From StotraSamhita

SODazO'dhyAyaH

zrIuddhava uvAca

tvaM brahma paramaM sAkSAdanAdyantamapAvRtam| sarvESAmapi bhAvAnAM trANasthityapyayOdbhavaH||1||

uccAvacESu bhUtESu durjJEyamakRtAtmabhiH| upAsatE tvAM bhagavanyAthAtathyEna brAhmaNAH||2||

yESu yESu ca bhUtESu bhaktyA tvAM paramarSayaH| upAsInAH prapadyantE saMsiddhiM tadvadasva mE||3||

gUDhazcarasi bhUtAtmA bhUtAnAM bhUtabhAvana| na tvAM pazyanti bhUtAni pazyantaM mOhitAni tE||4||

yAH kAzca bhUmau divi vai rasAyAM vibhUtayO dikSu mahAvibhUtE| tA mahyamAkhyAhyanubhAvitAstE namAmi tE tIrthapadAGghripadmam||5||

zrIbhagavAnuvAca

EvamEtadahaM pRSTaH praznaM praznavidAM vara| yuyutsunA vinazanE sapatnairarjunEna vai||6||

jJAtvA jJAtivadhaM garhyamadharmaM rAjyahEtukam| tatO nivRttO hantAhaM hatO'yamiti laukikaH||7||

sa tadA puruSavyAghrO yuktyA mE pratibOdhitaH| abhyabhASata mAmEvaM yathA tvaM raNamUrdhani||8||

ahamAtmOddhavAmISAM bhUtAnAM suhRdIzvaraH| ahaM sarvANi bhUtAni tESAM sthityudbhavApyayaH||9||

ahaM gatirgatimatAM kAlaH kalayatAmaham| gunANAM cApyahaM sAmyaM guNinyautpattikO guNaH||10||

guNinAmapyahaM sUtraM mahatAM ca mahAnaham| sUkSmANAmapyahaM jIvO durjayAnAmahaM manaH||11||

hiraNyagarbhO vEdAnAM mantrANAM praNavastrivRt| akSarANAmakArO'smi padAni cchandusAmaham||12||

indrO'haM sarvadEvAnAM vasUnAmasmi havyavAT| AdityAnAmahaM viSNU rudrANAM nIlalOhitaH||13||

brahmarSINAM bhRgurahaM rAjarSINAmahaM manuH| dEvarSINAM nAradO'haM havirdhAnyasmi dhEnuSu||14||

siddhEzvarANAM kapilaH suparNO'haM patatriNAm| prajApatInAM dakSO'haM pitRRNAmahamaryamA||15||

mAM viddhyuddhava daityAnAM prahlAdamasurEzvaram| sOmaM nakSatrauSadhInAM dhanEzaM yakSarakSasAm||16||

airAvataM gajEndrANAM yAdasAM varuNaM prabhum| tapatAM dyumatAM sUryaM manuSyANAM ca bhUpatim||17||

uccaiHzravAsturaGgANAM dhAtUnAmasmi kAJcanam| yamaH saMyamatAM cAhamsarpANAmasmi vAsukiH||18||

nAgEndrANAmanantO'haM mRgEndraH zRGgidaMSTriNAm| AzramANAmahaM turyO varNAnAM prathamO'nagha||19||

tIrthAnAM srOtasAM gaGgA samudraH sarasAmaham| AyudhAnAM dhanurahaM tripuraghnO dhanuSmatAm||20||

dhiSNyAnAmasmyahaM mErurgahanAnAM himAlayaH| vanaspatInAmazvattha OSadhInAmahaM yavaH||21||

purOdhasAM vasiSThO'haM brahmiSThAnAM bRhaspatiH| skandO'haM sarvasEnAnyAmagraNyAM bhagavAnajaH||22||

yajJAnAM brahmayajJO'haM vratAnAmavihiMsanam| vAyvagnyarkAmbuvAgAtmA zucInAmapyahaM zuciH||23||

yOgAnAmAtmasaMrOdhO mantrO'smi vijigISatAm| AnvIkSikI kauzalAnAM vikalpaH khyAtivAdinAm||24||

strINAM tu zatarUpAhaM puMsAM svAyambhuvO manuH| nArAyaNO munInAM ca kumArO brahmacAriNAm||25||

dharmANAmasmi sannyAsaH kSEmANAmabahirmatiH| guhyAnAM sunRtaM maunaM mithunAnAmajastvaham||26||

saMvatsarO'smyanimiSAmRtUnAM madhumAdhavau| mAsAnAM mArgazIrSO'haM nakSatrANAM tathAbhijit||27||

ahaM yugAnAM ca kRtaM dhIrANAM dEvalO'sitaH| dvaipAyanO'smi vyAsAnAM kavInAM kAvya AtmavAn||28||

vAsudEvO bhagavatAM tvaM tu bhAgavatESvaham| kimpuruSAnAM hanumAnvidyAdhrANAM sudarzanaH||29||

ratnAnAM padmarAgO'smi padmakOzaH supEzasAm| kuzO'smi darbhajAtInAM gavyamAjyaM haviHSvaham||30||

vyavasAyinAmahaM lakSmIH kitavAnAM chalagrahaH| titikSAsmi titikSUNAM sattvaM sattvavatAmaham||31||

OjaH sahO balavatAM karmAhaM viddhi sAtvatAm| sAtvatAM navamUrtInAmAdimUrtirahaM parA||32||

vizvAvasuH pUrvacittirgandharvApsarasAmaham| bhUdharANAmahaM sthairyaM gandhamAtramahaM bhuvaH||33||

apAM rasazca paramastEjiSThAnAM vibhAvasuH| prabhA sUryEndutArANAM zabdO'haM nabhasaH paraH||34||

brahmaNyAnAM balirahaM vIrANAmahamarjunaH| bhUtAnAM sthitirutpattirahaM vai pratisaGkramaH||35||

gatyuktyutsargOpAdAnamAnandasparzalakSanam| AsvAdazrutyavaghrANamahaM sarvEndriyEndriyam||36||

pRthivI vAyurAkAza ApO jyOtirahaM mahAn vikAraH puruSO'vyaktaM rajaH sattvaM tamaH param ahamEtatprasaGkhyAnaM jJAnaM tattvavinizcayaH||37||

mayEzvarENa jIvEna guNEna guNinA vinA| sarvAtmanApi sarvENa na bhAvO vidyatE kvacit||38||

saGkhyAnaM paramANUnAM kAlEna kriyatE mayA| na tathA mE vibhUtInAM sRjatO'NDAni kOTizaH||39||

tEjaH zrIH kIrtiraizvaryaM hrIstyAgaH saubhagaM bhagaH| vIryaM titikSA vijJAnaM yatra yatra sa mE'MzakaH||40||

EtAstE kIrtitAH sarvAH saGkSEpENa vibhUtayaH| manOvikArA EvaitE yathA vAcAbhidhIyatE||41||

vAcaM yaccha manO yaccha prANAnyacchEdriyANi ca| AtmAnamAtmanA yaccha na bhUyaH kalpasE'dhvanE||42||

yO vai vAGmanasI saMyagasaMyacchandhiyA yatiH| tasya vrataM tapO dAnaM sravatyAmaghaTAmbuvat||43||

tasmAdvacO manaH prANAnniyacchEnmatparAyaNaH madbhaktiyuktayA buddhyA tataH parisamApyatE||44||

||iti zrImadbhAgavatE mahApurANE pAramahaMsyAM saMhitAyAM EkAdazaskandhE SODazO'dhyAyaH||

See Also

• http://vedabase.net/sb/11/16/en