Jump to: navigation, search

caturdazO'dhyAyaH

zrIrAjOvAca

manvantarESu bhagavanyathA manvAdayastvimE|
yasminkarmaNi yE yEna niyuktAstadvadasva mE||1||

zrIRSiruvAca

manavO manuputrAzca munayazca mahIpatE|
indrAH suragaNAzcaiva sarvE puruSazAsanAH||2||

yajJAdayO yAH kathitAH pauruSyastanavO nRpa|
manvAdayO jagadyAtrAM nayantyAbhiH pracOditAH||3||

caturyugAntE kAlEna grastAnchrutigaNAnyathA|
tapasA RSayO'pazyanyatO dharmaH sanAtanaH||4||

tatO dharmaM catuSpAdaM manavO hariNOditAH|
yuktAH saJcArayantyaddhA svE svE kAlE mahIM nRpa||5||

pAlayanti prajApAlA yAvadantaM vibhAgazaH|
yajJabhAgabhujO dEvA yE ca tatrAnvitAzca taiH||6||

indrO bhagavatA dattAM trailOkyazriyamUrjitAm|
bhuJjAnaH pAti lOkAMstrInkAmaM lOkE pravarSati||7||

jJAnaM cAnuyugaM brUtE hariH siddhasvarUpadhRk|
RSirUpadharaH karma yOgaM yOgEzarUpadhRk||8||

sargaM prajEzarUpENa dasyUnhanyAtsvarADvapuH|
kAlarUpENa sarvESAmabhAvAya pRthagguNaH||9||

stUyamAnO janairEbhirmAyayA nAmarUpayA|
vimOhitAtmabhirnAnA darzanairna ca dRzyatE||10||

Etatkalpavikalpasya pramANaM parikIrtitam
yatra manvantarANyAhuzcaturdaza purAvidaH||11||

||iti zrImadbhAgavatE mahApurANE pAramahaMsyAM saMhitAyAM aSTamaskandhE caturdazO'dhyAyaH||

See Also