From StotraSamhita

aSTAzItitamO'dhyAyaH

zrIrAjOvAca

dEvAsuramanuSyEsu yE bhajantyazivaM zivam| prAyastE dhaninO bhOjA na tu lakSmyAH patiM harim||1||

EtadvEditumicchAmaH sandEhO'tra mahAnhi naH| viruddhazIlayOH prabhvOrviruddhA bhajatAM gatiH||2||

zrIzuka uvAca

zivaH zaktiyutaH zazvattriliGgO guNasaMvRtaH| vaikArikastaijasazca tAmasazcEtyahaM tridhA||3||

tatO vikArA abhavanSODazAmISu kaJcana| upadhAvanvibhUtInAM sarvAsAmaznutE gatim||4||

harirhi nirguNaH sAkSAtpuruSaH prakRtEH paraH| sa sarvadRgupadraSTA taM bhajannirguNO bhavEt||5||

nivRttESvazvamEdhESu rAjA yuSmatpitAmahaH| zRNvanbhagavatO dharmAnapRcchadidamacyutam||6||

sa Aha bhagavAMstasmai prItaH zuzrUSavE prabhuH| nRNAM niHzrEyasArthAya yO'vatIrNO yadOH kulE||7||

zrIbhagavAnuvAca

yasyAhamanugRhNAmi hariSyE taddhanaM zanaiH| tatO'dhanaM tyajantyasya svajanA duHkhaduHkhitam||8||

sa yadA vitathOdyOgO nirviNNaH syAddhanEhayA| matparaiH kRtamaitrasya kariSyE madanugraham||9||

tadbrahma paramaM sUkSmaM cinmAtraM sadanantakam| vijJAyAtmatayA dhIraH saMsArAtparimucyatE||10||

atO mAM sudurArAdhyaM hitvAnyAnbhajatE janaH tatasta AzutOSEbhyO labdharAjyazriyOddhatAH mattAH pramattA varadAnvismayantyavajAnatE||11||

zrIzuka uvAca

zApaprasAdayOrIzA brahmaviSNuzivAdayaH| sadyaH zApaprasAdO'Gga zivO brahmA na cAcyutaH||12||

atra cOdAharantImamitihAsaM purAtanam| vRkAsurAya girizO varaM dattvApa saGkaTam||13||

vRkO nAmAsuraH putraH zakunEH pathi nAradam| dRSTvAzutOSaM papraccha dEvESu triSu durmatiH||14||

sa Aha dEvaM girizamupAdhAvAzu siddhyasi| yO'lpAbhyAM guNadOSAbhyAmAzu tuSyati kupyati||15||

dazAsyabANayOstuSTaH stuvatOrvandinOriva| aizvaryamatulaM dattvA tata Apa susaGkaTam||16||

ityAdiSTastamasura upAdhAvatsvagAtrataH| kEdAra AtmakravyENa juhvAnO gnimukhaM haram||17||

dEvOpalabdhimaprApya nirvEdAtsaptamE'hani| zirO'vRzcatsudhitinA tattIrthaklinnamUrdhajam||18||

tadA mahAkAruNikO sa dhUrjaTiryathA vayaM cAgnirivOtthitO'nalAt| nigRhya dOrbhyAM bhujayOrnyavArayattatsparzanAdbhUya upaskRtAkRtiH||19||

tamAha cAGgAlamalaM vRNISva mE yathAbhikAmaM vitarAmi tE varam| prIyEya tOyEna nRNAM prapadyatAmahO tvayAtmA bhRzamardyatE vRthA||20||

dEvaM sa vavrE pApIyAnvaraM bhUtabhayAvaham| yasya yasya karaM zIrSNi dhAsyE sa mriyatAmiti||21||

tacchrutvA bhagavAnrudrO durmanA iva bhArata| Om iti prahasaMstasmai dadE'hEramRtaM yathA||22||

sa tadvaraparIkSArthaM zambhOrmUrdhni kilAsuraH| svahastaM dhAtumArEbhE sO'bibhyatsvakRtAcchivaH||23||

tEnOpasRSTaH santrastaH parAdhAvansavEpathuH| yAvadantaM divO bhUmEH kaSThAnAmudagAdudak||24||

ajAnantaH pratividhiM tUSNImAsansurEzvarAH| tatO vaikuNThamagamadbhAsvaraM tamasaH param||25||

yatra nArAyaNaH sAkSAnnyAsinAM paramO gatiH| zAntAnAM nyastadaNDAnAM yatO nAvartatE gataH||26||

taM tathA vyasanaM dRSTvA bhagavAnvRjinArdanaH| dUrAtpratyudiyAdbhUtvA baTukO yOgamAyayA||27||

mEkhalAjinadaNDAkSaistEjasAgniriva jvalan| abhivAdayAmAsa ca taM kuzapANirvinItavat||28||

zrIbhagavAnuvAca

zAkunEya bhavAnvyaktaM zrAntaH kiM dUramAgataH| kSaNaM vizramyatAM puMsa AtmAyaM sarvakAmadhuk||29||

yadi naH zravaNAyAlaM yuSmadvyavasitaM vibhO| bhaNyatAM prAyazaH pumbhirdhRtaiH svArthAnsamIhatE||30||

zrIzuka uvAca

EvaM bhagavatA pRSTO vacasAmRtavarSiNA| gataklamO'bravIttasmai yathApUrvamanuSThitam||31||

zrIbhagavAnuvAca

EvaM cEttarhi tadvAkyaM na vayaM zraddadhImahi| yO dakSazApAtpaizAcyaM prAptaH prEtapizAcarAT||32||

yadi vastatra vizrambhO dAnavEndra jagadgurau| tarhyaGgAzu svazirasi hastaM nyasya pratIyatAm||33||

yadyasatyaM vacaH zambhOH kathaJciddAnavarSabha| tadainaM jahyasadvAcaM na yadvaktAnRtaM punaH||34||

itthaM bhagavatazcitrairvacObhiH sa supEzalaiH| bhinnadhIrvismRtaH zIrSNi svahastaM kumatirnyadhAt||35||

athApatadbhinnazirAH vrajAhata iva kSaNAt| jayazabdO namaHzabdaH sAdhuzabdO'bhavaddivi||36||

mumucuH puSpavarSANi hatE pApE vRkAsurE| dEvarSipitRgandharvA mOcitaH saGkaTAcchivaH||37||

muktaM girizamabhyAha bhagavAnpuruSOttamaH| ahO dEva mahAdEva pApO'yaM svEna pApmanA||38||

hataH kO nu mahatsvIza janturvai kRtakilbiSaH| kSEmI syAtkimu vizvEzE kRtAgaskO jagadgurau||39||

ya EvamavyAkRtazaktyudanvataH parasya sAkSAtparamAtmanO harEH giritramOkSaM kathayEcchRNOti vA vimucyatE saMsRtibhistathAribhiH||40||

||iti zrImadbhAgavatE mahApurANE pAramahaMsyAM saMhitAyAM dazamaskandhE uttarArdhE aSTAzItitamO'dhyAyaH||

See Also

• http://vedabase.net/sb/10/88/en