhitastava mAyayA||12|| |
yatpRthivyAM vrIhiyavaM hiraNyaM pazavaH striyaH| na duhyanti manaHprItiM puMsaH kAmahatasya tE||13|| |
na jAtu kAmaH kAmAnAmupabhOgEna zAMyati| haviSA kRSNavartmEva bhUya EvAbhivardhatE||14|| |
yadA na kurutE bhAvaM sarvabhUtESvamaGgalam| samadRSTEstadA puMsaH sarvAH sukhamayA dizaH||15|| |
yA dustyajA durmatibhirjIryatO yA na jIryatE| tAM tRSNAM duHkhanivahAM zarmakAmO drutaM tyajEt||16|| |
mAtrA svasrA duhitrA vA nAviviktAsanO bhavEt| balavAnindriyagrAmO vidvAMsamapi karSati||17|| |
pUrNaM varSasahasraM mE viSayAnsEvatO'sakRt| tathApi cAnusavanaM tRSNA tESUpajAyatE||18|| |
tasmAdEtAmahaM tyaktvA brahmaNyadhyAya mAnasam| nirdvandvO nirahaGkArazcariSyAmi mRgaiH saha||19|| |
dRSTaM zrutamasadbuddhvA nAnudhyAyEnna sandizEt| saMsRtiM cAtmanAzaM ca tatra vidvAnsa AtmadRk||20|| |
ityuktvA nAhuSO jAyAM tadIyaM pUravE vayaH| dattvA svajarasaM tasmAdAdadE vigataspRhaH||21|| |
dizi dakSiNapUrvasyAM druhyuM dakSiNatO yadum| pratIcyAM turvasuM cakra udIcyAmanumIzvaram||22|| |
bhUmaNDalasya sarvasya pUrumarhattamaM vizAm| abhiSicyAgrajAMstasya vazE sthApya vanaM yayau||23|| |
AsEvitaM varSapUgAnSaDvargaM viSayESu saH| kSaNEna mumucE nIDaM jAtapakSa iva dvijaH||24|| |
sa tatra nirmuktasamastasaGga AtmAnubhUtyA vidhutatriliGgaH| parE'malE brahmaNi vAsudEvE lEbhE gatiM bhAgavatIM pratItaH||25|| |
zrutvA gAthAM dEvayAnI mEnE prastObhamAtmanaH| strIpuMsOH snEhavaiklavyAtparihAsamivEritam||26|| |
sA sannivAsaM suhRdAM prapAyAmiva gacchatAm| vijJAyEzvaratantrANAM mAyAviracitaM prabhOH||27|| |
sarvatra saGgamutsRjya svapnaupamyEna bhArgavI| kRSNE manaH samAvEzya vyadhunOlliGgamAtmanaH||28|| |
namastubhyaM bhagavatE vAsudEvAya vEdhasE sarvabhUtAdhivAsAya zAntAya bRhatE namaH||29|| |
||iti zrImadbhAgavatE mahApurANE pAramahaMsyAM saMhitAyAM navamaskandhE EkOnaviMzO'dhyAyaH||
