From StotraSamhita
< Bhagavatam | Skandha 10
EkacatvAriMzO'dhyAyaH
zrIzuka uvAca
stuvatastasya bhagavAndarzayitvA jalE vapuH| bhUyaH samAharatkRSNO naTO nATyamivAtmanaH||1|| |
sO'pi cAntarhitaM vIkSya jalAdunmajya satvaraH| kRtvA cAvazyakaM sarvaM vismitO rathamAgamat||2|| |
tamapRcchaddhRSIkEzaH kiM tE dRSTamivAdbhutam| bhUmau viyati tOyE vA tathA tvAM lakSayAmahE||3|| |
zrIakrUra uvAca
adbhutAnIha yAvanti bhUmau viyati vA jalE| tvayi vizvAtmakE tAni kiM mE'dRSTaM vipazyataH||4|| |
yatrAdbhutAni sarvANi bhUmau viyati vA jalE| taM tvAnupazyatO brahmankiM mE dRSTamihAdbhutam||5|| |
ityuktvA cOdayAmAsa syandanaM gAndinIsutaH| mathurAmanayadrAmaM kRSNaM caiva dinAtyayE||6|| |
mArgE grAmajanA rAjaMstatra tatrOpasaGgatAH| vasudEvasutau vIkSya prItA dRSTiM na cAdaduH||7|| |
tAvadvrajaukasastatra nandagOpAdayO'grataH| purOpavanamAsAdya pratIkSantO'vatasthirE||8|| |
tAnsamEtyAha bhagavAnakrUraM jagadIzvaraH| gRhItvA pANinA pANiM prazritaM prahasanniva||9|| |
bhavAnpravizatAmagrE sahayAnaH purIM gRham| vayaM tvihAvamucyAtha tatO drakSyAmahE purIm||10|| |
zrIakrUra uvAca
nAhaM bhavadbhyAM rahitaH pravEkSyE mathurAM prabhO| tyaktuM nArhasi mAM nAtha bhaktaM tE bhaktavatsala||11|| |
Agaccha yAma gEhAnnaH sanAthAnkurvadhOkSaja| sahAgrajaH sagOpAlaiH suhRdbhizca suhRttama||12|| |
punIhi pAdarajasA gRhAnnO gRhamEdhinAm| yacchaucEnAnutRpyanti pitaraH sAgnayaH surAH||13|| |
avanijyAGghriyugalamAsItzlOkyO balirmahAn| aizvaryamatulaM lEbhE gatiM caikAntinAM tu yA||14|| |
ApastE'GghryavanEjanyastrIMllOkAnzucayO'punan| zirasAdhatta yAH zarvaH svaryAtAH sagarAtmajAH||15|| |
dEvadEva jagannAtha puNyazravaNakIrtana| yadUttamOttamaHzlOka nArAyaNa namO'stu tE||16|| |
zrIbhagavanuvAca
AyAsyE bhavatO gEhamahamaryasamanvitaH| yaducakradruhaM hatvA vitariSyE suhRtpriyam||17|| |
zrIzuka uvAca
EvamuktO bhagavatA sO'krUrO vimanA iva| purIM praviSTaH kaMsAya karmAvEdya gRhaM yayau||18|| |
athAparAhnE bhagavAnkRSNaH saGkarSaNAnvitaH| mathurAM prAvizadgOpairdidRkSuH parivAritaH||19|| |
dadarza tAM sphATikatuNgagOpura dvArAM bRhaddhEmakapATatOraNAm| tAmrArakOSThAM parikhAdurAsadAmudyAnaramyOpavanOpazObhitAm||20|| |
sauvarNazRGgATakaharmyaniSkuTaiH zrENIsabhAbhirbhavanairupaskRtAm| vaidUryavajrAmalanIlavidrumairmuktAharidbhirvalabhISu vEdiSu||21|| |
juSTESu jAlAmukharandhrakuTTimESvAviSTapArAvatabarhinAditAm| saMsiktarathyApaNamArgacatvarAM prakIrNamAlyAGkuralAjataNDulAm||22|| |
ApUrNakumbhairdadhicandanOkSitaiH prasUnadIpAvalibhiH sapallavaiH| savRndarambhAkramukaiH sakEtubhiH svalaGkRtadvAragRhAM sapaTTikaiH||23|| |
tAM sampraviSTau vasudEvanandanau vRtau vayasyairnaradEvavartmanA| draSTuM samIyustvaritAH purastriyO harmyANi caivAruruhurnRpOtsukAH||24|| |
kAzcidviparyagdhRtavastrabhUSaNA vismRtya caikaM yugalESvathAparAH| kRtaikapatrazravanaikanUpurA nAGktvA dvitIyaM tvaparAzca lOcanam||25|| |
aznantya EkAstadapAsya sOtsavA abhyajyamAnA akRtOpamajjanAH| svapantya utthAya nizamya niHsvanaM prapAyayantyO'rbhamapOhya mAtaraH||26|| |
manAMsi tAsAmaravindalOcanaH pragalbhalIlAhasitAvalOkaiH| jahAra mattadviradEndravikramO dRzAM dadacchrIramaNAtmanOtsavam||27|| |
dRSTvA muhuH zrutamanudrutacEtasastaM tatprEkSaNOtsmitasudhOkSaNalabdhamAnAH| AnandamUrtimupaguhya dRzAtmalabdhaM hRSyattvacO jahuranantamarindamAdhim||28|| |
prAsAdazikharArUDhAH prItyutphullamukhAmbujAH| abhyavarSansaumanasyaiH pramadA balakEzavau||29|| |
dadhyakSataiH sOdapAtraiH sraggandhairabhyupAyanaiH| tAvAnarcuH pramuditAstatra tatra dvijAtayaH||30|| |
UcuH paurA ahO gOpyastapaH kimacaranmahat| yA hyEtAvanupazyanti naralOkamahOtsavau||31|| |
rajakaM kaJcidAyAntaM raGgakAraM gadAgrajaH| dRSTvAyAcata vAsAMsi dhautAnyatyuttamAni ca||32|| |
dEhyAvayOH samucitAnyaGga vAsAMsi cArhatOH| bhaviSyati paraM zrEyO dAtustE nAtra saMzayaH||33|| |
sa yAcitO bhagavatA paripUrNEna sarvataH| sAkSEpaM ruSitaH prAha bhRtyO rAjJaH sudurmadaH||34|| |
IdRzAnyEva vAsAMsI nityaM girivanEcaraH| paridhatta kimudvRttA rAjadravyANyabhIpsatha||35|| |
yAtAzu bAlizA maivaM prArthyaM yadi jijIvISA| badhnanti ghnanti lumpanti dRptaM rAjakulAni vai||36|| |
EvaM vikatthamAnasya kupitO dEvakIsutaH| rajakasya karAgrENa ziraH kAyAdapAtayat||37|| |
tasyAnujIvinaH sarvE vAsaHkOzAnvisRjya vai| dudruvuH sarvatO mArgaM vAsAMsi jagRhE'cyutaH||38|| |
vasitvAtmapriyE vastrE kRSNaH saGkarSaNastathA| zESANyAdatta gOpEbhyO visRjya bhuvi kAnicit||39|| |
tatastu vAyakaH prItastayOrvESamakalpayat| vicitravarNaizcailEyairAkalpairanurUpataH||40|| |
nAnAlakSaNavESAbhyAM kRSNarAmau virEjatuH| svalaGkRtau bAlagajau parvaNIva sitEtarau||41|| |
tasya prasannO bhagavAnprAdAtsArUpyamAtmanaH| zriyaM ca paramAM lOkE balaizvaryasmRtIndriyam||42|| |
tataH sudAmnO bhavanaM mAlAkArasya jagmatuH| tau dRSTvA sa samutthAya nanAma zirasA bhuvi||43|| |
tayOrAsanamAnIya pAdyaM cArghyArhaNAdibhiH| pUjAM sAnugayOzcakrE sraktAmbUlAnulEpanaiH||44|| |
prAha naH sArthakaM janma pAvitaM ca kulaM prabhO| pitRdEvarSayO mahyaM tuSTA hyAgamanEna vAm||45|| |
bhavantau kila vizvasya jagataH kAraNaM param| avatIrNAvihAMzEna kSEmAya ca bhavAya ca||46|| |
na hi vAM viSamA dRSTiH suhRdOrjagadAtmanOH| samayOH sarvabhUtESu bhajantaM bhajatOrapi||47|| |
tAvajJApayataM bhRtyaM kimahaM karavANi vAm| puMsO'tyanugrahO hyESa bhavadbhiryanniyujyatE||48|| |
ityabhiprEtya rAjEndra sudAmA prItamAnasaH| zastaiH sugandhaiH kusumairmAlA viracitA dadau||49|| |
tAbhiH svalaGkRtau prItau kRSNarAmau sahAnugau| praNatAya prapannAya dadaturvaradau varAn||50|| |
sO'pi vavrE'calAM bhaktiM tasminnEvAkhilAtmani| tadbhaktESu ca sauhArdaM bhUtESu ca dayAM parAm||51|| |
iti tasmai varaM dattvA zriyaM cAnvayavardhinIm balamAyuryazaH kAntiM nirjagAma sahAgrajaH||52|| |
||iti zrImadbhAgavatE mahApurANE pAramahaMsyAM saMhitAyAM dazamaskandhE pUrvArdhE EkacatvAriMzO'dhyAyaH||
