Jump to: navigation, search

saptamO'dhyAyaH

sUta uvAca

atharvavitsumantuzca ziSyamadhyApayatsvakAm|
saMhitAM sO'pi pathyAya vEdadarzAya cOktavAn||1||

zauklAyanirbrahmabalirmOdOSaH pippalAyaniH
vEdadarzasya ziSyAstE pathyaziSyAnathO zRNu
kumudaH zunakO brahmanjAjalizcApyatharvavit||2||

babhruH ziSyO'thAngirasaH saindhavAyana Eva ca|
adhIyEtAM saMhitE dvE sAvarNAdyAstathAparE||3||

nakSatrakalpaH zAntizca kazyapAGgirasAdayaH|
EtE AtharvaNAcAryAH zRNu paurANikAnmunE||4||

trayyAruNiH kazyapazca sAvarNirakRtavranaH|
vaizampAyanahArItau SaDvai paurANikA imE||5||

adhIyanta vyAsaziSyAtsaMhitAM matpiturmukhAt|
EkaikAmahamEtESAM ziSyaH sarvAH samadhyagAm||6||

kazyapO'haM ca sAvarNI rAmaziSyO'kRtavranaH|
adhImahi vyAsaziSyAccatvArO mUlasaMhitAH||7||

purANalakSaNaM brahmanbrahmarSibhirnirUpitam|
zRNuSva buddhimAzritya vEdazAstrAnusArataH||8||

sargO'syAtha visargazca vRttirakSAntarANi ca|
vaMzO vaMzAnucarItaM saMsthA hEturapAzrayaH||9||

dazabhirlakSaNairyuktaM purANaM tadvidO viduH|
kEcitpaJcavidhaM brahmanmahadalpavyavasthayA||10||

avyAkRtaguNakSObhAnmahatastrivRtO'hamaH|
bhUtasUkSmEndriyArthAnAM sambhavaH sarga ucyatE||11||

puruSAnugRhItAnAmEtESAM vAsanAmayaH|
visargO'yaM samAhArO bIjAdbIjaM carAcaram||12||

vRttirbhUtAni bhUtAnAM carANAmacarANi ca|
kRtA svEna nRNAM tatra kAmAccOdanayApi vA||13||

rakSAcyutAvatArEhA vizvasyAnu yugE yugE|
tiryaGmartyarSidEvESu hanyantE yaistrayIdviSaH||14||

manvantaraM manurdEvA manuputrAH surEzvarAH|
rSayO'MzAvatArAzca harEH SaDvidhamucyatE||15||

rAjJAM brahmaprasUtAnAM vaMzastraikAlikO'nvayaH|
vaMzAnucaritaM tESAmvRttaM vaMzadharAsca yE||16||

naimittikaH prAkRtikO nitya AtyantikO layaH|
saMsthEti kavibhiH prOktazcaturdhAsya svabhAvataH||17||

hEturjIvO'sya sargAdEravidyAkarmakArakaH|
yaM cAnuzAyinaM prAhuravyAkRtamutAparE||18||

vyatirEkAnvayO yasya jAgratsvapnasuSuptiSu|
mAyAmayESu tadbrahma jIvavRttiSvapAzrayaH||19||

padArthESu yathA dravyaM sanmAtraM rUpanAmasu|
bIjAdipaJcatAntAsu hyavasthAsu yutAyutam||20||

viramEta yadA cittaM hitvA vRttitrayaM svayam|
yOgErla vA tadAtmAnaM vEdEhAyA nivartatE||21||

EvaM lakSaNalakSyANi purANAni purAvidaH|
munayO'STAdaza prAhuH kSullakAni mahAnti ca||22||

brAhmaM pAdmaM vaiSNavaM ca zaivaM laiGgaM sagAruDaM|
nAradIyaM bhAgavatamAgnEyaM skAndasaMjJitam||23||

bhaviSyaM brahmavaivartaM mArkaNDEyaM savAmanam|
vArAhaM mAtsyaM kaurmaM ca brahmANDAkhyamiti triSaT||24||

brahmannidaM samAkhyAtaM zAkhApraNayanaM munEH
ziSyaziSyapraziSyANAM brahmatEjOvivardhanam||25||

||iti zrImadbhAgavatE mahApurANE pAramahaMsyAM saMhitAyAM dwAdazaskandhE saptamO'dhyAyaH||

See Also