From StotraSamhita
< Bhagavatam | Skandha 09
trayOdazO'dhyAyaH
zrIzuka uvAca
nimirikSvAkutanayO vasiSThamavRtartvijam| Arabhya satraM sO'pyAha zakrENa prAgvRtO'smi bhOH||1|| |
taM nirvartyAgamiSyAmi tAvanmAM pratipAlaya| tUSNImAsIdgRhapatiH sO'pIndrasyAkarOnmakham||2|| |
nimittazcalamidaM vidvAnsatramArabhatAmAtmavAn| RtvigbhiraparaistAvannAgamadyAvatA guruH||3|| |
ziSyavyatikramaM vIkSya taM nirvartyAgatO guruH| azapatpatatAddEhO nimEH paNDitamAninaH||4|| |
nimiH pratidadau zApaM guravE'dharmavartinE| tavApi patatAddEhO lObhAddharmamajAnataH||5|| |
ityutsasarja svaM dEhaM nimiradhyAtmakOvidaH| mitrAvaruNayOrjajJE urvazyAM prapitAmahaH||6|| |
gandhavastuSu taddEhaM nidhAya munisattamAH| samAptE satrayAgE ca dEvAnUcuH samAgatAn||7|| |
rAjJO jIvatu dEhO'yaM prasannAH prabhavO yadi| tathEtyuktE nimiH prAha mA bhUnmE dEhabandhanam||8|| |
yasya yOgaM na vAJchanti viyOgabhayakAtarAH| bhajanti caraNAmbhOjaM munayO harimEdhasaH||9|| |
dEhaM nAvarurutsE'haM duHkhazOkabhayAvaham| sarvatrAsya yatO mRtyurmatsyAnAmudakE yathA||10|| |
dEvA UcuH
vidEha uSyatAM kAmaM lOcanESu zarIriNAm| unmESaNanimESAbhyAM lakSitO'dhyAtmasaMsthitaH||11|| |
arAjakabhayaM nNAM manyamAnA maharSayaH| dEhaM mamanthuH sma nimEH kumAraH samajAyata||12|| |
janmanA janakaH sO'bhUdvaidEhastu vidEhajaH| mithilO mathanAjjAtO mithilA yEna nirmitA||13|| |
tasmAdudAvasustasya putrO'bhUnnandivardhanaH| tataH sukEtustasyApi dEvarAtO mahIpatE||14|| |
tasmAdbRhadrathastasya mahAvIryaH sudhRtpitA| sudhRtErdhRSTakEturvai haryazvO'tha marustataH||15|| |
marOH pratIpakastasmAjjAtaH kRtarathO yataH| dEvamIDhastasya putrO vizrutO'tha mahAdhRtiH||16|| |
kRtirAtastatastasmAnmahArOmA ca tatsutaH| svarNarOmA sutastasya hrasvarOmA vyajAyata||17|| |
tataH zIradhvajO jajJE yajJArthaM karSatO mahIm| sItA zIrAgratO jAtA tasmAtzIradhvajaH smRtaH||18|| |
kuzadhvajastasya putrastatO dharmadhvajO nRpaH| dharmadhvajasya dvau putrau kRtadhvajamitadhvajau||19|| |
kRtadhvajAtkEzidhvajaH khANDikyastu mitadhvajAt| kRtadhvajasutO rAjannAtmavidyAvizAradaH||20|| |
khANDikyaH karmatattvajJO bhItaH kEzidhvajAddrutaH| bhAnumAMstasya putrO'bhUcchatadyumnastu tatsutaH||21|| |
zucistu tanayastasmAtsanadvAjaH sutO'bhavat| UrjakEtuH sanadvAjAdajO'tha purujitsutaH||22|| |
ariSTanEmistasyApi zrutAyustatsupArzvakaH| tatazcitrarathO yasya kSEmAdhirmithilAdhipaH||23|| |
tasmAtsamarathastasya sutaH satyarathastataH| AsIdupagurustasmAdupaguptO'gnisambhavaH||24|| |
vasvanantO'tha tatputrO yuyudhO yatsubhASaNaH| zrutastatO jayastasmAdvijayO'smAdRtaH sutaH||25|| |
zunakastatsutO jajJE vItahavyO dhRtistataH| bahulAzvO dhRtEstasya kRtirasya mahAvazI||26|| |
EtE vai maithilA rAjannAtmavidyAvizAradAH yOgEzvaraprasAdEna dvandvairmuktA gRhESvapi||27|| |
||iti zrImadbhAgavatE mahApurANE pAramahaMsyAM saMhitAyAM navamaskandhE trayOdazO'dhyAyaH||
