From StotraSamhita
< Bhagavatam | Skandha 10
dwAviMzO'dhyAyaH
zrIzuka uvAca
hEmantE prathamE mAsi nandavrajakamArikAH| cErurhaviSyaM bhuJjAnAH kAtyAyanyarcanavratam||1|| |
AplutyAmbhasi kAlindyA jalAntE cOditE'ruNE| kRtvA pratikRtiM dEvImAnarcurnRpa saikatIm||2|| |
gandhairmAlyaiH surabhibhirbalibhirdhUpadIpakaiH| uccAvacaizcOpahAraiH pravAlaphalataNDulaiH||3|| |
kAtyAyani mahAmAyE mahAyOginyadhIzvari nandagOpasutaM dEvi patiM mE kuru tE namaH iti mantraM japantyastAH pUjAM cakruH kamArikAH||4|| |
EvaM mAsaM vrataM cEruH kumAryaH kRSNacEtasaH| bhadrakAlIM samAnarcurbhUyAnnandasutaH patiH||5|| |
USasyutthAya gOtraiH svairanyOnyAbaddhabAhavaH| kRSNamuccairjaguryAntyaH kAlindyAM snAtumanvaham||6|| |
nadyAH kadAcidAgatya tIrE nikSipya pUrvavat| vAsAMsi kRSNaM gAyantyO vijahruH salilE mudA||7|| |
bhagavAMstadabhiprEtya kRSnO yOgEzvarEzvaraH| vayasyairAvRtastatra gatastatkarmasiddhayE||8|| |
tAsAM vAsAMsyupAdAya nIpamAruhya satvaraH| hasadbhiH prahasanbAlaiH parihAsamuvAca ha||9|| |
atrAgatyAbalAH kAmaM svaM svaM vAsaH pragRhyatAm| satyaM bravANi nO narma yadyUyaM vratakarzitAH||10|| |
na mayOditapUrvaM vA anRtaM tadimE viduH| EkaikazaH pratIcchadhvaM sahaivEti sumadhyamAH||11|| |
tasya tatkSvElitaM dRSTvA gOpyaH prEmapariplutAH| vrIDitAH prEkSya cAnyOnyaM jAtahAsA na niryayuH||12|| |
EvaM bruvati gOvindE narmaNAkSiptacEtasaH| AkaNThamagnAH zItOdE vEpamAnAstamabruvan||13|| |
mAnayaM bhOH kRthAstvAM tu nandagOpasutaM priyam| jAnImO'Gga vrajazlAghyaM dEhi vAsAMsi vEpitAH||14|| |
zyAmasundara tE dAsyaH karavAma tavOditam| dEhi vAsAMsi dharmajJa nO cEdrAjJE bruvAma hE||15|| |
zrIbhagavAnuvAca
bhavatyO yadi mE dAsyO mayOktaM vA kariSyatha atrAgatya svavAsAMsi pratIcchata zucismitAH nO cEnnAhaM pradAsyE kiM kruddhO rAjA kariSyati||16|| |
tatO jalAzayAtsarvA dArikAH zItavEpitAH| pANibhyAM yOnimAcchAdya prOttEruH zItakarzitAH||17|| |
bhagavAnAhatA vIkSya zuddha bhAvaprasAditaH| skandhE nidhAya vAsAMsi prItaH prOvAca sasmitam||18|| |
yUyaM vivastrA yadapO dhRtavratA vyagAhataitattadu dEvahElanam| baddhvAJjaliM mUrdhnyapanuttayE'MhasaH kRtvA namO'dhOvasanaM pragRhyatAm||19|| |
ityacyutEnAbhihitaM vrajAbalA matvA vivastrAplavanaM vratacyutim| tatpUrtikAmAstadazESakarmaNAM sAkSAtkRtaM nEmuravadyamRgyataH||20|| |
tAstathAvanatA dRSTvA bhagavAndEvakIsutaH| vAsAMsi tAbhyaH prAyacchatkaruNastEna tOSitaH||21|| |
dRDhaM pralabdhAstrapayA ca hApitAH prastObhitAH krIDanavacca kAritAH| vastrANi caivApahRtAnyathApyamuM tA nAbhyasUyanpriyasaGganirvRtAH||22|| |
paridhAya svavAsAMsi prESThasaGgamasajjitAH| gRhItacittA nO cElustasminlajjAyitEkSaNAH||23|| |
tAsAM vijJAya bhagavAnsvapAdasparzakAmyayA| dhRtavratAnAM saGkalpamAha dAmOdarO'balAH||24|| |
saGkalpO viditaH sAdhvyO bhavatInAM madarcanam| mayAnumOditaH sO'sau satyO bhavitumarhati||25|| |
na mayyAvEzitadhiyAM kAmaH kAmAya kalpatE| bharjitA kvathitA dhAnAH prAyO bIjAya nEzatE||26|| |
yAtAbalA vrajaM siddhA mayEmA raMsyathA kSapAH| yaduddizya vratamidaM cErurAryArcanaM satIH||27|| |
zrIzuka uvAca
ityAdiSTA bhagavatA labdhakAmAH kumArikAH| dhyAyantyastatpadAmbhOjamkRcchrAnnirvivizurvrajam||28|| |
atha gOpaiH parivRtO bhagavAndEvakIsutaH| vRndAvanAdgatO dUraM cArayangAH sahAgrajaH||29|| |
nidaghArkAtapE tigmE chAyAbhiH svAbhirAtmanaH| AtapatrAyitAnvIkSya drumAnAha vrajaukasaH||30|| |
hE stOkakRSNa hE aMzO zrIdAmansubalArjuna| vizAla vRSabhaujasvindEvaprastha varUthapa||31|| |
pazyataitAnmahAbhAgAnparArthaikAntajIvitAn| vAtavarSAtapahimAnsahantO vArayanti naH||32|| |
ahO ESAM varaM janma sarva prANyupajIvanam| sujanasyEva yESAM vai vimukhA yAnti nArthinaH||33|| |
patrapuSpaphalacchAyA mUlavalkaladArubhiH| gandhaniryAsabhasmAsthi tOkmaiH kAmAnvitanvatE||34|| |
EtAvajjanmasAphalyaM dEhinAmiha dEhiSu| prANairarthairdhiyA vAcA zrEyaAcaraNaM sadA||35|| |
iti pravAlastabaka phalapuSpadalOtkaraiH| tarUNAM namrazAkhAnAM madhyatO yamunAM gataH||36|| |
tatra gAH pAyayitvApaH sumRSTAH zItalAH zivAH| tatO nRpa svayaM gOpAH kAmaM svAdu papurjalam||37|| |
tasyA upavanE kAmaM cArayantaH pazUnnRpa kRSNarAmAvupAgamya kSudhArtA idamabravan||38|| |
||iti zrImadbhAgavatE mahApurANE pAramahaMsyAM saMhitAyAM dazamaskandhE pUrvArdhE dwAviMzO'dhyAyaH||
