From StotraSamhita
< Bhagavatam | Skandha 11
SaSThO'dhyAyaH
zrIzuka uvAca
atha brahmAtmajaiH dEvaiH prajEzairAvRtO'bhyagAt| bhavazca bhUtabhavyEzO yayau bhUtagaNairvRtaH||1|| |
indrO marudbhirbhagavAnAdityA vasavO'zvinau| RbhavO'GgirasO rudrA vizvE sAdhyAzca dEvatAH||2|| |
gandharvApsarasO nAgAH siddhacAraNaguhyakAH| RSayaH pitarazcaiva savidyAdharakinnarAH||3|| |
dvArakAmupasaJjagmuH sarvE kRSNadidRkSavaH vapuSA yEna bhagavAnnaralOkamanOramaH yazO vitEnE lOkESu sarvalOkamalApaham||4|| |
tasyAM vibhrAjamAnAyAM samRddhAyAM maharddhibhiH| vyacakSatAvitRptAkSAH kRSNamadbhutadarzanam||5|| |
svargOdyAnOpagairmAlyaizchAdayantO yudUttamam| gIrbhizcitrapadArthAbhistuSTuvurjagadIzvaram||6|| |
zrIdEvA UcuH
natAH sma tE nAtha padAravindaM buddhIndriyaprANamanOvacObhiH| yaccintyatE'ntarhRdi bhAvayuktairmumukSubhiH karmamayOrupAzAt||7|| |
tvaM mAyayA triguNayAtmani durvibhAvyaM vyaktaM sRjasyavasi lumpasi tadguNasthaH| naitairbhavAnajita karmabhirajyatE vai yatsvE sukhE'vyavahitE'bhiratO'navadyaH||8|| |
zuddhirnRNAM na tu tathEDya durAzayAnAM vidyAzrutAdhyayanadAnatapaHkriyAbhiH| sattvAtmanAmRSabha tE yazasi pravRddha sacchraddhayA zravaNasambhRtayA yathA syAt||9|| |
syAnnastavAGghrirazubhAzayadhUmakEtuH kSEmAya yO munibhirArdrahRdOhyamAnaH| yaH sAtvataiH samavibhUtaya Atmavadbhir vyUhE'rcitaH savanazaH svaratikramAya||10|| |
yascintyatE prayatapANibhiradhvarAgnau trayyA niruktavidhinEza havirgRhItvA| adhyAtmayOga uta yOgibhirAtmamAyAM jijJAsubhiH paramabhAgavataiH parISTaH||11|| |
paryuSTayA tava vibhO vanamAlayEyaM saMspArdhinI bhagavatI pratipatnIvacchrIH| yaH supraNItamamuyArhaNamAdadannO bhUyAtsadAGghrirazubhAzayadhUmakEtuH||12|| |
kEtustrivikramayutastripatatpatAkO yastE bhayAbhayakarO'suradEvacamvOH| svargAya sAdhuSu khalESvitarAya bhUman padaH punAtu bhagavanbhajatAmaghaM naH||13|| |
nasyOtagAva iva yasya vazE bhavanti brahmAdayastanubhRtO mithurardyamAnAH| kAlasya tE prakRtipUruSayOH parasya zaM nastanOtu caraNaH puruSOttamasya||14|| |
asyAsi hEturudayasthitisaMyamAnAm avyaktajIvamahatAmapi kAlamAhuH| sO'yaM triNAbhirakhilApacayE pravRttaH kAlO gabhIraraya uttamapUruSastvam||15|| |
tvattaH pumAnsamadhigamya yayAsya vIryaM dhattE mahAntamiva garbhamamOghavIryaH| sO'yaM tayAnugata Atmana ANDakOzaM haimaM sasarja bahirAvaraNairupEtam||16|| |
tattasthUSazca jagatazca bhavAnadhIzO yanmAyayOtthaguNavikriyayOpanItAn| arthAJjuSannapi hRSIkapatE na liptO yE'nyE svataH parihRtAdapi bibhyati sma||17|| |
smAyAvalOkalavadarzitabhAvahAri bhrUmaNDalaprahitasauratamantrazauNDaiH| patnyastu SODazasahasramanaGgabANair yasyEndriyaM vimathituM karaNairna vibhvyaH||18|| |
vibhvyastavAmRtakathOdavahAstrilOkyAH pAdAvanEjasaritaH zamalAni hantum| AnuzravaM zrutibhiraGghrijamaGgasaGgais tIrthadvayaM zuciSadasta upaspRzanti||19|| |
zrIbAdarAyaNiruvAca
ityabhiSTUya vibudhaiH sEzaH zatadhRtirharim| abhyabhASata gOvindaM praNamyAmbaramAzritaH||20|| |
zrIbrahmOvAca
bhUmErbhArAvatArAya purA vijJApitaH prabhO| tvamasmAbhirazESAtmantattathaivOpapAditam||21|| |
dharmazca sthApitaH satsu satyasandhESu vai tvayA| kIrtizca dikSu vikSiptA sarvalOkamalApahA||22|| |
avatIrya yadOrvaMzE bibhradrUpamanuttamam| karmANyuddAmavRttAni hitAya jagatO'kRthAH||23|| |
yAni tE caritAnIza manuSyAH sAdhavaH kalau| zRNvantaH kIrtayantazca tariSyantyaJjasA tamaH||24|| |
yaduvaMzE'vatIrNasya bhavataH puruSOttama| zaracchataM vyatIyAya paJcaviMzAdhikaM prabhO||25|| |
nAdhunA tE'khilAdhAra dEvakAryAvazESitam| kulaM ca viprazApEna naSTaprAyamabhUdidam||26|| |
tataH svadhAma paramaM vizasva yadi manyasE| salOkAllOkapAlAnnaH pAhi vaikuNThakiGkarAn||27|| |
zrIbhagavAnuvAca
avadhAritamEtanmE yadAttha vibudhEzvara| kRtaM vaH kAryamakhilaM bhUmErbhArO'vatAritaH||28|| |
tadidaM yAdavakulaM vIryazauryazriyOddhatam| lOkaM jighRkSadruddhaM mE vElayEva mahArNavaH||29|| |
yadyasaMhRtya dRptAnAM yadUnAM vipulaM kulam| gantAsmyanEna lOkO'yamudvElEna vinaGkSyati||30|| |
idAnIM nAza ArabdhaH kulasya dvijazApajaH| yAsyAmi bhavanaM brahmannEtadantE tavAnagha||31|| |
zrIzuka uvAca
ityuktO lOkanAthEna svayambhUH praNipatya tam| saha dEvagaNairdEvaH svadhAma samapadyata||32|| |
atha tasyAM mahOtpAtAndvAravatyAM samutthitAn| vilOkya bhagavAnAha yaduvRddhAnsamAgatAn||33|| |
zrIbhagavAnuvAca
EtE vai sumahOtpAtA vyuttiSThantIha sarvataH| zApazca naH kulasyAsIdbrAhmaNEbhyO duratyayaH||34|| |
na vastavyamihAsmAbhirjijIviSubhirAryakAH| prabhAsaM sumahatpuNyaM yAsyAmO'dyaiva mA ciram||35|| |
yatra snAtvA dakSazApAdgRhItO yakSmaNOdurAT| vimuktaH kilbiSAtsadyO bhEjE bhUyaH kalOdayam||36|| |
vayaM ca tasminnAplutya tarpayitvA pitRRnsurAn| bhOjayitvOSijO viprAnnAnAguNavatAndhasA||37|| |
tESu dAnAni pAtrESu zraddhayOptvA mahAnti vai| vRjinAni tariSyAmO dAnairnaubhirivArNavam||38|| |
zrIzuka uvAca
EvaM bhagavatAdiSTA yAdavAH kurunandana| gantuM kRtadhiyastIrthaM syandanAnsamayUyujan||39|| |
tannirIkSyOddhavO rAjanzrutvA bhagavatOditam| dRSTvAriSTAni ghOrANi nityaM kRSNamanuvrataH||40|| |
vivikta upasaGgamya jagatAmIzvarEzvaram| praNamya zirisA pAdau prAJjalistamabhASata||41|| |
zrIuddhava uvAca
dEvadEvEza yOgEza puNyazravaNakIrtana saMhRtyaitatkulaM nUnaM lOkaM santyakSyatE bhavAn viprazApaM samarthO'pi pratyahanna yadIzvaraH||42|| |
nAhaM tavAGghrikamalaM kSaNArdhamapi kEzava| tyaktuM samutsahE nAtha svadhAma naya mAmapi||43|| |
tava vikrIDitaM kRSNa nRnAM paramamaGgalam| karNapIyUSamAsAdya tyajantyanyaspRhAM janAH||44|| |
zayyAsanATanasthAna snAnakrIDAzanAdiSu| kathaM tvAM priyamAtmAnaM vayaM bhaktAstyajEma hi||45|| |
tvayOpabhuktasraggandha vAsO'laGkAracarcitAH| ucchiSTabhOjinO dAsAstava mAyAM jayEma hi||46|| |
vAtavasanA ya RSayaH zramaNA UrdhramanthinaH| brahmAkhyaM dhAma tE yAnti zAntAH sannyAsInO'malAH||47|| |
vayaM tviha mahAyOginbhramantaH karmavartmasu| tvadvArtayA tariSyAmastAvakairdustaraM tamaH||48|| |
smarantaH kIrtayantastE kRtAni gaditAni ca| gatyutsmitEkSaNakSvEli yannRlOkaviDambanam||49|| |
zrIzuka uvAca
EvaM vijJApitO rAjanbhagavAndEvakIsutaH EkAntinaM priyaM bhRtyamuddhavaM samabhASata||50|| |
||iti zrImadbhAgavatE mahApurANE pAramahaMsyAM saMhitAyAM EkAdazaskandhE SaSThO'dhyAyaH||
