From StotraSamhita
< Bhagavatam | Skandha 10
paJcasaptatitamO'dhyAyaH
zrIrAjOvAca
ajAtazatrOstamdRSTvA rAjasUyamahOdayam| sarvE mumudirE brahmannRdEvA yE samAgatAH||1|| |
duryOdhanaM varjayitvA rAjAnaH sarSayaH surAH| iti zrutaM nO bhagavaMstatra kAraNamucyatAm||2|| |
zrIbAdarAyaNiruvAca
pitAmahasya tE yajJE rAjasUyE mahAtmanaH| bAndhavAH paricaryAyAM tasyAsanprEmabandhanAH||3|| |
bhImO mahAnasAdhyakSO dhanAdhyakSaH suyOdhanaH| sahadEvastu pUjAyAM nakulO dravyasAdhanE||4|| |
guruzuzrUSaNE jiSNuH kRSNaH pAdAvanEjanE| parivESaNE drupadajA karNO dAnE mahAmanAH||5|| |
yuyudhAnO vikarNazca hArdikyO vidurAdayaH| bAhlIkaputrA bhUryAdyA yE ca santardanAdayaH||6|| |
nirUpitA mahAyajJE nAnAkarmasu tE tadA| pravartantE sma rAjEndra rAjJaH priyacikIrSavaH||7|| |
Rtviksadasyabahuvitsu suhRttamESu sviSTESu sUnRtasamarhaNadakSiNAbhiH| caidyE ca sAtvatapatEzcaraNaM praviSTE cakrustatastvavabhRthasnapanaM dyunadyAm||8|| |
mRdaGgazaGkhapaNava dhundhuryAnakagOmukhAH| vAditrANi vicitrANi nEdurAvabhRthOtsavE||9|| |
nArtakyO nanRturhRSTA gAyakA yUthazO jaguH| vINAvENutalOnnAdastESAM sa divamaspRzat||10|| |
citradhvajapatAkAgrairibhEndrasyandanArvabhiH| svalaGkRtairbhaTairbhUpA niryayU rukmamAlinaH||11|| |
yadusRJjayakAmbOja kurukEkayakOzalAH| kampayantO bhuvaM sainyairyayamAnapuraHsarAH||12|| |
sadasyartvigdvijazrESThA brahmaghOSENa bhUyasA| dEvarSipitRgandharvAstuSTuvuH puSpavarSiNaH||13|| |
svalaNkRtA narA nAryO gandhasragbhUSaNAmbaraiH| vilimpantyO'bhisiJcantyO vijahrurvividhai rasaiH||14|| |
tailagOrasagandhOda haridrAsAndrakuGkumaiH| pumbhirliptAH pralimpantyO vijahrurvArayOSitaH||15|| |
guptA nRbhirniragamannupalabdhumEtad dEvyO yathA divi vimAnavarairnRdEvyO| tA mAtulEyasakhibhiH pariSicyamAnAH savrIDahAsavikasadvadanA virEjuH||16|| |
tA dEvarAnuta sakhInsiSicurdRtIbhiH klinnAmbarA vivRtagAtrakucOrumadhyAH| autsukyamuktakavarAccyavamAnamAlyAH kSObhaM dadhurmaladhiyAM rucirairvihAraiH||17|| |
sa samrADrathamAruDhaH sadazvaM rukmamAlinam| vyarOcata svapatnIbhiH kriyAbhiH kraturADiva||18|| |
patnIsamyAjAvabhRthyaizcaritvA tE tamRtvijaH| AcAntaM snApayAM cakrurgaGgAyAM saha kRSNayA||19|| |
dEvadundubhayO nEdurnaradundubhibhiH samam| mumucuH puSpavarSANi dEvarSipitRmAnavAH||20|| |
sasnustatra tataH sarvE varNAzramayutA narAH| mahApAtakyapi yataH sadyO mucyEta kilbiSAt||21|| |
atha rAjAhatE kSaumE paridhAya svalaGkRtaH| RtviksadasyaviprAdInAnarcAbharaNAmbaraiH||22|| |
bandhUJjJAtInnRpAnmitra suhRdO'nyAMzca sarvazaH| abhIkSnaM pUjayAmAsa nArAyaNaparO nRpaH||23|| |
sarvE janAH surarucO maNikuNDalasrag uSNISakaJcukadukUlamahArghyahArAH| nAryazca kuNDalayugAlakavRndajuSTa vaktrazriyaH kanakamEkhalayA virEjuH||24|| |
athartvijO mahAzIlAH sadasyA brahmavAdinaH| brahmakSatriyaviTzudrA rAjAnO yE samAgatAH||25|| |
dEvarSipitRbhUtAni lOkapAlAH sahAnugAH| pUjitAstamanujJApya svadhAmAni yayurnRpa||26|| |
haridAsasya rAjarSE rAjasUyamahOdayam| naivAtRpyanprazaMsantaH pibanmartyO'mRtaM yathA||27|| |
tatO yudhiSThirO rAjA suhRtsambandhibAndhavAn| prEmNA nivArayAmAsa kRSNaM ca tyAgakAtaraH||28|| |
bhagavAnapi tatrAGga nyAvAtsIttatpriyaGkaraH| prasthApya yaduvIrAMzca sAmbAdIMzca kuzasthalIm||29|| |
itthaM rAjA dharmasutO manOrathamahArNavam| sudustaraM samuttIrya kRSNEnAsIdgatajvaraH||30|| |
EkadAntaHpurE tasya vIkSya duryOdhanaH zriyam| atapyadrAjasUyasya mahitvaM cAcyutAtmanaH||31|| |
yasmiMsnarEndraditijEndrasurEndralakSmIr nAnA vibhAnti kila vizvasRjOpaklRptAH| tAbhiH patIndrupadarAjasutOpatasthE yasyAM viSaktahRdayaH kururADatapyat||32|| |
yasmintadA madhupatErmahiSIsahasraM zrONIbharENa zanakaiH kvaNadaGghrizObham| madhyE sucAru kucakuGkumazONahAraM zrImanmukhaM pracalakuNDalakuntalADhyam||33|| |
sabhAyAM mayaklRptAyAM kvApi dharmasutO'dhirAT| vRtO'nugairbandhubhizca kRSNEnApi svacakSuSA||34|| |
AsInaH kAJcanE sAkSAdAsanE maghavAniva| pAramESThyazrIyA juSTaH stUyamAnazca vandibhiH||35|| |
tatra duryOdhanO mAnI parItO bhrAtRbhirnRpa| kirITamAlI nyavizadasihastaH kSipanruSA||36|| |
sthalE'bhyagRhNAdvastrAntaM jalaM matvA sthalE'patat| jalE ca sthalavadbhrAntyA mayamAyAvimOhitaH||37|| |
jahAsa bhImastaM dRSTvA striyO nRpatayO parE| nivAryamANA apyaGga rAjJA kRSNAnumOditAH||38|| |
sa vrIDitO'vagvadanO ruSA jvalanniSkramya tUSNIM prayayau gajAhvayam hAhEti zabdaH sumahAnabhUtsatAmajAtazatrurvimanA ivAbhavat babhUva tUSNIM bhagavAnbhuvO bharaM samujjihIrSurbhramati sma yaddRzA||39|| |
EtattE'bhihitaM rAjanyatpRSTO'hamiha tvayA suyOdhanasya daurAtmyaM rAjasUyE mahAkratau||40|| |
||iti zrImadbhAgavatE mahApurANE pAramahaMsyAM saMhitAyAM dazamaskandhE uttarArdhE paJcasaptatitamO'dhyAyaH||
