From StotraSamhita
< Bhagavatam | Skandha 10
saptasaptatitamO'dhyAyaH
zrIzuka uvAca
sa upaspRzya salilaM daMzitO dhRtakArmukaH| naya mAM dyumataH pArzvaM vIrasyEtyAha sArathim||1|| |
vidhamantaM svasainyAni dyumantaM rukmiNIsutaH| pratihatya pratyavidhyAnnArAcairaSTabhiH smayan||2|| |
caturbhizcaturO vAhAnsUtamEkEna cAhanat| dvAbhyaM dhanuzca kEtuM ca zarENAnyEna vai ziraH||3|| |
gadasAtyakisAmbAdyA jaghnuH saubhapatErbalam| pEtuH samudrE saubhEyAH sarvE saJchinnakandharAH||4|| |
EvaM yadUnAM zAlvAnAM nighnatAmitarEtaram| yuddhaM trinavarAtraM tadabhUttumulamulbaNam||5|| |
indraprasthaM gataH kRSNa AhUtO dharmasUnunA| rAjasUyE'tha nivRttE zizupAlE ca saMsthitE||6|| |
kuruvRddhAnanujJApya munIMzca sasutAM pRthAm| nimittAnyatighOrANi pazyandvAravatIM yayau||7|| |
Aha cAhamihAyAta AryamizrAbhisaGgataH| rAjanyAzcaidyapakSIyA nUnaM hanyuH purIM mama||8|| |
vIkSya tatkadanaM svAnAM nirUpya purarakSaNam| saubhaM ca zAlvarAjaM ca dArukaM prAha kEzavaH||9|| |
rathaM prApaya mE sUta zAlvasyAntikamAzu vai| sambhramastE na kartavyO mAyAvI saubharADayam||10|| |
ityuktazcOdayAmAsa rathamAsthAya dArukaH| vizantaM dadRzuH sarvE svE parE cAruNAnujam||11|| |
zAlvazca kRSNamAlOkya hataprAyabalEzvaraH| prAharatkRSNasUtaya zaktiM bhImaravAM mRdhE||12|| |
tAmApatantIM nabhasi mahOlkAmiva raMhasA| bhAsayantIM dizaH zauriH sAyakaiH zatadhAcchinat||13|| |
taM ca SODazabhirviddhvA bAnaiH saubhaM ca khE bhramat| avidhyaccharasandOhaiH khaM sUrya iva razmibhiH||14|| |
zAlvaH zaurEstu dOH savyaM sazArGgaM zArGgadhanvanaH| bibhEda nyapataddhastAcchArGgamAsIttadadbhutam||15|| |
hAhAkArO mahAnAsIdbhUtAnAM tatra pazyatAm| ninadya saubharADuccairidamAha janArdanam||16|| |
yattvayA mUDha naH sakhyurbhrAturbhAryA hRtEkSatAm| pramattaH sa sabhAmadhyE tvayA vyApAditaH sakhA||17|| |
taM tvAdya nizitairbANairaparAjitamAninam| nayAmyapunarAvRttiM yadi tiSThErmamAgrataH||18|| |
zrIbhagavAnuvAca
vRthA tvaM katthasE manda na pazyasyantikE'ntakam| paurusaM darzayanti sma zUrA na bahubhASiNaH||19|| |
ityuktvA bhagavAJchAlvaM gadayA bhImavEgayA| tatADa jatrau saMrabdhaH sa cakampE vamannasRk||20|| |
gadAyAM sannivRttAyAM zAlvastvantaradhIyata tatO muhUrta Agatya puruSaH zirasAcyutam dEvakyA prahitO'smIti natvA prAha vacO rudan||21|| |
kRSNa kRSNa mahAbAhO pitA tE pitRvatsala| baddhvApanItaH zAlvEna saunikEna yathA pazuH||22|| |
nizamya vipriyaM kRSNO mAnusIM prakRtiM gataH| vimanaskO ghRNI snEhAdbabhASE prAkRtO yathA||23|| |
kathaM rAmamasambhrAntaM jitvAjEyaM surAsuraiH| zAlvEnAlpIyasA nItaH pitA mE balavAnvidhiH||24|| |
iti bruvANE gOvindE saubharATpratyupasthitaH| vasudEvamivAnIya kRSNaM cEdamuvAca saH||25|| |
ESa tE janitA tAtO yadarthamiha jIvasi| vadhiSyE vIkSatastE'mumIzazcEtpAhi bAliza||26|| |
EvaM nirbhartsya mAyAvI khaDgEnAnakadundubhEH| utkRtya zira AdAya khasthaM saubhaM samAvizat||27|| |
tatO muhUrtaM prakRtAvupaplutaH svabOdha AstE svajanAnuSaGgataH| mahAnubhAvastadabudhyadAsurIM mAyAM sa zAlvaprasRtAM mayOditAm||28|| |
na tatra dUtaM na pituH kalEvaraM prabuddha Ajau samapazyadacyutaH| svApnaM yathA cAmbaracAriNaM ripuM saubhasthamAlOkya nihantumudyataH||29|| |
EvaM vadanti rAjarSE RSayaH kE ca nAnvitAH| yatsvavAcO virudhyEta nUnaM tE na smarantyuta||30|| |
kva zOkamOhau snEhO vA bhayaM vA yE'jJasambhavAH| kva cAkhaNDitavijJAna jJAnaizvaryastvakhaNDitaH||31|| |
yatpAdasEvOrjitayAtmavidyayA hinvantyanAdyAtmaviparyayagraham| labhanta AtmIyamanantamaizvaraM kutO nu mOhaH paramasya sadgatEH||32|| |
taM zastrapUgaiH praharantamOjasA zAlvaM zaraiH zauriramOghavikramaH| viddhvAcchinadvarma dhanuH zirOmaNiM saubhaM ca zatrOrgadayA rurOja ha||33|| |
tatkRSNahastEritayA vicUrNitaM papAta tOyE gadayA sahasradhA| visRjya tadbhUtalamAsthitO gadAmudyamya zAlvO'cyutamabhyagAddrutam||34|| |
AdhAvataH sagadaM tasya bAhuM bhallEna chittvAtha rathAGgamadbhutam| vadhAya zAlvasya layArkasannibhaM bibhradbabhau sArka ivOdayAcalaH||35|| |
jahAra tEnaiva ziraH sakuNDalaM kirITayuktaM purumAyinO hariH| vajrENa vRtrasya yathA purandarO babhUva hAhEti vacastadA nRNAm||36|| |
tasminnipatitE pApE saubhE ca gadayA hatE nEdurdundubhayO rAjandivi dEvagaNEritAH sakhInAmapacitiM kurvandantavakrO ruSAbhyagAt||37|| |
||iti zrImadbhAgavatE mahApurANE pAramahaMsyAM saMhitAyAM dazamaskandhE uttarArdhE saptasaptatitamO'dhyAyaH||
