From StotraSamhita
< Bhagavatam | Skandha 09
paJcadazO'dhyAyaH
zrIbAdarAyaNiruvAca
ailasya cOrvazIgarbhAtSaDAsannAtmajA nRpa| AyuH zrutAyuH satyAyU rayO'tha vijayO jayaH||1|| |
zrutAyOrvasumAnputraH satyAyOzca zrutaJjayaH| rayasya suta Ekazca jayasya tanayO'mitaH||2|| |
bhImastu vijayasyAtha kAJcanO hOtrakastataH tasya jahnuH sutO gaGgAM gaNDUSIkRtya yO'pibat jahnOstu purustasyAtha balAkazcAtmajO'jakaH||3|| |
tataH kuzaH kuzasyApi kuzAmbustanayO vasuH| kuzanAbhazca catvArO gAdhirAsItkuzAmbujaH||4|| |
tasya satyavatIM kanyAmRcIkO'yAcata dvijaH| varaM visadRzaM matvA gAdhirbhArgavamabravIt||5|| |
EkataH zyAmakarNAnAM hayAnAM candravarcasAm| sahasraM dIyatAM zulkaM kanyAyAH kuzikA vayam||6|| |
ityuktastanmataM jJAtvA gataH sa varuNAntikam| AnIya dattvA tAnazvAnupayEmE varAnanAm||7|| |
sa RSiH prArthitaH patnyA zvazrvA cApatyakAmyayA| zrapayitvObhayairmantraizcaruM snAtuM gatO muniH||8|| |
tAvatsatyavatI mAtrA svacaruM yAcitA satI| zrESThaM matvA tayAyacchanmAtrE mAturadatsvayam||9|| |
tadviditvA muniH prAha patnIM kaSTamakAraSIH| ghOrO daNDadharaH putrO bhrAtA tE brahmavittamaH||10|| |
prasAditaH satyavatyA maivaM bhUriti bhArgavaH| atha tarhi bhavEtpautrOjamadagnistatO'bhavat||11|| |
sA cAbhUtsumahatpuNyA kauzikI lOkapAvanI| rENOH sutAM rENukAM vai jamadagniruvAha yAm||12|| |
tasyAM vai bhArgavaRSEH sutA vasumadAdayaH| yavIyAnjajJa EtESAM rAma ityabhivizrutaH||13|| |
yamAhurvAsudEvAMzaM haihayAnAM kulAntakam| triHsaptakRtvO ya imAM cakrE niHkSatriyAM mahIm||14|| |
dRptaM kSatraM bhuvO bhAramabrahmaNyamanInazat| rajastamOvRtamahanphalgunyapi kRtE'Mhasi||15|| |
zrIrAjOvAca
kiM tadaMhO bhagavatO rAjanyairajitAtmabhiH| kRtaM yEna kulaM naSTaM kSatriyANAmabhIkSNazaH||16|| |
zrIbAdarAyaNiruvAca
haihayAnAmadhipatirarjunaH kSatriyarSabhaH| dattaM nArAyaNAMzAMzamArAdhya parikarmabhiH||17|| |
bAhUndazazataM lEbhE durdharSatvamarAtiSu| avyAhatEndriyaujaH zrI tEjOvIryayazObalam||18|| |
yOgEzvaratvamaizvaryaM guNA yatrANimAdayaH| cacArAvyAhatagatirlOkESu pavanO yathA||19|| |
strIratnairAvRtaH krIDanrEvAmbhasi madOtkaTaH| vaijayantIM srajaM bibhradrurOdha saritaM bhujaiH||20|| |
viplAvitaM svazibiraM pratisrOtaHsarijjalaiH| nAmRSyattasya tadvIryaM vIramAnI dazAnanaH||21|| |
gRhItO lIlayA strINAM samakSaM kRtakilbiSaH| mAhiSmatyAM sanniruddhO muktO yEna kapiryathA||22|| |
sa EkadA tu mRgayAM vicaranvijanE vanE| yadRcchayAzramapadaM jamadagnErupAvizat||23|| |
tasmai sa naradEvAya munirarhaNamAharat| sasainyAmAtyavAhAya haviSmatyA tapOdhanaH||24|| |
sa vai ratnaM tu taddRSTvA AtmaizvaryAtizAyanam| tannAdriyatAgnihOtryAM sAbhilASaH sahaihayaH||25|| |
havirdhAnImRSErdarpAnnarAnhartumacOdayat| tE ca mAhiSmatIM ninyuH savatsAM krandatIM balAt||26|| |
atha rAjani niryAtE rAma Azrama AgataH| zrutvA tattasya daurAtmyaM cukrOdhAhirivAhataH||27|| |
ghOramAdAya parazuM satUNaM varma kArmukam| anvadhAvata durmarSO mRgEndra iva yUthapam||28|| |
tamApatantaM bhRguvaryamOjasA dhanurdharaM bANaparazvadhAyudham| aiNEyacarmAmbaramarkadhAmabhiryutaM jaTAbhirdadRzE purIM vizan||29|| |
acOdayaddhastirathAzvapattibhirgadAsibANarSTizataghnizaktibhiH| akSauhiNIH saptadazAtibhISaNAstA rAma EkO bhagavAnasUdayat||30|| |
yatO yatO'sau praharatparazvadhO manO'nilaujAH paracakrasUdanaH| tataztataschinnabhujOrukandharA nipEtururvyAM hatasUtavAhanAH||31|| |
dRSTvA svasainyaM rudhiraughakardamE raNAjirE rAmakuThArasAyakaiH| vivRkNavarmadhvajacApavigrahaM nipAtitaM haihaya ApatadruSA||32|| |
athArjunaH paJcazatESu bAhubhirdhanuHSu bANAnyugapatsa sandadhE| rAmAya rAmO'strabhRtAM samagraNIstAnyEkadhanvESubhirAcchinatsamam||33|| |
punaH svahastairacalAnmRdhE'GghripAnutkSipya vEgAdabhidhAvatO yudhi| bhujAnkuThArENa kaThOranEminA cicchEda rAmaH prasabhaM tvahEriva||34|| |
kRttabAhOH zirastasya girEH zRGgamivAharat| hatE pitari tatputrA ayutaM dudruvurbhayAt||35|| |
agnihOtrImupAvartya savatsAM paravIrahA| samupEtyAzramaM pitrE parikliSTAM samarpayat||36|| |
svakarma tatkRtaM rAmaH pitrE bhrAtRbhya Eva ca| varNayAmAsa tacchrutvAjamadagnirabhASata||37|| |
rAma rAma mahAbAhO bhavAnpApamakAraSIt| avadhInnaradEvaM yatsarvadEvamayaM vRthA||38|| |
vayaM hi brAhmaNAstAta kSamayArhaNatAM gatAH| yayA lOkagururdEvaH pAramESThyamagAtpadam||39|| |
kSamayA rOcatE lakSmIrbrAhmI saurI yathA prabhA| kSamiNAmAzu bhagavAMstuSyatE harirIzvaraH||40|| |
rAjJO mUrdhAbhiSiktasya vadhO brahmavadhAdguruH tIrthasaMsEvayA cAMhO jahyaGgAcyutacEtanaH||41|| |
||iti zrImadbhAgavatE mahApurANE pAramahaMsyAM saMhitAyAM navamaskandhE paJcadazO'dhyAyaH||
