Jump to: navigation, search

dwAdazO'dhyAyaH

zrIzuka uvAca

kuzasya cAtithistasmAnniSadhastatsutO nabhaH|
puNDarIkO'tha tatputraH kSEmadhanvAbhavattataH||1||

dEvAnIkastatO'nIhaH pAriyAtrO'tha tatsutaH|
tatO balasthalastasmAdvajranAbhO'rkasambhavaH||2||

sagaNastatsutastasmAdvidhRtizcAbhavatsutaH|
tatO hiraNyanAbhO'bhUdyOgAcAryastu jaiminEH||3||

ziSyaH kauzalya AdhyAtmaM yAjJavalkyO'dhyagAdyataH|
yOgaM mahOdayamRSirhRdayagranthibhEdakam||4||

puSpO hiraNyanAbhasya dhruvasandhistatO'bhavat|
sudarzanO'thAgnivarNaH zIghrastasya maruH sutaH||5||

sO'sAvAstE yOgasiddhaH kalApagrAmamAsthitaH|
kalErantE sUryavaMzaM naSTaM bhAvayitA punaH||6||

tasmAtprasuzrutastasya sandhistasyApyamarSaNaH|
mahasvAMstatsutastasmAdvizvabAhurajAyata||7||

tataH prasEnajittasmAttakSakO bhavitA punaH|
tatO bRhadbalO yastu pitrA tE samarE hataH||8||

EtE hIkSvAkubhUpAlA atItAH zRNvanAgatAn|
bRhadbalasya bhavitA putrO nAmnA bRhadraNaH||9||

UrukriyaH sutastasya vatsavRddhO bhaviSyati|
prativyOmastatO bhAnurdivAkO vAhinIpatiH||10||

sahadEvastatO vIrO bRhadazvO'tha bhAnumAn|
pratIkAzvO bhAnumataH supratIkO'tha tatsutaH||11||

bhavitA marudEvO'tha sunakSatrO'tha puSkaraH|
tasyAntarikSastatputraH sutapAstadamitrajit||12||

bRhadrAjastu tasyApi barhistasmAtkRtaJjayaH|
raNaJjayastasya sutaH saJjayO bhavitA tataH||13||

tasmAcchAkyO'tha zuddhOdO lAGgalastatsutaH smRtaH|
tataH prasEnajittasmAtkSudrakO bhavitA tataH||14||

raNakO bhavitA tasmAtsurathastanayastataH|
sumitrO nAma niSThAnta EtE bArhadbalAnvayAH||15||

ikSvAkUNAmayaM vaMzaH sumitrAntO bhaviSyati|
yatastaM prApya rAjAnaM saMsthAM prApsyati vai kalau||16||

||iti zrImadbhAgavatE mahApurANE pAramahaMsyAM saMhitAyAM navamaskandhE dwAdazO'dhyAyaH||

See Also