From StotraSamhita
< Bhagavatam | Skandha 10
tryazItitamO'dhyAyaH
zrIzuka uvAca
tathAnugRhya bhagavAngOpInAM sa gururgatiH| yudhiSThiramathApRcchatsarvAMzca suhRdO'vyayam||1|| |
ta EvaM lOkanAthEna paripRSTAH susatkRtAH| pratyUcurhRSTamanasastatpAdEkSAhatAMhasaH||2|| |
kutO'zivaM tvaccaraNAmbujAsavaM mahanmanastO mukhaniHsRtaM kvacit| pibanti yE karNapuTairalaM prabhO dEhaMbhRtAM dEhakRdasmRticchidam||3|| |
hi tvAtma dhAmavidhutAtmakRtatryavasthAm AnandasamplavamakhaNDamakuNThabOdham| kAlOpasRSTanigamAvana AttayOga mAyAkRtiM paramahaMsagatiM natAH sma||4|| |
zrIRSiruvAca
ityuttamaHzlOkazikhAmaNiM janESv abhiSTuvatsvandhakakauravastriyaH| samEtya gOvindakathA mithO'gRnaMs trilOkagItAH zRNu varNayAmi tE||5|| |
zrIdraupadyuvAca
hE vaidarbhyacyutO bhadrE hE jAmbavati kauzalE| hE satyabhAmE kAlindi zaibyE rOhiNi lakSmaNE||6|| |
hE kRSNapatnya EtannO brUtE vO bhagavAnsvayam| upayEmE yathA lOkamanukurvansvamAyayA||7|| |
zrIrukmiNyuvAca
caidyAya mArpayitumudyatakArmukESu rAjasvajEyabhaTazEkharitAGghrirENuH| ninyE mRgEndra iva bhAgamajAviyUthAt tacchrInikEtacaraNO'stu mamArcanAya||8|| |
zrIsatyabhAmOvAca
yO mE sanAbhivadhataptahRdA tatEna liptAbhizApamapamArSTumupAjahAra| jitvarkSarAjamatha ratnamadAtsa tEna bhItaH pitAdizata mAM prabhavE'pi dattAm||9|| |
zrIjAmbavatyuvAca
prAjJAya dEhakRdamuM nijanAthadaivaM sItApatiM trinavahAnyamunAbhyayudhyat| jJAtvA parIkSita upAharadarhaNaM mAM pAdau pragRhya maNinAhamamuSya dAsI||10|| |
zrIkAlindyuvAca
tapazcarantImAjJAya svapAdasparzanAzayA| sakhyOpEtyAgrahItpANiM yO'haM tadgRhamArjanI||11|| |
zrImitravindOvAca
yO mAM svayaMvara upEtya vijitya bhUpAn ninyE zvayUthagam ivAtmabaliM dvipAriH| bhrAtRRMzca mE'pakurutaH svapuraM zriyaukas tasyAstu mE'nubhavamaGghryavanEjanatvam||12|| |
zrIsatyOvAca
saptOkSaNO'tibalavIryasutIkSNazRGgAn pitrA kRtAnkSitipavIryaparIkSaNAya| tAnvIradurmadahanastarasA nigRhya krIDanbabandha ha yathA zizavO'jatOkAn||13|| |
ya itthaM vIryazulkAM mAM dAsIbhizcaturangiNIm| pathi nirjitya rAjanyAn ninyE taddAsyamastu mE||14|| |
zrIbhadrOvAca
pitA mE mAtulEyAya svayamAhUya dattavAn| kRSNE kRSNAya taccittAmakSauhiNyA sakhIjanaiH||15|| |
asya mE pAdasaMsparzO bhavEjjanmani janmani| karmabhirbhrAmyamANAyA yEna tacchrEya AtmanaH||16|| |
zrIlakSmaNOvAca
mamApi rAjJyacyutajanmakarma zrutvA muhurnAradagItamAsa ha| cittaM mukundE kila padmahastayA vRtaH susammRzya vihAya lOkapAn||17|| |
jJAtvA mama mataM sAdhvi pitA duhitRvatsalaH| bRhatsEna iti khyAtastatrOpAyamacIkarat||18|| |
yathA svayaMvarE rAjJi matsyaH pArthEpsayA kRtaH| ayaM tu bahirAcchannO dRzyatE sa jalE param||19|| |
zrutvaitatsarvatO bhUpA AyayurmatpituH puram| sarvAstrazastratattvajJAH sOpAdhyAyAH sahasrazaH||20|| |
pitrA sampUjitAH sarvE yathAvIryaM yathAvayaH| AdaduH sazaraM cApaM vEddhuM parSadi maddhiyaH||21|| |
AdAya vyasRjankEcitsajyaM kartumanIzvarAH| AkOSThaM jyAM samutkRSya pEturEkE'munAhatAH||22|| |
sajyaM kRtvAparE vIrA mAgadhAmbaSThacEdipAH| bhImO duryOdhanaH karNO nAvidaMstadavasthitim||23|| |
matsyAbhAsaM jalE vIkSya jJAtvA ca tadavasthitim| pArthO yattO'sRjadbANaM nAcchinatpaspRzE param||24|| |
rAjanyESu nivRttESu bhagnamAnESu mAniSu| bhagavAndhanurAdAya sajyaM kRtvAtha lIlayA||25|| |
tasminsandhAya vizikhaM matsyaM vIkSya sakRjjalE| chittvESuNApAtayattaM sUryE cAbhijiti sthitE||26|| |
divi dundubhayO nEdurjayazabdayutA bhuvi| dEvAzca kusumAsArAnmumucurharSavihvalAH||27|| |
tadraGgamAvizamahaM kalanUpurAbhyAM padbhyAM pragRhya kanakOijvalaratnamAlAm| nUtnE nivIya paridhAya ca kauzikAgryE savrIDahAsavadanA kavarIdhRtasrak||28|| |
unnIya vaktramurukuntalakuNDalatviD gaNDasthalaM zizirahAsakaTAkSamOkSaiH| rAjJO nirIkSya paritaH zanakairmurArEr aMsE'nuraktahRdayA nidadhE svamAlAm||29|| |
tAvanmRdaGgapaTahAH zaGkhabhEryAnakAdayaH| ninEdurnaTanartakyO nanRturgAyakA jaguH||30|| |
EvaM vRtE bhagavati mayEzE nRpayUthapAH| na sEhirE yAjJasEni spardhantO hRcchayAturAH||31|| |
mAM tAvadrathamArOpya hayaratnacatuSTayam| zArGgamudyamya sannaddhastasthAvAjau caturbhujaH||32|| |
dArukazcOdayAmAsa kAJcanOpaskaraM ratham| miSatAM bhUbhujAM rAjJi mRgANAM mRgarADiva||33|| |
tE'nvasajjanta rAjanyA niSEddhuM pathi kEcana| saMyattA uddhRtESvAsA grAmasiMhA yathA harim||34|| |
tE zArGgacyutabANaughaiH kRttabAhvaGghrikandharAH| nipEtuH pradhanE kEcidEkE santyajya dudruvuH||35|| |
tataH purIM yadupatiratyalaGkRtAM ravicchadadhvajapaTacitratOraNAm| kuzasthalIM divi bhuvi cAbhisaMstutAM samAvizattaraNiriva svakEtanam||36|| |
pitA mE pUjayAmAsa suhRtsambandhibAndhavAn| mahArhavAsO'laGkAraiH zayyAsanaparicchadaiH||37|| |
dAsIbhiH sarvasampadbhirbhaTEbharathavAjibhiH| AyudhAni mahArhANi dadau pUrNasya bhaktitaH||38|| |
AtmArAmasya tasyEmA vayaM vai gRhadAsikAH| sarvasaGganivRttyAddhA tapasA ca babhUvima||39|| |
mahiSya UcuH
bhaumaM nihatya sagaNaM yudhi tEna ruddhA jJAtvAtha naH kSitijayE jitarAjakanyAH| nirmucya saMsRtivimOkSamanusmarantIH pAdAmbujaM pariNinAya ya AptakAmaH||40|| |
na vayaM sAdhvi sAmrAjyaM svArAjyaM bhaujyamapyuta| vairAjyaM pAramESThyaM ca AnantyaM vA harEH padam||41|| |
kAmayAmaha Etasya zrImatpAdarajaH zriyaH| kucakuGkumagandhADhyaM mUrdhnA vODhuM gadAbhRtaH||42|| |
vrajastriyO yadvAJchanti pulindyastRNavIrudhaH gAvazcArayatO gOpAH padasparzaM mahAtmanaH||43|| |
||iti zrImadbhAgavatE mahApurANE pAramahaMsyAM saMhitAyAM dazamaskandhE uttarArdhE tryazItitamO'dhyAyaH||
