Jump to: navigation, search

aSTAviMzO'dhyAyaH

zrIbAdarAyaNiruvAca

EkAdazyAM nirAhAraH samabhyarcya janArdanam|
snAtuM nandastu kAlindyAM dvAdazyAM jalamAvizat||1||

taM gRhItvAnayadbhRtyO varuNasyAsurO'ntikam|
avajJAyAsurIM vElAM praviSTamudakaM nizi||2||

cukruzustamapazyantaH kRSNa rAmEti gOpakAH
bhagavAMstadupazrutya pitaraM varuNAhRtam
tadantikaM gatO rAjansvAnAmabhayadO vibhuH||3||

prAptaM vIkSya hRSIkEzaM lOkapAlaH saparyayA|
mahatyA pUjayitvAha taddarzanamahOtsavaH||4||

zrIvaruNa uvAca

adya mE nibhRtO dEhO'dyaivArthO'dhigataH prabhO|
tvatpAdabhAjO bhagavannavApuH pAramadhvanaH||5||

namastubhyaM bhagavatE brahmaNE paramAtmanE|
na yatra zrUyatE mAyA lOkasRSTivikalpanA||6||

ajAnatA mAmakEna mUDhEnAkAryavEdinA|
AnItO'yaM tava pitA tadbhavAnkSantumarhati||7||

mamApyanugrahaM kRSNa kartumarhasyazESadRk|
gOvinda nIyatAmESa pitA tE pitRvatsala||8||

zrIzuka uvAca

EvaM prasAditaH kRSNO bhagavAnIzvarEzvaraH|
AdAyAgAtsvapitaraM bandhUnAM cAvahanmudam||9||

nandastvatIndriyaM dRSTvA lOkapAlamahOdayam|
kRSNE ca sannatiM tESAM jJAtibhyO vismitO'bravIt||10||

tE cautsukyadhiyO rAjanmatvA gOpAstamIzvaram|
api naH svagatiM sUkSmAmupAdhAsyadadhIzvaraH||11||

iti svAnAM sa bhagavAnvijJAyAkhiladRksvayam|
saGkalpasiddhayE tESAM kRpayaitadacintayat||12||

janO vai lOka EtasminnavidyAkAmakarmabhiH|
uccAvacAsu gatiSu na vEda svAM gatiM bhraman||13||

iti saJcintya bhagavAnmahAkAruNikO hariH|
darzayAmAsa lOkaM svaM gOpAnAM tamasaH param||14||

satyaM jJAnamanantaM yadbrahmajyOtiH sanAtanam|
yaddhi pazyanti munayO guNApAyE samAhitAH||15||

tE tu brahmahradamnItA magnAH kRSNEna cOddhRtAH|
dadRzurbrahmaNO lOkaM yatrAkrUrO'dhyagAtpurA||16||

nandAdayastu taM dRSTvA paramAnandanivRtAH
kRSNaM ca tatra cchandObhiH stUyamAnaM suvismitAH||17||

||iti zrImadbhAgavatE mahApurANE pAramahaMsyAM saMhitAyAM dazamaskandhE pUrvArdhE aSTAviMzO'dhyAyaH||

See Also