Jump to: navigation, search

dwAtriMzO'dhyAyaH

zrIzuka uvAca

iti gOpyaH pragAyantyaH pralapantyazca citradhA|
ruruduH susvaraM rAjankRSNadarzanalAlasAH||1||

tAsAmAvirabhUcchauriH smayamAnamukhAmbujaH|
pItAmbaradharaH sragvI sAkSAnmanmathamanmathaH||2||

taM vilOkyAgataM prESThaM prItyutphulladRzO'balAH|
uttasthuryugapatsarvAstanvaH prANamivAgatam||3||

kAcitkarAmbujaM zaurErjagRhE'JjalinA mudA|
kAciddadhAra tadbAhumaMsE candanabhUSitam||4||

kAcidaJjalinAgRhNAttanvI tAmbUlacarvitam|
EkA tadaGghrikamalaM santaptA stanayOradhAt||5||

EkA bhrukuTimAbadhya prEmasaMrambhavihvalA|
ghnantIvaikSatkaTAkSEpaiH sandaSTadazanacchadA||6||

aparAnimiSaddRgbhyAM juSANA tanmukhAmbujam|
ApItamapi nAtRpyatsantastaccaraNaM yathA||7||

taM kAcinnEtrarandhrENa hRdi kRtvA nimIlya ca|
pulakAGgyupaguhyAstE yOgIvAnandasamplutA||8||

sarvAstAH kEzavAlOka paramOtsavanirvRtAH|
jahurvirahajaM tApaM prAjJaM prApya yathA janAH||9||

tAbhirvidhUtazOkAbhirbhagavAnacyutO vRtaH|
vyarOcatAdhikaM tAta puruSaH zaktibhiryathA||10||

tAH samAdAya kAlindyA nirvizya pulinaM vibhuH|
vikasatkundamandAra surabhyanilaSaTpadam||11||

zaraccandrAMzusandOha dhvastadOSAtamaH zivam|
kRSNAyA hastataralA citakOmalavAlukam||12||

taddarzanAhlAdavidhUtahRdrujO manOrathAntaM zrutayO yathA yayuH|
svairuttarIyaiH kucakuGkumAGkitairacIklRpannAsanamAtmabandhavE||13||

tatrOpaviSTO bhagavAnsa IzvarO yOgEzvarAntarhRdi kalpitAsanaH|
cakAsa gOpIpariSadgatO'rcitastrailOkyalakSmyEkapadaM vapurdadhat||14||

sabhAjayitvA tamanaGgadIpanaM sahAsalIlEkSaNavibhramabhruvA|
saMsparzanEnAGkakRtAGghrihastayOH saMstutya ISatkupitA babhASirE||15||

zrIgOpya UcuH

bhajatO'nubhajantyEka Eka Etadviparyayam|
nObhayAMzca bhajantyEka EtannO brUhi sAdhu bhOH||16||

zrIbhagavAnuvAca

mithO bhajanti yE sakhyaH svArthaikAntOdyamA hi tE|
na tatra sauhRdaM dharmaH svArthArthaM taddhi nAnyathA||17||

bhajantyabhajatO yE vai karuNAH pitarau yathA|
dharmO nirapavAdO'tra sauhRdaM ca sumadhyamAH||18||

bhajatO'pi na vai kEcidbhajantyabhajataH kutaH|
AtmArAmA hyAptakAmA akRtajJA gurudruhaH||19||

nAhaM tu sakhyO bhajatO'pi jantUnbhajAmyamISAmanuvRttivRttayE|
yathAdhanO labdhadhanE vinaSTE taccintayAnyannibhRtO na vEda||20||

EvaM madarthOjjhitalOkavEda svAnAmhi vO mayyanuvRttayE'balAH|
mayAparOkSaM bhajatA tirOhitaM mAsUyituM mArhatha tatpriyaM priyAH||21||

na pArayE'haM niravadyasaMyujAM svasAdhukRtyaM vibudhAyuSApi vaH
yA mAbhajandurjaragEhazRGkhalAH saMvRzcya tadvaH pratiyAtu sAdhunA||22||

||iti zrImadbhAgavatE mahApurANE pAramahaMsyAM saMhitAyAM dazamaskandhE pUrvArdhE dwAtriMzO'dhyAyaH||

See Also