From StotraSamhita

dwAdazO'dhyAyaH

zrIzuka uvAca

kvacidvanAzAya manO dadhadvrajAtprAtaH samutthAya vayasyavatsapAn| prabOdhayaJchRGgaravENa cAruNA vinirgatO vatsapuraHsarO hariH||1||

tEnaiva sAkaM pRthukAH sahasrazaH snigdhAH suzigvEtraviSANavENavaH| svAnsvAnsahasrOparisaGkhyayAnvitAnvatsAnpuraskRtya viniryayurmudA||2||

kRSNavatsairasaGkhyAtairyUthIkRtya svavatsakAn| cArayantO'rbhalIlAbhirvijahrustatra tatra ha||3||

phalaprabAlastavaka sumanaHpicchadhAtubhiH| kAcaguJjAmaNisvarNa bhUSitA apyabhUSayan||4||

muSNantO'nyOnyazikyAdInjJAtAnArAcca cikSipuH| tatratyAzca punardUrAddhasantazca punardaduH||5||

yadi dUraM gataH kRSNO vanazObhEkSaNAya tam| ahaM pUrvamahaM pUrvamiti saMspRzya rEmirE||6||

kEcidvENUnvAdayantO dhmAntaH zRGgANi kEcana| kEcidbhRGgaiH pragAyantaH kUjantaH kOkilaiH parE||7||

vicchAyAbhiH pradhAvantO gacchantaH sAdhuhaMsakaiH| bakairupavizantazca nRtyantazca kalApibhiH||8||

vikarSantaH kIzabAlAnArOhantazca tairdrumAn| vikurvantazca taiH sAkaM plavantazca palAziSu||9||

sAkaM bhEkairvilaGghantaH saritaH sravasamplutAH| vihasantaH praticchAyAH zapantazca pratisvanAn||10||

itthaM satAM brahmasukhAnubhUtyA dAsyaM gatAnAM paradaivatEna| mAyAzritAnAM naradArakENa sAkaM vijahruH kRtapuNyapuJjAH||11||

yatpAdapAMsurbahujanmakRcchratO dhRtAtmabhiryOgibhirapyalabhyaH| sa Eva yaddRgviSayaH svayaM sthitaH kiM varNyatE diSTamatO vrajaukasAm||12||

athAghanAmAbhyapatanmahAsurastESAM sukhakrIDanavIkSaNAkSamaH| nityaM yadantarnijajIvitEpsubhiH pItAmRtairapyamaraiH pratIkSyatE||13||

dRSTvArbhakAnkRSNamukhAnaghAsuraH kaMsAnuziSTaH sa bakIbakAnujaH| ayaM tu mE sOdaranAzakRttayOr dvayOrmamainaM sabalaM haniSyE||14||

EtE yadA matsuhRdOstilApaH kRtAstadA naSTasamA vrajaukasaH| prANE gatE varSmasu kA nu cintA prajAsavaH prANabhRtO hi yE tE||15||

iti vyavasyAjagaraM bRhadvapuH sa yOjanAyAmamahAdripIvaram| dhRtvAdbhutaM vyAttaguhAnanaM tadA pathi vyazEta grasanAzayA khalaH||16||

dharAdharOSThO jaladOttarOSThO daryAnanAntO girizRGgadaMSTraH| dhvAntAntarAsyO vitatAdhvajihvaH paruSAnilazvAsadavEkSaNOSNaH||17||

dRSTvA taM tAdRzaM sarvE matvA vRndAvanazriyam| vyAttAjagaratuNDEna hyutprEkSantE sma lIlayA||18||

ahO mitrANi gadata sattvakUTaM puraH sthitam| asmatsaGgrasanavyAtta vyAlatuNDAyatE na vA||19||

satyamarkakarAraktamuttarAhanuvadghanam| adharAhanuvadrOdhastatpraticchAyayAruNam||20||

pratispardhEtE sRkkabhyAM savyAsavyE nagOdarE| tuGgazRGgAlayO'pyEtAstaddaMSTrAbhizca pazyata||21||

AstRtAyAmamArgO'yaM rasanAM pratigarjati| ESAm antargataM dhvAntamEtadapyantarAnanam||22||

dAvOSNakharavAtO'yaM zvAsavadbhAti pazyata| taddagdhasattvadurgandhO'pyantarAmiSagandhavat||23||

asmAnkimatra grasitA niviSTAnayaM tathA cEdbakavadvinaGkSyati| kSaNAdanEnEti bakAryuzanmukhaM vIkSyOddhasantaH karatADanairyayuH||24||

itthaM mithO'tathyamatajjJabhASitaM zrutvA vicintyEtyamRSA mRSAyatE| rakSO viditvAkhilabhUtahRtsthitaH svAnAM nirOddhuM bhagavAnmanO dadhE||25||

tAvatpraviSTAstvasurOdarAntaraM paraM na gIrNAH zizavaH savatsAH| pratIkSamANEna bakArivEzanaM hatasvakAntasmaraNEna rakSasA||26||

tAnvIkSya kRSNaH sakalAbhayapradO hyananyanAthAnsvakarAdavacyutAn| dInAMzca mRtyOrjaTharAgnighAsAn ghRNArditO diSTakRtEna vismitaH||27||

kRtyaM kimatrAsya khalasya jIvanaM na vA amISAM ca satAM vihiMsanam| dvayaM kathaM syAditi saMvicintya jJAtvAvizattuNDamazESadRgghariH||28||

tadA ghanacchadA dEvA bhayAddhAhEti cukruzuH| jahRSuryE ca kaMsAdyAH kauNapAstvaghabAndhavAH||29||

tacchrutvA bhagavAnkRSNastvavyayaH sArbhavatsakam| cUrNIcikIrSOrAtmAnaM tarasA vavRdhE galE||30||

tatO'tikAyasya niruddhamArgiNO hyudgIrNadRSTErbhramatastvitastataH| pUrNO'ntaraGgE pavanO niruddhO mUrdhanvinirbhidya vinirgatO bahiH||31||

tEnaiva sarvESu bahirgatESu prANESu vatsAnsuhRdaH parEtAn| dRSTyA svayOtthApya tadanvitaH punarvaktrAnmukundO bhagavAnviniryayau||32||

pInAhibhOgOtthitamadbhutaM mahajjyOtiH svadhAmnA jvalayaddizO daza| pratIkSya khE'vasthitamIzanirgamaM vivEza tasminmiSatAM divaukasAm||33||

tatO'tihRSTAH svakRtO'kRtArhaNaM puSpaiH sugA apsarasazca nartanaiH| gItaiH surA vAdyadharAzca vAdyakaiH stavaizca viprA jayaniHsvanairgaNAH||34||

tadadbhutastOtrasuvAdyagItikA jayAdinaikOtsavamaGgalasvanAn| zrutvA svadhAmnO'ntyaja AgatO'cirAddRSTvA mahIzasya jagAma vismayam||35||

rAjannAjagaraM carma zuSkaM vRndAvanE'dbhutam| vrajaukasAM bahutithaM babhUvAkrIDagahvaram||36||

EtatkaumArajaM karma harErAtmAhimOkSaNam| mRtyOH paugaNDakE bAlA dRSTvOcurvismitA vrajE||37||

naitadvicitraM manujArbhamAyinaH parAvarANAM paramasya vEdhasaH| aghO'pi yatsparzanadhautapAtakaH prApAtmasAmyaM tvasatAM sudurlabham||38||

sakRdyadaGgapratimAntarAhitA manOmayI bhAgavatIM dadau gatim| sa Eva nityAtmasukhAnubhUtyabhi vyudastamAyO'ntargatO hi kiM punaH||39||

zrIsUta uvAca

itthaM dvijA yAdavadEvadattaH zrutvA svarAtuzcaritaM vicitram| papraccha bhUyO'pi tadEva puNyaM vaiyAsakiM yannigRhItacEtAH||40||

zrIrAjOvAca

brahmankAlAntarakRtaM tatkAlInaM kathaM bhavEt| yatkaumArE harikRtaM jaguH paugaNDakE'rbhakAH||41||

tadbrUhi mE mahAyOginparaM kautUhalaM gurO| nUnamEtaddharErEva mAyA bhavati nAnyathA||42||

vayaM dhanyatamA lOkE gurO'pi kSatrabandhavaH| vayaM pibAmO muhustvattaH puNyaM kRSNakathAmRtam||43||

zrIsUta uvAca

itthaM sma pRSTaH sa tu bAdarAyaNis tatsmAritAnantahRtAkhilEndriyaH kRcchrAtpunarlabdhabahirdRziH zanaiH pratyAha taM bhAgavatOttamOttama||44||

||iti zrImadbhAgavatE mahApurANE pAramahaMsyAM saMhitAyAM dazamaskandhE pUrvArdhE dwAdazO'dhyAyaH||

See Also

• http://vedabase.net/sb/10/12/en