From StotraSamhita
< Bhagavatam | Skandha 05
paJcaviMzO'dhyAyaH
zrIzuka uvAca
tasya mUladEzE triMzadyOjanasahasrAntara AstE yA vai kalA bhagavatastAmasI samAkhyAtAnanta iti sAtvatIyA draSTRdRzyayOH saGkarSaNamahamityabhimAnalakSaNaM yaM saGkarSaNamityAcakSatE||1|| |
yasyEdaM kSitimaNDalaM bhagavatO'nantamUrtEH sahasrazirasa EkasminnEva zIrSaNi dhriyamANaM siddhArtha iva lakSyatE||2|| |
yasya ha vA idaM kAlEnOpasaJjihIrSatO'marSaviracitarucirabhramadbhruvOrantarENa sAGkarSaNO nAma rudra EkAdazavyUhastryakSastrizikhaM zUlamuttambhayannudatiSThat||3|| |
yasyAGghrikamalayugalAruNavizadanakhamaNiSaNDamaNDalESvahipatayaH saha sAtvatarSabhairEkAntabhaktiyOgEnAvanamantaH svavadanAni parisphuratkuNDalaprabhAmaNDitagaNDa sthalAnyatimanOharANi pramuditamanasaH khalu vilOkayanti||4|| |
yasyaiva hi nAgarAjakumArya AziSa AzAsAnAzcArvaGgavalayavilasitavizadavipuladhavala subhagarucirabhujarajatastambhESvagurucandanakuGkumapaGkAnulEpEnAvalimpamAnAstad abhimarzanOnmathitahRdayamakaradhvajAvEzaruciralalitasmitAstadanurAgamadamuditamada vighUrNitAruNakaruNAvalOkanayanavadanAravindaM savrIDaM kila vilOkayanti||5|| |
sa Eva bhagavAnanantO'nantaguNArNava AdidEva upasaMhRtAmarSarOSavEgO lOkAnAM svastaya AstE||6|| |
dhyAyamAnaH surAsurOragasiddhagandharvavidyAdharamunigaNairanavaratamadamuditavikRta vihvalalOcanaH sulalitamukharikAmRtEnApyAyamAnaH svapArSadavibudhayUthapatInaparimlAnarAganava tulasikAmOdamadhvAsavEna mAdyanmadhukaravrAtamadhuragItazriyaM vaijayantIM svAM vanamAlAM nIla vAsA EkakuNDalO halakakudi kRtasubhagasundarabhujO bhagavAnmahEndrO vAraNEndra iva kAJcanIM kakSAmudAralIlO bibharti||7|| |
ya ESa EvamanuzrutO dhyAyamAnO mumukSUNAmanAdikAlakarmavAsanAgrathitamavidyAmayaM hRdayagranthiM sattvarajastamOmayamantarhRdayaM gata Azu nirbhinatti tasyAnubhAvAnbhagavAnsvAyambhuvO nAradaH saha tumburuNA sabhAyAM brahmaNaH saMzlOkayAmAsa||8|| |
utpattisthitilayahEtavO'sya kalpAH sattvAdyAH prakRtiguNA yadIkSayAsan| yadrUpaM dhruvamakRtaM yadEkamAtman nAnAdhAtkathamu ha vEda tasya vartma||9|| |
mUrtiM naH purukRpayA babhAra sattvaM saMzuddhaM sadasadidaM vibhAti tatra| yallIlAM mRgapatirAdadE'navadyAm AdAtuM svajanamanAMsyudAravIryaH||10|| |
yannAma zrutamanukIrtayEdakasmAd ArtO vA yadi patitaH pralambhanAdvA| hantyaMhaH sapadi nRNAmazESamanyaM kaM zESAdbhagavata AzrayEnmumukSuH||11|| |
mUrdhanyarpitamaNuvatsahasramUrdhnO bhUgOlaM sagirisaritsamudrasattvam| AnantyAdanimitavikramasya bhUmnaH kO vIryANyadhi gaNayEtsahasrajihvaH||12|| |
EvamprabhAvO bhagavAnanantO durantavIryOruguNAnubhAvaH| mUlE rasAyAH sthita AtmatantrO yO lIlayA kSmAM sthitayE bibharti||13|| |
EtA hyEvEha nRbhirupagantavyA gatayO yathAkarmavinirmitA yathOpadEzamanuvarNitAH kAmAnkAmayamAnaiH||14|| |
EtAvatIrhi rAjanpuMsaH pravRttilakSaNasya dharmasya vipAkagataya uccAvacA visadRzA yathA praznaM vyAcakhyE kimanyatkathayAma iti||15|| |
||iti zrImadbhAgavatE mahApurANE pAramahaMsyAM saMhitAyAM paJcamaskandhE paJcaviMzO'dhyAyaH||
