From StotraSamhita
< Bhagavatam | Skandha 10
catuzcatvAriMzO'dhyAyaH
zrIzuka uvAca
EvaM carcitasaGkalpO bhagavAnmadhusUdanaH| AsasAdAtha caNUraM muSTtikaM rOhiNIsutaH||1|| |
hastAbhyAM hastayOrbaddhvA padbhyAmEva ca pAdayOH| vicakarSaturanyOnyaM prasahya vijigISayA||2|| |
aratnI dvE aratnibhyAM jAnubhyAM caiva jAnunI| ziraH zIrSNOrasOrastAvanyOnyamabhijaghnatuH||3|| |
paribhrAmaNavikSEpa parirambhAvapAtanaiH| utsarpaNApasarpaNaizcAnyOnyaM pratyarundhatAm||4|| |
utthApanairunnayanaizcAlanaiH sthApanairapi| parasparaM jigISantAvapacakraturAtmanaH||5|| |
tadbalAbalavadyuddhaM samEtAH sarvayOSitaH| UcuH parasparaM rAjansAnukampA varUthazaH||6|| |
mahAnayaM batAdharma ESAM rAjasabhAsadAm| yE balAbalavadyuddhaM rAjJO'nvicchanti pazyataH||7|| |
kva vajrasArasarvAGgau mallau zailEndrasannibhau| kva cAtisukumArAGgau kizOrau nAptayauvanau||8|| |
dharmavyatikramO hyasya samAjasya dhruvaM bhavEt| yatrAdharmaH samuttiSThEnna sthEyaM tatra karhicit||9|| |
na sabhAM pravizEtprAjJaH sabhyadOSAnanusmaran| abruvanvibruvannajJO naraH kilbiSamaznutE||10|| |
valgataH zatrumabhitaH kRSNasya vadanAmbujam| vIkSyatAM zramavAryuptaM padmakOzamivAmbubhiH||11|| |
kiM na pazyata rAmasya mukhamAtAmralOcanam| muSTikaM prati sAmarSaM hAsasaMrambhazObhitam||12|| |
puNyA bata vrajabhuvO yadayaM nRliGga gUDhaH purANapuruSO vanacitramAlyaH| gAH pAlayansahabalaH kvaNayaMzca vENuM vikrIdayAJcati giritraramArcitAGghriH||13|| |
gOpyastapaH kimacaranyadamuSya rUpaM lAvaNyasAramasamOrdhvamananyasiddham| dRgbhiH pibantyanusavAbhinavaM durApam EkAntadhAma yazasaH zrIya aizvarasya||14|| |
yA dOhanE'vahananE mathanOpalEpa prEGkhEGkhanArbharuditOkSaNamArjanAdau| gAyanti cainamanuraktadhiyO'zrukaNThyO dhanyA vrajastriya urukramacittayAnAH||15|| |
prAtarvrajAdvrajata Avizatazca sAyaM gObhiH samaM kvaNayatO'sya nizamya vENum| nirgamya tUrNamabalAH pathi bhUripuNyAH pazyanti sasmitamukhaM sadayAvalOkam||16|| |
EvaM prabhASamANAsu strISu yOgEzvarO hariH| zatruM hantuM manazcakrE bhagavAnbharatarSabha||17|| |
sabhayAH strIgiraH zrutvA putrasnEhazucAturau| pitarAvanvatapyEtAM putrayOrabudhau balam||18|| |
taistairniyuddhavidhibhirvividhairacyutEtarau| yuyudhAtE yathAnyOnyaM tathaiva balamuSTikau||19|| |
bhagavadgAtraniSpAtairvajranISpESaniSThuraiH| cANUrO bhajyamAnAGgO muhurglAnimavApa ha||20|| |
sa zyEnavEga utpatya muSTIkRtya karAvubhau| bhagavantaM vAsudEvaM kruddhO vakSasyabAdhata||21|| |
nAcalattatprahArENa mAlAhata iva dvipaH| bAhvOrnigRhya cANUraM bahuzO bhrAmayanhariH||22|| |
bhUpRSThE pOthayAmAsa tarasA kSINa jIvitam| visrastAkalpakEzasragindradhvaja ivApatat||23|| |
tathaiva muSTikaH pUrvaM svamuSTyAbhihatEna vai| balabhadrENa balinA talEnAbhihatO bhRzam||24|| |
pravEpitaH sa rudhiramudvamanmukhatO'rditaH| vyasuH papAtOrvyupasthE vAtAhata ivAGghripaH||25|| |
tataH kUTamanuprAptaM rAmaH praharatAM varaH| avadhIllIlayA rAjansAvajJaM vAmamuSTinA||26|| |
tarhyEva hi zalaH kRSNa prapadAhatazIrSakaH| dvidhA vidIrNastOzalaka ubhAvapi nipEtatuH||27|| |
cANUrE muSTikE kUTE zalE tOzalakE hatE| zESAH pradudruvurmallAH sarvE prANaparIpsavaH||28|| |
gOpAnvayasyAnAkRSya taiH saMsRjya vijahratuH| vAdyamAnESu tUryESu valgantau rutanUpurau||29|| |
janAH prajahRSuH sarvE karmaNA rAmakRSNayOH| RtE kaMsaM vipramukhyAH sAdhavaH sAdhu sAdhviti||30|| |
hatESu mallavaryESu vidrutESu ca bhOjarAT| nyavArayatsvatUryANi vAkyaM cEdamuvAca ha||31|| |
niHsArayata durvRttau vasudEvAtmajau purAt| dhanaM harata gOpAnAM nandaM badhnIta durmatim||32|| |
vasudEvastu durmEdhA hanyatAmAzvasattamaH| ugrasEnaH pitA cApi sAnugaH parapakSagaH||33|| |
EvaM vikatthamAnE vai kaMsE prakupitO'vyayaH| laghimnOtpatya tarasA maJcamuttuGgamAruhat||34|| |
tamAvizantamAlOkya mRtyumAtmana AsanAt| manasvI sahasOtthAya jagRhE sO'sicarmaNI||35|| |
taM khaDgapANiM vicarantamAzu zyEnaM yathA dakSiNasavyamambarE| samagrahIddurviSahOgratEjA yathOragaM tArkSyasutaH prasahya||36|| |
pragRhya kEzESu calatkirItaM nipAtya raGgOpari tuGgamaJcAt| tasyOpariSTAtsvayamabjanAbhaH papAta vizvAzraya AtmatantraH||37|| |
taM samparEtaM vicakarSa bhUmau hariryathEbhaM jagatO vipazyataH| hA hEti zabdaH sumahAMstadAbhUdudIritaH sarvajanairnarEndra||38|| |
sa nityadOdvignadhiyA tamIzvaraM pibannadanvA vicaransvapanzvasan| dadarza cakrAyudhamagratO yatastadEva rUpaM duravApamApa||39|| |
tasyAnujA bhrAtarO'STau kaGkanyagrOdhakAdayaH| abhyadhAvannatikruddhA bhrAturnirvEzakAriNaH||40|| |
tathAtirabhasAMstAMstu saMyattAnrOhiNIsutaH| ahanparighamudyamya pazUniva mRgAdhipaH||41|| |
nEdurdundubhayO vyOmni brahmEzAdyA vibhUtayaH| puSpaiH kirantastaM prItAH zazaMsurnanRtuH striyaH||42|| |
tESAM striyO mahArAja suhRnmaraNaduHkhitAH| tatrAbhIyurvinighnantyaH zIrSANyazruvilOcanAH||43|| |
zayAnAnvIrazayAyAM patInAliGgya zOcatIH| vilEpuH susvaraM nAryO visRjantyO muhuH zucaH||44|| |
hA nAtha priya dharmajJa karuNAnAthavatsala| tvayA hatEna nihatA vayaM tE sagRhaprajAH||45|| |
tvayA virahitA patyA purIyaM puruSarSabha| na zObhatE vayamiva nivRttOtsavamaGgalA||46|| |
anAgasAM tvaM bhUtAnAM kRtavAndrOhamulbaNam| tEnEmAM bhO dazAM nItO bhUtadhrukkO labhEta zam||47|| |
sarvESAmiha bhUtAnAmESa hi prabhavApyayaH| gOptA ca tadavadhyAyI na kvacitsukhamEdhatE||48|| |
zrIzuka uvAca
rAjayOSita AzvAsya bhagavAMllOkabhAvanaH| yAmAhurlaukikIM saMsthAM hatAnAM samakArayat||49|| |
mAtaraM pitaraM caiva mOcayitvAtha bandhanAt| kRSNarAmau vavandAtE zirasA spRzya pAdayOH||50|| |
dEvakI vasudEvazca vijJAya jagadIzvarau kRtasaMvandanau putrau sasvajAtE na zaGkitau||51|| |
||iti zrImadbhAgavatE mahApurANE pAramahaMsyAM saMhitAyAM dazamaskandhE pUrvArdhE catuzcatvAriMzO'dhyAyaH||
