From StotraSamhita
< Bhagavatam | Skandha 04
EkAdazO'dhyAyaH
maitrEya uvAca
nizamya gadatAmEvamRSINAM dhanuSi dhruvaH| sandadhE'stramupaspRzya yannArAyaNanirmitam||1|| |
sandhIyamAna EtasminmAyA guhyakanirmitAH| kSipraM vinEzurvidura klEzA jJAnOdayE yathA||2|| |
tasyArSAstraM dhanuSi prayuJjataH suvarNapuGkhAH kalahaMsavAsasaH| viniHsRtA AvivizurdviSadbalaM yathA vanaM bhImaravAH zikhaNDinaH||3|| |
taistigmadhAraiH pradhanE zilImukhairitastataH puNyajanA upadrutAH| tamabhyadhAvankupitA udAyudhAH suparNamunnaddhaphaNA ivAhayaH||4|| |
sa tAnpRSatkairabhidhAvatO mRdhE nikRttabAhUruzirOdharOdarAn| ninAya lOkaM paramarkamaNDalaM vrajanti nirbhidya yamUrdhvarEtasaH||5|| |
tAnhanyamAnAnabhivIkSya guhyakAnanAgasazcitrarathEna bhUrizaH| auttAnapAdiM kRpayA pitAmahO manurjagAdOpagataH saharSibhiH||6|| |
manuruvAca
alaM vatsAtirOSENa tamOdvArENa pApmanA| yEna puNyajanAnEtAnavadhIstvamanAgasaH||7|| |
nAsmatkulOcitaM tAta karmaitatsadvigarhitam| vadhO yadupadEvAnAmArabdhastE'kRtainasAm||8|| |
nanvEkasyAparAdhEna prasaGgAdbahavO hatAH| bhrAturvadhAbhitaptEna tvayAGga bhrAtRvatsala||9|| |
nAyaM mArgO hi sAdhUnAM hRSIkEzAnuvartinAm| yadAtmAnaM parAggRhya pazuvadbhUtavaizasam||10|| |
sarvabhUtAtmabhAvEna bhUtAvAsaM hariM bhavAn| ArAdhyApa durArAdhyaM viSNOstatparamaM padam||11|| |
sa tvaM harEranudhyAtastatpuMsAmapi sammataH| kathaM tvavadyaM kRtavAnanuzikSansatAM vratam||12|| |
titikSayA karuNayA maitryA cAkhilajantuSu| samatvEna ca sarvAtmA bhagavAnsamprasIdati||13|| |
samprasannE bhagavati puruSaH prAkRtairguNaiH| vimuktO jIvanirmuktO brahma nirvANamRcchati||14|| |
bhUtaiH paJcabhirArabdhairyOSitpuruSa Eva hi| tayOrvyavAyAtsambhUtiryOSitpuruSayOriha||15|| |
EvaM pravartatE sargaH sthitiH saMyama Eva ca| guNavyatikarAdrAjanmAyayA paramAtmanaH||16|| |
nimittamAtraM tatrAsInnirguNaH puruSarSabhaH| vyaktAvyaktamidaM vizvaM yatra bhramati lOhavat||17|| |
sa khalvidaM bhagavAnkAlazaktyA guNapravAhENa vibhaktavIryaH| karOtyakartaiva nihantyahantA cESTA vibhUmnaH khalu durvibhAvyA||18|| |
sO'nantO'ntakaraH kAlO'nAdirAdikRdavyayaH| janaM janEna janayanmArayanmRtyunAntakam||19|| |
na vai svapakSO'sya vipakSa Eva vA parasya mRtyOrvizataH samaM prajAH| taM dhAvamAnamanudhAvantyanIzA yathA rajAMsyanilaM bhUtasaGghAH||20|| |
AyuSO'pacayaM jantOstathaivOpacayaM vibhuH| ubhAbhyAM rahitaH svasthO duHsthasya vidadhAtyasau||21|| |
kEcitkarma vadantyEnaM svabhAvamaparE nRpa| EkE kAlaM parE daivaM puMsaH kAmamutAparE||22|| |
avyaktasyApramEyasya nAnAzaktyudayasya ca| na vai cikIrSitaM tAta kO vEdAtha svasambhavam||23|| |
na caitE putraka bhrAturhantArO dhanadAnugAH| visargAdAnayOstAta puMsO daivaM hi kAraNam||24|| |
sa Eva vizvaM sRjati sa EvAvati hanti ca| athApi hyanahaGkArAnnAjyatE guNakarmabhiH||25|| |
ESa bhUtAni bhUtAtmA bhUtEzO bhUtabhAvanaH| svazaktyA mAyayA yuktaH sRjatyatti ca pAti ca||26|| |
tamEva mRtyumamRtaM tAta daivaM sarvAtmanOpEhi jagatparAyaNam| yasmai baliM vizvasRjO haranti gAvO yathA vai nasi dAmayantritAH||27|| |
yaH paJcavarSO jananIM tvaM vihAya mAtuH sapatnyA vacasA bhinnamarmA| vanaM gatastapasA pratyagakSamArAdhya lEbhE mUrdhni padaM trilOkyAH||28|| |
tamEnamaGgAtmani muktavigrahE vyapAzritaM nirguNamEkamakSaram| AtmAnamanviccha vimuktamAtmadRgyasminnidaM bhEdamasatpratIyatE||29|| |
tvaM pratyagAtmani tadA bhagavatyananta AnandamAtra upapannasamastazaktau| bhaktiM vidhAya paramAM zanakairavidyA granthiM vibhEtsyasi mamAhamiti prarUDham||30|| |
saMyaccha rOSaM bhadraM tE pratIpaM zrEyasAM param| zrutEna bhUyasA rAjannagadEna yathAmayam||31|| |
yEnOpasRSTAtpuruSAllOka udvijatE bhRzam| na budhastadvazaM gacchEdicchannabhayamAtmanaH||32|| |
hElanaM girizabhrAturdhanadasya tvayA kRtam| yajjaghnivAnpuNyajanAnbhrAtRghnAnityamarSitaH||33|| |
taM prasAdaya vatsAzu sannatyA prazrayOktibhiH| na yAvanmahatAM tEjaH kulaM nO'bhibhaviSyati||34|| |
EvaM svAyambhuvaH pautramanuzAsya manurdhruvam tEnAbhivanditaH sAkamRSibhiH svapuraM yayau||35|| |
||iti zrImadbhAgavatE mahApurANE pAramahaMsyAM saMhitAyAM caturthaskandhE EkAdazO'dhyAyaH||
