From StotraSamhita
< Bhagavatam | Skandha 03
tRtIyO'dhyAyaH
uddhava uvAca
tataH sa Agatya puraM svapitrOzcikIrSayA zaM baladEvasaMyutaH| nipAtya tuGgAdripuyUthanAthaM hataM vyakarSadvyasumOjasOrvyAm||1|| |
sAndIpanEH sakRtprOktaM brahmAdhItya savistaram| tasmai prAdAdvaraM putraM mRtaM paJcajanOdarAt||2|| |
samAhutA bhISmakakanyayA yE zriyaH savarNEna bubhUSayaiSAm| gAndharvavRttyA miSatAM svabhAgaM jahrE padaM mUrdhni dadhatsuparNaH||3|| |
kakudminO'viddhanasO damitvA svayaMvarE nAgnajitImuvAha| tadbhagnamAnAnapi gRdhyatO'jJAJjaghnE'kSataH zastrabhRtaH svazastraiH||4|| |
priyaM prabhurgrAmya iva priyAyA vidhitsurArcchaddyutaruM yadarthE| vajryAdravattaM sagaNO ruSAndhaH krIDAmRgO nUnamayaM vadhUnAm||5|| |
sutaM mRdhE khaM vapuSA grasantaM dRSTvA sunAbhOnmathitaM dharitryA| AmantritastattanayAya zESaM dattvA tadantaHpuramAvivEza||6|| |
tatrAhRtAstA naradEvakanyAH kujEna dRSTvA harimArtabandhum| utthAya sadyO jagRhuH praharSa vrIDAnurAgaprahitAvalOkaiH||7|| |
AsAM muhUrta EkasminnAnAgArESu yOSitAm| savidhaM jagRhE pANInanurUpaH svamAyayA||8|| |
tAsvapatyAnyajanayadAtmatulyAni sarvataH| EkaikasyAM daza daza prakRtErvibubhUSayA||9|| |
kAlamAgadhazAlvAdInanIkai rundhataH puram| ajIghanatsvayaM divyaM svapuMsAM tEja Adizat||10|| |
zambaraM dvividaM bANaM muraM balvalamEva ca| anyAMzca dantavakrAdInavadhItkAMzca ghAtayat||11|| |
atha tE bhrAtRputrANAM pakSayOH patitAnnRpAn| cacAla bhUH kurukSEtraM yESAmApatatAM balaiH||12|| |
sa karNaduHzAsanasaubalAnAM kumantrapAkEna hatazriyAyuSam| suyOdhanaM sAnucaraM zayAnaM bhagnOrumUrvyAM na nananda pazyan||13|| |
kiyAnbhuvO'yaM kSapitOrubhArO yaddrONabhISmArjunabhImamUlaiH| aSTAdazAkSauhiNikO madaMzairAstE balaM durviSahaM yadUnAm||14|| |
mithO yadaiSAM bhavitA vivAdO madhvAmadAtAmravilOcanAnAm| naiSAM vadhOpAya iyAnatO'nyO mayyudyatE'ntardadhatE svayaM sma||15|| |
EvaM saJcintya bhagavAnsvarAjyE sthApya dharmajam| nandayAmAsa suhRdaH sAdhUnAM vartma darzayan||16|| |
uttarAyAM dhRtaH pUrOrvaMzaH sAdhvabhimanyunA| sa vai drauNyastrasampluSTaH punarbhagavatA dhRtaH||17|| |
ayAjayaddharmasutamazvamEdhaistribhirvibhuH| sO'pi kSmAmanujai rakSanrEmE kRSNamanuvrataH||18|| |
bhagavAnapi vizvAtmA lOkavEdapathAnugaH| kAmAnsiSEvE dvArvatyAmasaktaH sAGkhyamAsthitaH||19|| |
snigdhasmitAvalOkEna vAcA pIyUSakalpayA| caritrENAnavadyEna zrInikEtEna cAtmanA||20|| |
imaM lOkamamuM caiva ramayansutarAM yadUn| rEmE kSaNadayA datta kSaNastrIkSaNasauhRdaH||21|| |
tasyaivaM ramamANasya saMvatsaragaNAnbahUn| gRhamEdhESu yOgESu virAgaH samajAyata||22|| |
daivAdhInESu kAmESu daivAdhInaH svayaM pumAn| kO vizrambhEta yOgEna yOgEzvaramanuvrataH||23|| |
puryAM kadAcitkrIDadbhiryadubhOjakumArakaiH| kOpitA munayaH zEpurbhagavanmatakOvidAH||24|| |
tataH katipayairmAsairvRSNibhOjAndhakAdayaH| yayuH prabhAsaM saMhRSTA rathairdEvavimOhitAH||25|| |
tatra snAtvA pitndEvAnRSIMzcaiva tadambhasA| tarpayitvAtha viprEbhyO gAvO bahuguNA daduH||26|| |
hiraNyaM rajataM zayyAM vAsAMsyajinakambalAn| yAnaM rathAnibhAnkanyA dharAM vRttikarImapi||27|| |
annaM cOrurasaM tEbhyO dattvA bhagavadarpaNam gOviprArthAsavaH zUrAH praNEmurbhuvi mUrdhabhiH||28|| |
||iti zrImadbhAgavatE mahApurANE pAramahaMsyAM saMhitAyAM tRtIyaskandhE tRtIyO'dhyAyaH||
