caturdazO'dhyAyaH

sa ESa dEhAtmamAninAM sattvAdiguNavizESavikalpitakuzalAkuzalasamavahAravinirmitavividha
dEhAvalibhirviyOgasaMyOgAdyanAdisaMsArAnubhavasya dvArabhUtEna SaDindriyavargENa
tasmindurgAdhvavadasugamE'dhvanyApatita Izvarasya bhagavatO viSNOrvazavartinyA mAyayA jIvalOkO
'yaM yathA vaNiksArthO'rthaparaH svadEhaniSpAditakarmAnubhavaH zmazAnavadazivatamAyAM
saMsArATavyAM gatO nAdyApi viphalabahupratiyOgEhastattApOpazamanIM harigurucaraNAravinda
madhukarAnupadavImavarundhE||1||

yasyAmu ha vA EtE SaDindriyanAmAnaH karmaNA dasyava Eva tE tadyathA puruSasya dhanaM
yatkiJciddharmaupayikaM bahukRcchrAdhigataM sAkSAtparamapuruSArAdhanalakSaNO yO'sau dharmastaM
tu sAmparAya udAharanti taddharmyaM dhanaM darzanasparzanazravaNAsvAdanAvaghrANasaGkalpa
vyavasAyagRhagrAmyOpabhOgEna kunAthasyAjitAtmanO yathA sArthasya vilumpanti||2||

atha ca yatra kauTumbikA dArApatyAdayO nAmnA karmaNA vRkasRgAlA EvAnicchatO'pi kadaryasya
kuTumbina uraNakavatsaMrakSyamANaM miSatO'pi haranti||3||

yathA hyanuvatsaraM kRSyamANamapyadagdhabIjaM kSEtraM punarEvAvapanakAlE gulmatRNa
vIrudbhirgahvaramiva bhavatyEvamEva gRhAzramaH karmakSEtraM yasminna hi karmANyutsIdanti
yadayaM kAmakaraNDa ESa AvasathaH||4||

tatra gatO daMzamazakasamApasadairmanujaiH zalabhazakuntataskara
mUSakAdibhiruparudhyamAnabahiHprANaH kvacitparivartamAnO'sminnadhvanyavidyAkAma
karmabhiruparaktamanasAnupapannArthaM naralOkaM gandharvanagaramupapannamiti mithyA
dRSTiranupazyati||5||

tatra ca kvacidAtapOdakanibhAnviSayAnupadhAvati pAnabhOjanavyavAyAdivyasanalOlupaH||6||

kvaciccAzESadOSaniSadanaM purISavizESaM tadvarNaguNanirmitamatiH
suvarNamupAditsatyagnikAmakAtara ivOlmukapizAcam||7||

atha kadAcinnivAsapAnIyadraviNAdyanEkAtmOpajIvanAbhinivEza EtasyAM saMsArATavyAmitastataH
paridhAvati||8||

kvacicca vAtyaupamyayA pramadayArOhamArOpitastatkAlarajasA rajanIbhUta ivAsAdhumaryAdO
rajasvalAkSO'pi digdEvatA atirajasvalamatirna vijAnAti||9||

kvacitsakRdavagataviSayavaitathyaH svayaM parAbhidhyAnEna vibhraMzitasmRtistayaiva marIci
tOyaprAyAMstAnEvAbhidhAvati||10||

kvacidulUkajhillIsvanavadatiparuSarabhasATOpaM pratyakSaM parOkSaM vA ripurAjakula
nirbhartsitEnAtivyathitakarNamUlahRdayaH||11||

sa yadA dugdhapUrvasukRtastadA kAraskarakAkatuNDAdyapuNyadrumalatAviSOda
pAnavadubhayArthazUnyadraviNAnjIvanmRtAnsvayaM jIvanmriyamANa upadhAvati||12||

EkadAsatprasaGgAnnikRtamatirvyudakasrOtaHskhalanavadubhayatO'pi duHkhadaM
pAkhaNDamabhiyAti||13||

yadA tu parabAdhayAndha AtmanE nOpanamati tadA hi pitRputrabarhiSmataH pitRputrAnvA sa khalu
bhakSayati||14||

kvacidAsAdya gRhaM dAvavatpriyArthavidhuramasukhOdarkaM zOkAgninA dahyamAnO bhRzaM
nirvEdamupagacchati||15||

kvacitkAlaviSamitarAjakularakSasApahRtapriyatamadhanAsuH pramRtaka iva vigatajIvalakSaNa
AstE||16||

kadAcinmanOrathOpagatapitRpitAmahAdyasatsaditi svapnanirvRtilakSaNamanubhavati||17||

kvacidgRhAzramakarmacOdanAtibharagirimArurukSamANO lOkavyasanakarSitamanAH kaNTaka
zarkarAkSEtraM pravizanniva sIdati||18||

kvacicca duHsahEna kAyAbhyantaravahninA gRhItasAraH svakuTumbAya krudhyati||19||

sa Eva punarnidrAjagaragRhItO'ndhE tamasi magnaH zUnyAraNya iva zEtE nAnyatkiJcana vEda zava
ivApaviddhaH||20||

kadAcidbhagnamAnadaMSTrO durjanadandazUkairalabdhanidrAkSaNO vyathita
hRdayEnAnukSIyamANavijJAnO'ndhakUpE'ndhavatpatati||21||

karhi sma citkAmamadhulavAnvicinvanyadA paradAraparadravyANyavarundhAnO rAjJA
svAmibhirvA nihataH patatyapArE nirayE||22||

atha ca tasmAdubhayathApi hi karmAsminnAtmanaH saMsArAvapanamudAharanti||23||

muktastatO yadi bandhAddEvadatta upAcchinatti tasmAdapi viSNumitra ityanavasthitiH||24||

kvacicca zItavAtAdyanEkAdhidaivikabhautikAtmIyAnAM dazAnAM pratinivAraNE'kalpO duranta
cintayA viSaNNa AstE||25||

kvacinmithO vyavaharanyatkiJciddhanamanyEbhyO vA kAkiNikA
mAtramapyapaharanyatkiJcidvA vidvESamEti vittazAThyAt||26||

adhvanyamuSminnima upasargAstathA sukhaduHkharAgadvESabhayAbhimAnapramAdOnmAda
zOkamOhalObhamAtsaryErSyAvamAnakSutpipAsAdhivyAdhijanmajarAmaraNAdayaH||27||

kvApi dEvamAyayA striyA bhujalatOpagUDhaH praskannavivEkavijJAnO yadvihAragRhArambhAkula
hRdayastadAzrayAvasaktasutaduhitRkalatrabhASitAvalOkavicESTitApahRtahRdaya AtmAnamajitAtmApArE
'ndhE tamasi prahiNOti||28||

kadAcidIzvarasya bhagavatO viSNOzcakrAtparamANvAdidviparArdhApavarga
kAlOpalakSaNAtparivartitEna vayasA raMhasA harata AbrahmatRNastambAdInAM bhUtAnAmanimiSatO miSatAM
vitrastahRdayastamEvEzvaraM kAlacakranijAyudhaM sAkSAdbhagavantaM yajJapuruSamanAdRtya
pAkhaNDadEvatAH kaGkagRdhrabakavaTaprAyA AryasamayaparihRtAH sAGkEtyEnAbhidhattE||29||

yadA pAkhaNDibhirAtmavaJcitaistairuru vaJcitO brahmakulaM samAvasaMstESAM
zIlamupanayanAdizrautasmArtakarmAnuSThAnEna bhagavatO yajJapuruSasyArAdhanamEva
tadarOcayanzUdrakulaM bhajatE nigamAcArE'zuddhitO yasya mithunIbhAvaH kuTumbabharaNaM yathA
vAnarajAtEH||30||

tatrApi niravarOdhaH svairENa viharannatikRpaNabuddhiranyOnyamukhanirIkSaNAdinA grAmya
karmaNaiva vismRtakAlAvadhiH||31||

kvaciddrumavadaihikArthESu gRhESu raMsyanyathA vAnaraH sutadAravatsalO vyavAyakSaNaH||32||

EvamadhvanyavarundhAnO mRtyugajabhayAttamasi girikandaraprAyE||33||

kvacicchItavAtAdyanEkadaivikabhautikAtmIyAnAM duHkhAnAM pratinivAraNE'kalpO durantaviSaya
viSaNNa AstE||34||

kvacinmithO vyavaharanyatkiJciddhanamupayAti vittazAThyEna||35||

kvacitkSINadhanaH zayyAsanAzanAdyupabhOgavihInO yAvadapratilabdhamanOrathOpagatAdAnE
'vasitamatistatastatO'vamAnAdIni janAdabhilabhatE||36||

EvaM vittavyatiSaGgavivRddhavairAnubandhO'pi pUrvavAsanayA mitha udvahatyathApavahati||37||

EtasminsaMsArAdhvani nAnAklEzOpasargabAdhita ApannavipannO yatra yastamu ha
vAvEtarastatra visRjya jAtaM jAtamupAdAya zOcanmuhyanbibhyad
vivadankrandansaMhRSyangAyannahyamAnaH sAdhuvarjitO naivAvartatE'dyApi yata Arabdha ESa naralOka
sArthO yamadhvanaH pAramupadizanti||38||

yadidaM yOgAnuzAsanaM na vA EtadavarundhatE yannyastadaNDA munaya upazamazIlA
uparatAtmAnaH samavagacchanti||39||

yadapi digibhajayinO yajvinO yE vai rAjarSayaH kiM tu paraM mRdhE zayIrannasyAmEva
mamEyamiti kRtavairAnubandhAyAM visRjya svayamupasaMhRtAH||40||

karmavallImavalambya tata ApadaH kathaJcinnarakAdvimuktaH punarapyEvaM saMsArAdhvani
vartamAnO naralOkasArthamupayAti Evamupari gatO'pi||41||

ArSabhasyEha rAjarSErmanasApi mahAtmanaH|
nAnuvartmArhati nRpO makSikEva garutmataH||42||

yO dustyajAndArasutAnsuhRdrAjyaM hRdispRzaH|
jahau yuvaiva malavaduttamazlOkalAlasaH||43||

yO dustyajAnkSitisutasvajanArthadArAn
prArthyAM zriyaM suravaraiH sadayAvalOkAm|
naicchannRpastaducitaM mahatAM madhudviT
sEvAnuraktamanasAmabhavO'pi phalguH||44||

yajJAya dharmapatayE vidhinaipuNAya
yOgAya sAGkhyazirasE prakRtIzvarAya|
nArAyaNAya harayE nama ityudAraM
hAsyanmRgatvamapi yaH samudAjahAra||45||

ya idaM bhAgavatasabhAjitAvadAtaguNakarmaNO rAjarSErbharatasyAnucaritaM svasty
ayanamAyuSyaM dhanyaM yazasyaM svargyApavargyaM vAnuzRNOtyAkhyAsyatyabhinandati ca sarvA EvAziSa
Atmana AzAstE na kAJcana parata iti||46||