From StotraSamhita

SaDviMzO'dhyAyaH

zrIbhagavAnuvAca

mallakSaNamimaM kAyaM labdhvA maddharma AsthitaH| AnandaM paramAtmAnamAtmasthaM samupaiti mAm||1||

guNamayyA jIvayOnyA vimuktO jJAnaniSThayA guNESu mAyAmAtrESu dRzyamAnESvavastutaH vartamAnO'pi na pumAnyujyatE'vastubhirguNaiH||2||

saGgaM na kuryAdasatAM ziznOdaratRpAM kvacit| tasyAnugastamasyandhE patatyandhAnugAndhavat||3||

ailaH samrADimAM gAthAmagAyata bRhacchravAH| urvazIvirahAnmuhyannirviNNaH zOkasaMyamE||4||

tyaktvAtmAnaM vrayantIM tAM nagna unmattavannRpaH| vilapannanvagAjjAyE ghOrE tiSThEti viklavaH||5||

kAmAnatRptO'nujuSankSullakAnvarSayAminIH| na vEda yAntIrnAyAntIrurvazyAkRSTacEtanaH||6||

aila uvAca

ahO mE mOhavistAraH kAmakazmalacEtasaH| dEvyA gRhItakaNThasya nAyuHkhaNDA imE smRtAH||7||

nAhaM vEdAbhinirmuktaH sUryO vAbhyuditO'muyA| mUSitO varSapUgAnAM batAhAni gatAnyuta||8||

ahO mE AtmasammOhO yEnAtmA yOSitAM kRtaH| krIDAmRgazcakravartI naradEvazikhAmaNiH||9||

saparicchadamAtmAnaM hitvA tRNamivEzvaram| yAntIM striyaM cAnvagamaM nagna unmattavadrudan||10||

kutastasyAnubhAvaH syAttEja IzatvamEva vA| yO'nvagacchaM striyaM yAntIM kharavatpAdatADitaH||11||

kiM vidyayA kiM tapasA kiM tyAgEna zrutEna vA| kiM viviktEna maunEna strIbhiryasya manO hRtam||12||

svArthasyAkOvidaM dhiGmAM mUrkhaM paNDitamAninam| yO'hamIzvaratAM prApya strIbhirgOkharavajjitaH||13||

sEvatO varSapUgAnmE urvazyA adharAsavam| na tRpyatyAtmabhUH kAmO vahnirAhutibhiryathA||14||

puMzcalyApahRtaM cittaM kO nvanyO mOcituM prabhuH| AtmArAmEzvaramRtE bhagavantamadhOkSajam||15||

bOdhitasyApi dEvyA mE sUktavAkyEna durmatEH| manOgatO mahAmOhO nApayAtyajitAtmanaH||16||

kimEtayA nO'pakRtaM rajjvA vA sarpacEtasaH| draSTuH svarUpAviduSO yO'haM yadajitEndriyaH||17||

kvAyaM malImasaH kAyO daurgandhyAdyAtmakO'zuciH| kva guNAH saumanasyAdyA hyadhyAsO'vidyayA kRtaH||18||

pitrOH kiM svaM nu bhAryAyAH svAminO'gnEH zvagRdhrayOH| kimAtmanaH kiM suhRdAmiti yO nAvasIyatE||19||

tasminkalEvarE'mEdhyE tucchaniSThE viSajjatE| ahO subhadraM sunasaM susmitaM ca mukhaM striyaH||20||

tvaGmAMsarudhirasnAyu mEdOmajjAsthisaMhatau| viNmUtrapUyE ramatAM kRmINAM kiyadantaram||21||

athApi nOpasajjEta strISu straiNESu cArthavit| viSayEndriyasaMyOgAnmanaH kSubhyati nAnyathA||22||

adRSTAdazrutAdbhAvAnna bhAva upajAyatE| asamprayuJjataH prANAnzAmyati stimitaM manaH||23||

tasmAtsaGgO na kartavyaH strISu straiNESu cEndriyaiH| viduSAM cApyavisrabdhaH SaDvargaH kimu mAdRzAm||24||

zrIbhagavAnuvAca

EvaM pragAyannRpadEvadEvaH sa urvazIlOkamathO vihAya| AtmAnamAtmanyavagamya mAM vai upAramajjJAanavidhUtamOhaH||25||

tatO duHsaGgamutsRjya satsu sajjEta buddhimAn| santa EvAsya chindanti manOvyAsaGgamuktibhiH||26||

santO'napEkSA maccittAH prazAntAH samadarzinaH| nirmamA nirahaGkArA nirdvandvA niSparigrahAH||27||

tESu nityaM mahAbhAga mahAbhAgESu matkathAH| sambhavanti hi tA nRRNAM juSatAM prapunantyagham||28||

tA yE zRNvanti gAyanti hyanumOdanti cAdRtAH| matparAH zraddadhAnAzca bhaktiM vindanti tE mayi||29||

bhaktiM labdhavataH sAdhOH kimanyadavaziSyatE| mayyanantaguNE brahmaNyAnandAnubhavAtmani||30||

yathOpazrayamANasya bhagavantaM vibhAvasum| zItaM bhayaM tamO'pyEti sAdhUnsaMsEvatastathA||31||

nimajjyOnmajjatAM ghOrE bhavAbdhau paramAyaNam| santO brahmavidaH zAntA naurdRDhEvApsu majjatAm||32||

annaM hi prANinAM prANa ArtAnAM zaraNaM tvaham| dharmO vittaM nRNAM prEtya santO'rvAgbibhyatO'raNam||33||

santO dizanti cakSUMsi bahirarkaH samutthitaH| dEvatA bAndhavAH santaH santa AtmAhamEva ca||34||

vaitasEnastatO'pyEvamurvazyA lOkaniSpRhaH muktasaGgO mahImEtAmAtmArAmazcacAra ha||35||

||iti zrImadbhAgavatE mahApurANE pAramahaMsyAM saMhitAyAM EkAdazaskandhE SaDviMzO'dhyAyaH||

See Also

• http://vedabase.net/sb/11/26/en