Jump to: navigation, search

saptaSaSTitamO'dhyAyaH

zrIrAjOvAca

bhuyO'haM zrOtumicchAmi rAmasyAdbhutakarmaNaH|
anantasyApramEyasya yadanyatkRtavAnprabhuH||1||

zrIzuka uvAca

narakasya sakhA kazciddvividO nAma vAnaraH|
sugrIvasacivaH sO'tha bhrAtA maindasya vIryavAn||2||

sakhyuH sO'pacitiM kurvanvAnarO rASTraviplavam|
puragrAmAkarAnghOSAnadahadvahnimutsRjan||3||

kvacitsa zailAnutpATya tairdEzAnsamacUrNayat|
AnartAnsutarAmEva yatrAstE mitrahA hariH||4||

kvacitsamudramadhyasthO dOrbhyAmutkSipya tajjalam|
dEzAnnAgAyutaprANO vElAkUlE nyamajjayat||5||

AzramAnRSimukhyAnAM kRtvA bhagnavanaspatIn|
adUSayacchakRnmUtrairagnInvaitAnikAnkhalaH||6||

puruSAnyOSitO dRptaH kSmAbhRddrOnIguhAsu saH|
nikSipya cApyadhAcchailaiH pEzaSkArIva kITakam||7||

EvaM dEzAnviprakurvandUSayaMzca kulastriyaH|
zrutvA sulalitaM gItaM giriM raivatakaM yayau||8||

tatrApazyadyadupatiM rAmaM puSkaramAlinam|
sudarzanIyasarvAGgaM lalanAyUthamadhyagam||9||

gAyantaM vAruNIM pItvA madavihvalalOcanam|
vibhrAjamAnaM vapuSA prabhinnamiva vAraNam||10||

duSTaH zAkhAmRgaH zAkhAmArUDhaH kampayandrumAn|
cakrE kilakilAzabdamAtmAnaM sampradarzayan||11||

tasya dhArSTyaM kapErvIkSya taruNyO jAticApalAH|
hAsyapriyA vijahasurbaladEvaparigrahAH||12||

tA hElayAmAsa kapirbhrUkSEpairsammukhAdibhiH|
darzayansvagudaM tAsAM rAmasya ca nirIkSitaH||13||

taM grAvNA prAharatkruddhO balaH praharatAM varaH|
sa vaJcayitvA grAvANaM madirAkalazaM kapiH||14||

gRhItvA hElayAmAsa dhUrtastaM kOpayanhasan
nirbhidya kalazaM duSTO vAsAMsyAsphAlayadbalam
kadarthIkRtya balavAnvipracakrE madOddhataH||15||

taM tasyAvinayaM dRSTvA dEzAMzca tadupadrutAn|
kruddhO muSalamAdatta halaM cArijighAMsayA||16||

dvividO'pi mahAvIryaH zAlamudyamya pANinA|
abhyEtya tarasA tEna balaM mUrdhanyatADayat||17||

taM tu saGkarSaNO mUrdhni patantamacalO yathA|
pratijagrAha balavAnsunandEnAhanacca tam||18||

mUSalAhatamastiSkO virEjE raktadhArayA|
giriryathA gairikayA prahAraM nAnucintayan||19||

punaranyaM samutkSipya kRtvA niSpatramOjasA|
tEnAhanatsusaGkruddhastaM balaH zatadhAcchinat||20||

tatO'nyEna ruSA jaghnE taM cApi zatadhAcchinat||21||

EvaM yudhyanbhagavatA bhagnE bhagnE punaH punaH|
AkRSya sarvatO vRkSAnnirvRkSamakarOdvanam||22||

tatO'muJcacchilAvarSaM balasyOparyamarSitaH|
tatsarvaM cUrNayAM Asa lIlayA muSalAyudhaH||23||

sa bAhU tAlasaGkAzau muSTIkRtya kapIzvaraH|
AsAdya rOhiNIputraM tAbhyAM vakSasyarUrujat||24||

yAdavEndrO'pi taM dOrbhyAM tyaktvA muSalalAGgalE|
jatrAvabhyardayatkruddhaH sO'patadrudhiraM vaman||25||

cakampE tEna patatA saTaGkaH savanaspatiH|
parvataH kuruzArdUla vAyunA naurivAmbhasi||26||

jayazabdO namaHzabdaH sAdhu sAdhviti cAmbarE|
surasiddhamunIndrANAmAsItkusumavarSiNAm||27||

EvaM nihatya dvividaM jagadvyatikarAvaham
saMstUyamAnO bhagavAnjanaiH svapuramAvizat||28||

||iti zrImadbhAgavatE mahApurANE pAramahaMsyAM saMhitAyAM dazamaskandhE uttarArdhE saptaSaSTitamO'dhyAyaH||

See Also