From StotraSamhita
< Bhagavatam | Skandha 06
paJcamO'dhyAyaH
zrIzuka uvAca
tasyAM sa pAJcajanyAM vai viSNumAyOpabRMhitaH| haryazvasaMjJAnayutaM putrAnajanayadvibhuH||1|| |
apRthagdharmazIlAstE sarvE dAkSAyaNA nRpa| pitrA prOktAH prajAsargE pratIcIM prayayurdizam||2|| |
tatra nArAyaNasarastIrthaM sindhusamudrayOH| saGgamO yatra sumahanmunisiddhaniSEvitam||3|| |
tadupasparzanAdEva vinirdhUtamalAzayAH| dharmE pAramahaMsyE ca prOtpannamatayO'pyuta||4|| |
tEpirE tapa EvOgraM pitrAdEzEna yantritAH| prajAvivRddhayE yattAndEvarSistAndadarza ha||5|| |
uvAca cAtha haryazvAH kathaM srakSyatha vai prajAH| adRSTvAntaM bhuvO yUyaM bAlizA bata pAlakAH||6|| |
tathaikapuruSaM rASTraM bilaM cAdRSTanirgamam| bahurUpAM striyaM cApi pumAMsaM puMzcalIpatim||7|| |
nadImubhayatO vAhAM paJcapaJcAdbhutaM gRham| kvaciddhaMsaM citrakathaM kSaurapavyaM svayaM bhrami||8|| |
kathaM svapiturAdEzamavidvAMsO vipazcitaH| anurUpamavijJAya ahO sargaM kariSyatha||9|| |
zrIzuka uvAca
tannizamyAtha haryazvA autpattikamanISayA| vAcaH kUTaM tu dEvarSEH svayaM vimamRzurdhiyA||10|| |
bhUH kSEtraM jIvasaMjJaM yadanAdi nijabandhanam| adRSTvA tasya nirvANaM kimasatkarmabhirbhavEt||11|| |
Eka EvEzvarasturyO bhagavAnsvAzrayaH paraH| tamadRSTvAbhavaM puMsaH kimasatkarmabhirbhavEt||12|| |
pumAnnaivaiti yadgatvA bilasvargaM gatO yathA| pratyagdhAmAvida iha kimasatkarmabhirbhavEt||13|| |
nAnArUpAtmanO buddhiH svairiNIva guNAnvitA| tanniSThAmagatasyEha kimasatkarmabhirbhavEt||14|| |
tatsaGgabhraMzitaizvaryaM saMsarantaM kubhAryavat| tadgatIrabudhasyEha kimasatkarmabhirbhavEt||15|| |
sRSTyapyayakarIM mAyAM vElAkUlAntavEgitAm| mattasya tAmavijJasya kimasatkarmabhirbhavEt||16|| |
paJcaviMzatitattvAnAM puruSO'dbhutadarpaNaH| adhyAtmamabudhasyEha kimasatkarmabhirbhavEt||17|| |
aizvaraM zAstramutsRjya bandhamOkSAnudarzanam| viviktapadamajJAya kimasatkarmabhirbhavEt||18|| |
kAlacakraM bhrami tIkSNaM sarvaM niSkarSayajjagat| svatantramabudhasyEha kimasatkarmabhirbhavEt||19|| |
zAstrasya piturAdEzaM yO na vEda nivartakam| kathaM tadanurUpAya guNavisrambhyupakramEt||20|| |
iti vyavasitA rAjanharyazvA EkacEtasaH| prayayustaM parikramya panthAnamanivartanam||21|| |
svarabrahmaNi nirbhAta hRSIkEzapadAmbujE| akhaNDaM cittamAvEzya lOkAnanucaranmuniH||22|| |
nAzaM nizamya putrANAM nAradAcchIlazAlinAm| anvatapyata kaH zOcansuprajastvaM zucAM padam||23|| |
sa bhUyaH pAJcajanyAyAmajEna parisAntvitaH| putrAnajanayaddakSaH savalAzvAnsahasriNaH||24|| |
tE ca pitrA samAdiSTAH prajAsargE dhRtavratAH| nArAyaNasarO jagmuryatra siddhAH svapUrvajAH||25|| |
tadupasparzanAdEva vinirdhUtamalAzayAH| japantO brahma paramaM tEpustatra mahattapaH||26|| |
abbhakSAH katicinmAsAnkaticidvAyubhOjanAH| ArAdhayanmantramimamabhyasyanta iDaspatim||27|| |
OM namO nArAyaNAya puruSAya mahAtmanE| vizuddhasattvadhiSNyAya mahAhaMsAya dhImahi||28|| |
iti tAnapi rAjEndra prajAsargadhiyO muniH| upEtya nAradaH prAha vAcaH kUTAni pUrvavat||29|| |
dAkSAyaNAH saMzRNuta gadatO nigamaM mama| anvicchatAnupadavIM bhrAtRRNAM bhrAtRvatsalAH||30|| |
bhrAtRRNAM prAyaNaM bhrAtA yO'nutiSThati dharmavit| sa puNyabandhuH puruSO marudbhiH saha mOdatE||31|| |
EtAvaduktvA prayayau nAradO'mOghadarzanaH| tE'pi cAnvagamanmArgaM bhrAtRRNAmEva mAriSa||32|| |
sadhrIcInaM pratIcInaM parasyAnupathaM gatAH| nAdyApi tE nivartantE pazcimA yAminIriva||33|| |
EtasminkAla utpAtAnbahUnpazyanprajApatiH| pUrvavannAradakRtaM putranAzamupAzRNOt||34|| |
cukrOdha nAradAyAsau putrazOkavimUrcchitaH| dEvarSimupalabhyAha rOSAdvisphuritAdharaH||35|| |
zrIdakSa uvAca
ahO asAdhO sAdhUnAM sAdhuliGgEna nastvayA| asAdhvakAryarbhakANAM bhikSOrmArgaH pradarzitaH||36|| |
RNaistribhiramuktAnAmamImAMsitakarmaNAm| vighAtaH zrEyasaH pApa lOkayOrubhayOH kRtaH||37|| |
EvaM tvaM niranukrOzO bAlAnAM matibhiddharEH| pArSadamadhyE carasi yazOhA nirapatrapaH||38|| |
nanu bhAgavatA nityaM bhUtAnugrahakAtarAH| RtE tvAM sauhRdaghnaM vai vairaGkaramavairiNAm||39|| |
nEtthaM puMsAM virAgaH syAttvayA kEvalinA mRSA| manyasE yadyupazamaM snEhapAzanikRntanam||40|| |
nAnubhUya na jAnAti pumAnviSayatIkSNatAm| nirvidyatE svayaM tasmAnna tathA bhinnadhIH paraiH||41|| |
yannastvaM karmasandhAnAM sAdhUnAM gRhamEdhinAm| kRtavAnasi durmarSaM vipriyaM tava marSitam||42|| |
tantukRntana yannastvamabhadramacaraH punaH| tasmAllOkESu tE mUDha na bhavEdbhramataH padam||43|| |
zrIzuka uvAca
pratijagrAha tadbADhaM nAradaH sAdhusammataH EtAvAnsAdhuvAdO hi titikSEtEzvaraH svayam||44|| |
||iti zrImadbhAgavatE mahApurANE pAramahaMsyAM saMhitAyAM SaSThaskandhE paJcamO'dhyAyaH||
