From StotraSamhita

dazamO'dhyAyaH

vidura uvAca

antarhitE bhagavati brahmA lOkapitAmahaH| prajAH sasarja katidhA daihikIrmAnasIrvibhuH||1||

yE ca mE bhagavanpRSTAstvayyarthA bahuvittama| tAnvadasvAnupUrvyENa chindhi naH sarvasaMzayAn||2||

sUta uvAca

EvaM saJcOditastEna kSattrA kauSAravirmuniH| prItaH pratyAha tAnpraznAnhRdisthAnatha bhArgava||3||

maitrEya uvAca

viriJcO'pi tathA cakrE divyaM varSazataM tapaH| AtmanyAtmAnamAvEzya yathAha bhagavAnajaH||4||

tadvilOkyAbjasambhUtO vAyunA yadadhiSThitaH| padmamambhazca tatkAla kRtavIryENa kampitam||5||

tapasA hyEdhamAnEna vidyayA cAtmasaMsthayA| vivRddhavijJAnabalO nyapAdvAyuM sahAmbhasA||6||

tadvilOkya viyadvyApi puSkaraM yadadhiSThitam| anEna lOkAnprAglInAnkalpitAsmItyacintayat||7||

padmakOzaM tadAvizya bhagavatkarmacOditaH| EkaM vyabhAGkSIdurudhA tridhA bhAvyaM dvisaptadhA||8||

EtAvAJjIvalOkasya saMsthAbhEdaH samAhRtaH| dharmasya hyanimittasya vipAkaH paramESThyasau||9||

vidura uvAca

yathAttha bahurUpasya harEradbhutakarmaNaH| kAlAkhyaM lakSaNaM brahmanyathA varNaya naH prabhO||10||

maitrEya uvAca

guNavyatikarAkArO nirvizESO'pratiSThitaH| puruSastadupAdAnamAtmAnaM lIlayAsRjat||11||

vizvaM vai brahmatanmAtraM saMsthitaM viSNumAyayA| IzvarENa paricchinnaM kAlEnAvyaktamUrtinA||12||

yathEdAnIM tathAgrE ca pazcAdapyEtadIdRzam| sargO navavidhastasya prAkRtO vaikRtastu yaH||13||

kAladravyaguNairasya trividhaH pratisaGkramaH| Adyastu mahataH sargO guNavaiSamyamAtmanaH||14||

dvitIyastvahamO yatra dravyajJAnakriyOdayaH| bhUtasargastRtIyastu tanmAtrO dravyazaktimAn||15||

caturtha aindriyaH sargO yastu jJAnakriyAtmakaH| vaikArikO dEvasargaH paJcamO yanmayaM manaH||16||

SaSThastu tamasaH sargO yastvabuddhikRtaH prabhOH| SaDimE prAkRtAH sargA vaikRtAnapi mE zRNu||17||

rajObhAjO bhagavatO lIlEyaM harimEdhasaH| saptamO mukhyasargastu SaDvidhastasthuSAM ca yaH||18||

vanaspatyOSadhilatA tvaksArA vIrudhO drumAH| utsrOtasastamaHprAyA antaHsparzA vizESiNaH||19||

tirazcAmaSTamaH sargaH sO'STAviMzadvidhO mataH| avidO bhUritamasO ghrANajJA hRdyavEdinaH||20||

gaurajO mahiSaH kRSNaH sUkarO gavayO ruruH| dvizaphAH pazavazcEmE aviruSTrazca sattama||21||

kharO'zvO'zvatarO gauraH zarabhazcamarI tathA| EtE caikazaphAH kSattaH zRNu paJcanakhAnpazUn||22||

zvA sRgAlO vRkO vyAghrO mArjAraH zazazallakau| siMhaH kapirgajaH kUrmO gOdhA ca makarAdayaH||23||

kaGkagRdhrabakazyEna bhAsabhallUkabarhiNaH| haMsasArasacakrAhva kAkOlUkAdayaH khagAH||24||

arvAksrOtastu navamaH kSattarEkavidhO nRNAm| rajO'dhikAH karmaparA duHkhE ca sukhamAninaH||25||

vaikRtAstraya EvaitE dEvasargazca sattama| vaikArikastu yaH prOktaH kaumArastUbhayAtmakaH||26||

dEvasargazcASTavidhO vibudhAH pitarO'surAH| gandharvApsarasaH siddhA yakSarakSAMsi cAraNAH||27||

bhUtaprEtapizAcAzca vidyAdhrAH kinnarAdayaH| dazaitE vidurAkhyAtAH sargAstE vizvasRkkRtAH||28||

ataH paraM pravakSyAmi vaMzAnmanvantarANi ca EvaM rajaHplutaH sraSTA kalpAdiSvAtmabhUrhariH sRjatyamOghasaGkalpa AtmaivAtmAnamAtmanA||29||

||iti zrImadbhAgavatE mahApurANE pAramahaMsyAM saMhitAyAM tRtIyaskandhE dazamO'dhyAyaH||

See Also

• http://vedabase.net/sb/3/10/en