From StotraSamhita
< Bhagavatam | Skandha 07
caturdazO'dhyAyaH
zrIyudhiSThira uvAca
gRhastha EtAM padavIM vidhinA yEna cAJjasA| yAyAddEvaRSE brUhi mAdRzO gRhamUDhadhIH||1|| |
zrInArada uvAca
gRhESvavasthitO rAjankriyAH kurvanyathOcitAH| vAsudEvArpaNaM sAkSAdupAsIta mahAmunIn||2|| |
zRNvanbhagavatO'bhIkSNamavatArakathAmRtam| zraddadhAnO yathAkAlamupazAntajanAvRtaH||3|| |
satsaGgAcchanakaiH saGgamAtmajAyAtmajAdiSu| vimuJcEnmucyamAnESu svayaM svapnavadutthitaH||4|| |
yAvadarthamupAsInO dEhE gEhE ca paNDitaH| viraktO raktavattatra nRlOkE naratAM nyasEt||5|| |
jJAtayaH pitarau putrA bhrAtaraH suhRdO'parE| yadvadanti yadicchanti cAnumOdEta nirmamaH||6|| |
divyaM bhaumaM cAntarIkSaM vittamacyutanirmitam| tatsarvamupayuJjAna EtatkuryAtsvatO budhaH||7|| |
yAvadbhriyEta jaTharaM tAvatsvatvaM hi dEhinAm| adhikaM yO'bhimanyEta sa stEnO daNDamarhati||8|| |
mRgOSTrakharamarkAkhu sarIsRpkhagamakSikAH| AtmanaH putravatpazyEttairESAmantaraM kiyat||9|| |
trivargaM nAtikRcchrENa bhajEta gRhamEdhyapi| yathAdEzaM yathAkAlaM yAvaddaivOpapAditam||10|| |
AzvAghAntE'vasAyibhyaH kAmAnsaMvibhajEdyathA| apyEkAmAtmanO dArAM nRNAM svatvagrahO yataH||11|| |
jahyAdyadarthE svAnprANAnhanyAdvA pitaraM gurum| tasyAM svatvaM striyAM jahyAdyastEna hyajitO jitaH||12|| |
kRmiviDbhasmaniSThAntaM kvEdaM tucchaM kalEvaram| kva tadIyaratirbhAryA kvAyamAtmA nabhazchadiH||13|| |
siddhairyajJAvaziSTArthaiH kalpayEdvRttimAtmanaH| zESE svatvaM tyajanprAjJaH padavIM mahatAmiyAt||14|| |
dEvAnRSInnRbhUtAni pitRRnAtmAnamanvaham| svavRttyAgatavittEna yajEta puruSaM pRthak||15|| |
yarhyAtmanO'dhikArAdyAH sarvAH syuryajJasampadaH| vaitAnikEna vidhinA agnihOtrAdinA yajEt||16|| |
na hyagnimukhatO'yaM vai bhagavAnsarvayajJabhuk| ijyEta haviSA rAjanyathA vipramukhE hutaiH||17|| |
tasmAdbrAhmaNadEvESu martyAdiSu yathArhataH| taistaiH kAmairyajasvainaM kSEtrajJaM brAhmaNAnanu||18|| |
kuryAdaparapakSIyaM mAsi prauSThapadE dvijaH| zrAddhaM pitrOryathAvittaM tadbandhUnAM ca vittavAn||19|| |
ayanE viSuvE kuryAdvyatIpAtE dinakSayE| candrAdityOparAgE ca dvAdazyAM zravaNESu ca||20|| |
tRtIyAyAM zuklapakSE navamyAmatha kArtikE| catasRSvapyaSTakAsu hEmantE zizirE tathA||21|| |
mAghE ca sitasaptamyAM maghArAkAsamAgamE| rAkayA cAnumatyA ca mAsarkSANi yutAnyapi||22|| |
dvAdazyAmanurAdhA syAcchravaNastisra uttarAH| tisRSvEkAdazI vAsu janmarkSazrONayOgayuk||23|| |
ta EtE zrEyasaH kAlA nRRNAM zrEyOvivardhanAH| kuryAtsarvAtmanaitESu zrEyO'mOghaM tadAyuSaH||24|| |
ESu snAnaM japO hOmO vrataM dEvadvijArcanam| pitRdEvanRbhUtEbhyO yaddattaM taddhyanazvaram||25|| |
saMskArakAlO jAyAyA apatyasyAtmanastathA| prEtasaMsthA mRtAhazca karmaNyabhyudayE nRpa||26|| |
atha dEzAnpravakSyAmi dharmAdizrEyAavahAn| sa vai puNyatamO dEzaH satpAtraM yatra labhyatE||27|| |
bimbaM bhagavatO yatra sarvamEtaccarAcaram| yatra ha brAhmaNakulaM tapOvidyAdayAnvitam||28|| |
yatra yatra harErarcA sa dEzaH zrEyasAM padam| yatra gaGgAdayO nadyaH purANESu ca vizrutAH||29|| |
sarAMsi puSkarAdIni kSEtrANyarhAzritAnyuta| kurukSEtraM gayaziraH prayAgaH pulahAzramaH||30|| |
naimiSaM phAlgunaM sEtuH prabhAsO'tha kuzasthalI| vArANasI madhupurI pampA bindusarastathA||31|| |
nArAyaNAzramO nandA sItArAmAzramAdayaH| sarvE kulAcalA rAjanmahEndramalayAdayaH||32|| |
EtE puNyatamA dEzA harErarcAzritAzca yE EtAndEzAnniSEvEta zrEyaskAmO hyabhIkSNazaH dharmO hyatrEhitaH puMsAM sahasrAdhiphalOdayaH||33|| |
pAtraM tvatra niruktaM vai kavibhiH pAtravittamaiH| harirEvaika urvIza yanmayaM vai carAcaram||34|| |
dEvarSyarhatsu vai satsu tatra brahmAtmajAdiSu| rAjanyadagrapUjAyAM mataH pAtratayAcyutaH||35|| |
jIvarAzibhirAkIrNa aNDakOzAGghripO mahAn| tanmUlatvAdacyutEjyA sarvajIvAtmatarpaNam||36|| |
purANyanEna sRSTAni nRtiryagRSidEvatAH| zEtE jIvEna rUpENa purESu puruSO hyasau||37|| |
tESvEva bhagavAnrAjaMstAratamyEna vartatE| tasmAtpAtraM hi puruSO yAvAnAtmA yathEyatE||38|| |
dRSTvA tESAM mithO nRNAmavajJAnAtmatAM nRpa| trEtAdiSu harErarcA kriyAyai kavibhiH kRtA||39|| |
tatO'rcAyAM hariM kEcitsaMzraddhAya saparyayA| upAsata upAstApi nArthadA puruSadviSAm||40|| |
puruSESvapi rAjEndra supAtraM brAhmaNaM viduH| tapasA vidyayA tuSTyA dhattE vEdaM harEstanum||41|| |
nanvasya brAhmaNA rAjankRSNasya jagadAtmanaH punantaH pAdarajasA trilOkIM daivataM mahat||42|| |
||iti zrImadbhAgavatE mahApurANE pAramahaMsyAM saMhitAyAM saptamaskandhE caturdazO'dhyAyaH||
