From StotraSamhita
< Bhagavatam | Skandha 05
saptamO'dhyAyaH
zrIzuka uvAca
bharatastu mahAbhAgavatO yadA bhagavatAvanitalaparipAlanAya saJcintitastadanuzAsanaparaH paJcajanIM vizvarUpaduhitaramupayEmE||1|| |
tasyAmu ha vA AtmajAnkArtsnyEnAnurUpAnAtmanaH paJca janayAmAsa bhUtAdiriva bhUta sUkSmANi sumatiM rASTrabhRtaM sudarzanamAvaraNaM dhUmrakEtumiti||2|| |
ajanAbhaM nAmaitadvarSaM bhAratamiti yata Arabhya vyapadizanti||3|| |
sa bahuvinmahIpatiH pitRpitAmahavaduruvatsalatayA svE svE karmaNi vartamAnAH prajAH sva dharmamanuvartamAnaH paryapAlayat||4|| |
IjE ca bhagavantaM yajJakraturUpaM kratubhiruccAvacaiH zraddhayAhRtAgnihOtradarzapUrNamAsa cAturmAsyapazusOmAnAM prakRtivikRtibhiranusavanaM cAturhOtravidhinA||5|| |
sampracaratsu nAnAyAgESu viracitAGgakriyESvapUrvaM yattatkriyAphalaM dharmAkhyaM parE brahmaNi yajJapuruSE sarvadEvatAliGgAnAM mantrANAmarthaniyAmakatayA sAkSAtkartari paradEvatAyAM bhagavati vAsudEva Eva bhAvayamAna AtmanaipuNyamRditakaSAyO haviHSvadhvaryubhirgRhyamANESu sa yajamAnO yajJabhAjO dEvAMstAnpuruSAvayavESvabhyadhyAyat||6|| |
EvaM karmavizuddhyA vizuddhasattvasyAntarhRdayAkAzazarIrE brahmaNi bhagavati vAsudEvE mahA puruSarUpOpalakSaNE zrIvatsakaustubhavanamAlAridaragadAdibhirupalakSitE nijapuruSahRllikhitEnAtmani puruSarUpENa virOcamAna uccaistarAM bhaktiranudinamEdhamAnarayAjAyata||7|| |
EvaM varSAyutasahasraparyantAvasitakarmanirvANAvasarO'dhibhujyamAnaM svatanayEbhyO rikthaM pitRpaitAmahaM yathAdAyaM vibhajya svayaM sakalasampannikEtAtsvanikEtAtpulahAzramaM pravavrAja||8|| |
yatra ha vAva bhagavAnhariradyApi tatratyAnAM nijajanAnAM vAtsalyEna sannidhApyata icchA rUpENa||9|| |
yatrAzramapadAnyubhayatO nAbhibhirdRSaccakraizcakranadI nAma saritpravarA sarvataH pavitrI karOti||10|| |
tasminvAva kila sa EkalaH pulahAzramOpavanE vividhakusumakisalayatulasikAmbubhiH kandamUla phalOpahAraizca samIhamAnO bhagavata ArAdhanaM vivikta uparataviSayAbhilASa upabhRtOpazamaH parAM nirvRtimavApa||11|| |
tayEtthamaviratapuruSaparicaryayA bhagavati pravardhamAnAnurAgabharadrutahRdayazaithilyaH praharSavEgEnAtmanyudbhidyamAnarOmapulakakulaka autkaNThyapravRttapraNayabASpaniruddhAvalOka nayana EvaM nijaramaNAruNacaraNAravindAnudhyAnaparicitabhaktiyOgEna pariplutaparamAhlAdagambhIra hRdayahradAvagADhadhiSaNastAmapi kriyamANAM bhagavatsaparyAM na sasmAra||12|| |
itthaM dhRtabhagavadvrata aiNEyAjinavAsasAnusavanAbhiSEkArdrakapizakuTilajaTAkalApEna ca virOcamAnaH sUryarcA bhagavantaM hiraNmayaM puruSamujjihAnE sUryamaNDalE'bhyupatiSThannEtadu hOvAca||13|| |
parOrajaH saviturjAtavEdO dEvasya bhargO manasEdaM jajAna surEtasAdaH punarAvizya caSTE haMsaM gRdhrANaM nRSadriGgirAmimaH||14|| |
||iti zrImadbhAgavatE mahApurANE pAramahaMsyAM saMhitAyAM paJcamaskandhE saptamO'dhyAyaH||
