From StotraSamhita
< Bhagavatam | Skandha 10
EkaviMzO'dhyAyaH
zrIzuka uvAca
itthaM zaratsvacchajalaM padmAkarasugandhinA| nyavizadvAyunA vAtaM sa gOgOpAlakO'cyutaH||1|| |
kusumitavanarAjizuSmibhRGga dvijakulaghuSTasaraHsarinmahIdhram| madhupatiravagAhya cArayangAH sahapazupAlabalazcukUja vENum||2|| |
tadvrajastriya Azrutya vENugItaM smarOdayam| kAzcitparOkSaM kRSNasya svasakhIbhyO'nvavarNayan||3|| |
tadvarNayitumArabdhAH smarantyaH kRSNacESTitam| nAzakansmaravEgEna vikSiptamanasO nRpa||4|| |
barhApIDaM naTavaravapuH karNayOH karNikAraM bibhradvAsaH kanakakapizaM vaijayantIM ca mAlAm| randhrAnvENOradharasudhayApUrayangOpavRndair vRndAraNyaM svapadaramaNaM prAvizadgItakIrtiH||5|| |
iti vENuravaM rAjansarvabhUtamanOharam| zrutvA vrajastriyaH sarvA varNayantyO'bhirEbhirE||6|| |
zrIgOpya UcuH
akSaNvatAM phalamidaM na paraM vidAmaH sakhyaH pazUnanavivEzayatOrvayasyaiH| vaktraM vrajEzasutayOranavENujuSTaM yairvA nipItamanuraktakaTAkSamOkSam||7|| |
cUtapravAlabarhastabakOtpalAbja mAlAnupRktaparidhAnavicitravEzau| madhyE virEjaturalaM pazupAlagOSThyAM raGgE yathA naTavarau kvaca gAyamAnau||8|| |
gOpyaH kimAcaradayaM kuzalaM sma vENur dAmOdarAdharasudhAmapi gOpikAnAm| bhuGktE svayaM yadavaziSTarasaM hradinyO hRSyattvacO'zru mumucustaravO yathAryaH||9|| |
vRndAvanaM sakhi bhuvO vitanOti kIRtiM yaddEvakIsutapadAmbujalabdhalakSmi| gOvindavENumanu mattamayUranRtyaM prEkSyAdrisAnvavaratAnyasamastasattvam||10|| |
dhanyAH sma mUDhagatayO'pi hariNya EtA yA nandanandanamupAttavicitravEzam| AkarNya vENuraNitaM sahakRSNasArAH pUjAM dadhurviracitAM praNayAvalOkaiH||11|| |
kRSNaM nirIkSya vanitOtsavarUpazIlaM zrutvA ca tatkvaNitavENuviviktagItam| dEvyO vimAnagatayaH smaranunnasArA bhrazyatprasUnakabarA mumuhurvinIvyaH||12|| |
gAvazca kRSNamukhanirgatavENugIta pIyUSamuttabhitakarNapuTaiH pibantyaH| zAvAH snutastanapayaHkavalAH sma tasthur gOvindamAtmani dRzAzrukalAH spRzantyaH||13|| |
prAyO batAmba vihagA munayO vanE'smin kRSNEkSitaM taduditaM kalavENugItam| Aruhya yE drumabhujAnrucirapravAlAn zRNvanti mIlitadRzO vigatAnyavAcaH||14|| |
nadyastadA tadupadhArya mukundagItam AvartalakSitamanObhavabhagnavEgAH| AliGganasthagitamUrmibhujairmurArEr gRhNanti pAdayugalaM kamalOpahArAH||15|| |
dRSTvAtapE vrajapazUnsaha rAmagOpaiH saJcArayantamanu vENumudIrayantam| prEmapravRddha uditaH kusumAvalIbhiH sakhyurvyadhAtsvavapuSAmbuda Atapatram||16|| |
pUrNAH pulindya urugAyapadAbjarAga zrIkuGkumEna dayitAstanamaNDitEna| taddarzanasmararujastRNarUSitEna limpantya AnanakucESu jahustadAdhim||17|| |
hantAyamadrirabalA haridAsavaryO yadrAmakRSNacaraNasparazapramOdaH| mAnaM tanOti sahagOgaNayOstayOryat pAnIyasUyavasakandarakandamUlaiH||18|| |
gA gOpakairanuvanaM nayatOrudAra vENusvanaiH kalapadaistanubhRtsu sakhyaH| aspandanaM gatimatAM pulakastaruNAM niryOgapAzakRtalakSaNayOrvicitram||19|| |
EvaMvidhA bhagavatO yA vRndAvanacAriNaH varNayantyO mithO gOpyaH krIDAstanmayatAM yayuH||20|| |
||iti zrImadbhAgavatE mahApurANE pAramahaMsyAM saMhitAyAM dazamaskandhE pUrvArdhE EkaviMzO'dhyAyaH||
