From StotraSamhita
< Bhagavatam | Skandha 05
caturthO'dhyAyaH
zrIzuka uvAca
atha ha tamutpattyaivAbhivyajyamAnabhagavallakSaNaM sAmyOpazamavairAgyaizvaryamahA vibhUtibhiranudinamEdhamAnAnubhAvaM prakRtayaH prajA brAhmaNA dEvatAzcAvanitalasamavanAyAtitarAM jagRdhuH||1|| |
tasya ha vA itthaM varSmaNA varIyasA bRhacchlOkEna caujasA balEna zriyA yazasA vIryazauryAbhyAM ca pitA RSabha itIdaM nAma cakAra||2|| |
yasya hIndraH spardhamAnO bhagavAnvarSE na vavarSa tadavadhArya bhagavAnRSabhadEvO yOgEzvaraH prahasyAtmayOgamAyayA svavarSamajanAbhaM nAmAbhyavarSat||3|| |
nAbhistu yathAbhilaSitaM suprajastvamavarudhyAtipramOdabharavihvalO gadgadAkSarayA girA svairaM gRhItanaralOkasadharmaM bhagavantaM purANapuruSaM mAyAvilasitamatirvatsa tAtEti sAnurAgamupalAlayanparAM nirvRtimupagataH||4|| |
viditAnurAgamApauraprakRti janapadO rAjA nAbhirAtmajaM samayasEturakSAyAmabhiSicya brAhmaNESUpanidhAya saha mErudEvyA vizAlAyAM prasannanipuNEna tapasA samAdhiyOgEna nara nArAyaNAkhyaM bhagavantaM vAsudEvamupAsInaH kAlEna tanmahimAnamavApa||5|| |
yasya ha pANDavEya zlOkAvudAharanti
kO nu tatkarma rAjarSErnAbhEranvAcarEtpumAn| apatyatAmagAdyasya hariH zuddhEna karmaNA||6|| |
brahmaNyO'nyaH kutO nAbhErviprA maGgalapUjitAH| yasya barhiSi yajJEzaM darzayAmAsurOjasA||7|| |
atha ha bhagavAnRSabhadEvaH svavarSaM karmakSEtramanumanyamAnaH pradarzitagurukulavAsO labdhavarairgurubhiranujJAtO gRhamEdhinAM dharmAnanuzikSamANO jayantyAmindradattAyAmubhaya lakSaNaM karma samAmnAyAmnAtamabhiyuJjannAtmajAnAmAtmasamAnAnAM zataM janayAmAsa||8|| |
yESAM khalu mahAyOgI bharatO jyESThaH zrESThaguNa AsIdyEnEdaM varSaM bhAratamiti vyapadizanti||9|| |
tamanu kuzAvarta ilAvartO brahmAvartO malayaH kEturbhadrasEna indraspRgvidarbhaH kIkaTa iti nava navati pradhAnAH||10|| |
kavirhavirantarikSaH prabuddhaH pippalAyanaH| AvirhOtrO'tha drumilazcamasaH karabhAjanaH||11|| |
iti bhAgavatadharmadarzanA nava mahAbhAgavatAstESAM sucaritaM bhagavanmahimOpabRMhitaM vasudEvanAradasaMvAdamupazamAyanamupariSTAdvarNayiSyAmaH||12|| |
yavIyAMsa EkAzItirjAyantEyAH piturAdEzakarA mahAzAlInA mahAzrOtriyA yajJazIlAH karmavizuddhA brAhmaNA babhUvuH||13|| |
bhagavAnRSabhasaMjJa AtmatantraH svayaM nityanivRttAnarthaparamparaH kEvalAnandAnubhava Izvara Eva viparItavatkarmANyArabhamANaH kAlEnAnugataM dharmamAcaraNEnOpazikSayannatadvidAM sama upazAntO maitraH kAruNikO dharmArthayazaHprajAnandAmRtAvarOdhEna gRhESu lOkaM niyamayat||14|| |
yadyacchIrSaNyAcaritaM tattadanuvartatE lOkaH||15|| |
yadyapi svaviditaM sakaladharmaM brAhmaM guhyaM brAhmaNairdarzitamArgENa sAmAdibhirupAyairjanatAmanuzazAsa||16|| |
dravyadEzakAlavayaHzraddhartvigvividhOddEzOpacitaiH sarvairapi kratubhiryathOpadEzaM zata kRtva iyAja||17|| |
bhagavatarSabhENa parirakSyamANa EtasminvarSE na kazcana puruSO vAJchatyavidyamAnamivAtmanO'nyasmAtkathaJcana kimapi karhicidavEkSatE bhartaryanusavanaM vijRmbhitasnEhAtizayamantarENa||18|| |
sa kadAcidaTamAnO bhagavAnRSabhO brahmAvartagatO brahmarSipravarasabhAyAM prajAnAM nizAmayantInAmAtmajAnavahitAtmanaH prazrayapraNayabharasuyantritAnapyupazikSayanniti hOvAca||19|| |
||iti zrImadbhAgavatE mahApurANE pAramahaMsyAM saMhitAyAM paJcamaskandhE caturthO'dhyAyaH||
