From StotraSamhita
< Bhagavatam | Skandha 09
trayOviMzO'dhyAyaH
zrIzuka uvAca
anOH sabhAnarazcakSuH parESNuzca trayaH sutAH| sabhAnarAtkAlanaraH sRJjayastatsutastataH||1|| |
janamEjayastasya putrO mahAzAlO mahAmanAH| uzInarastitikSuzca mahAmanasa Atmajau||2|| |
zibirvaraH kRmirdakSazcatvArOzInarAtmajAH| vRSAdarbhaH sudhIrazca madraH kEkaya AtmavAn||3|| |
zibEzcatvAra EvAsaMstitikSOzca ruSadrathaH| tatO hOmO'tha sutapA baliH sutapasO'bhavat||4|| |
aGgavaGgakaliGgAdyAH suhmapuNDrauDrasaMjJitAH| jajJirE dIrghatamasO balEH kSEtrE mahIkSitaH||5|| |
cakruH svanAmnA viSayAnSaDimAnprAcyakAMzca tE| khalapAnO'GgatO jajJE tasmAddivirathastataH||6|| |
sutO dharmarathO yasya jajJE citrarathO'prajAH| rOmapAda iti khyAtastasmai dazarathaH sakhA||7|| |
zAntAM svakanyAM prAyacchadRSyazRGga uvAha yAm| dEvE'varSati yaM rAmA AninyurhariNIsutam||8|| |
nATyasaGgItavAditrairvibhramAliGganArhaNaiH| sa tu rAjJO'napatyasya nirUpyESTiM marutvatE||9|| |
prajAmadAddazarathO yEna lEbhE'prajAH prajAH| caturaGgO rOmapAdAtpRthulAkSastu tatsutaH||10|| |
bRhadrathO bRhatkarmA bRhadbhAnuzca tatsutAH| AdyAdbRhanmanAstasmAjjayadratha udAhRtaH||11|| |
vijayastasya sambhUtyAM tatO dhRtirajAyata| tatO dhRtavratastasya satkarmAdhirathastataH||12|| |
yO'sau gaGgAtaTE krIDanmaJjUSAntargataM zizum| kuntyApaviddhaM kAnInamanapatyO'karOtsutam||13|| |
vRSasEnaH sutastasya karNasya jagatIpatE| druhyOzca tanayO babhruH sEtustasyAtmajastataH||14|| |
Arabdhastasya gAndhArastasya dharmastatO dhRtaH| dhRtasya durmadastasmAtpracEtAH prAcEtasaH zatam||15|| |
mlEcchAdhipatayO'bhUvannudIcIM dizamAzritAH| turvasOzca sutO vahnirvahnErbhargO'tha bhAnumAn||16|| |
tribhAnustatsutO'syApi karandhama udAradhIH| marutastatsutO'putraH putraM pauravamanvabhUt||17|| |
duSmantaH sa punarbhEjE svavaMzaM rAjyakAmukaH| yayAtErjyESThaputrasya yadOrvaMzaM nararSabha||18|| |
varNayAmi mahApuNyaM sarvapApaharaM nRNAm| yadOrvaMzaM naraH zrutvA sarvapApaiH pramucyatE||19|| |
yatrAvatIrNO bhagavAnparamAtmA narAkRtiH| yadOH sahasrajitkrOSTA nalO ripuriti zrutAH||20|| |
catvAraH sUnavastatra zatajitprathamAtmajaH| mahAhayO rENuhayO haihayazcEti tatsutAH||21|| |
dharmastu haihayasutO nEtraH kuntEH pitA tataH| sOhaJjirabhavatkuntErmahiSmAnbhadrasEnakaH||22|| |
durmadO bhadrasEnasya dhanakaH kRtavIryasUH| kRtAgniH kRtavarmA ca kRtaujA dhanakAtmajAH||23|| |
arjunaH kRtavIryasya saptadvIpEzvarO'bhavat| dattAtrEyAddharEraMzAtprAptayOgamahAguNaH||24|| |
na nUnaM kArtavIryasya gatiM yAsyanti pArthivAH| yajJadAnatapOyOgaiH zrutavIryadayAdibhiH||25|| |
paJcAzIti sahasrANi hyavyAhatabalaH samAH| anaSTavittasmaraNO bubhujE'kSayyaSaDvasu||26|| |
tasya putrasahasrESu paJcaivOrvaritA mRdhE| jayadhvajaH zUrasEnO vRSabhO madhurUrjitaH||27|| |
jayadhvajAttAlajaGghastasya putrazataM tvabhUt| kSatraM yattAlajaGghAkhyamaurvatEjOpasaMhRtam||28|| |
tESAM jyESThO vItihOtrO vRSNiH putrO madhOH smRtaH| tasya putrazataM tvAsIdvRSNijyESThaM yataH kulam||29|| |
mAdhavA vRSNayO rAjanyAdavAzcEti saMjJitAH| yaduputrasya ca krOSTOH putrO vRjinavAMstataH||30|| |
svAhitO'tO viSadgurvai tasya citrarathastataH| zazabindurmahAyOgI mahAbhAgO mahAnabhUt||31|| |
caturdazamahAratnazcakravartyaparAjitaH| tasya patnIsahasrANAM dazAnAM sumahAyazAH||32|| |
dazalakSasahasrANi putrANAM tAsvajIjanat| tESAM tu SaTpradhAnAnAM pRthuzravasa AtmajaH||33|| |
dharmO nAmOzanA tasya hayamEdhazatasya yAT| tatsutO rucakastasya paJcAsannAtmajAH zRNu||34|| |
purujidrukmarukmESu pRthujyAmaghasaMjJitAH| jyAmaghastvaprajO'pyanyAM bhAryAM zaibyApatirbhayAt||35|| |
nAvindacchatrubhavanAdbhOjyAM kanyAmahAraSIt| rathasthAM tAM nirIkSyAha zaibyA patimamarSitA||36|| |
kEyaM kuhaka matsthAnaM rathamArOpitEti vai| snuSA tavEtyabhihitE smayantI patimabravIt||37|| |
ahaM bandhyAsapatnI ca snuSA mE yujyatE katham| janayiSyasi yaM rAjJi tasyEyamupayujyatE||38|| |
anvamOdanta tadvizvE dEvAH pitara Eva ca zaibyA garbhamadhAtkAlE kumAraM suSuvE zubham sa vidarbha iti prOkta upayEmE snuSAM satIm||39|| |
||iti zrImadbhAgavatE mahApurANE pAramahaMsyAM saMhitAyAM navamaskandhE trayOviMzO'dhyAyaH||
