From StotraSamhita
< Bhagavatam | Skandha 11
saptadazO'dhyAyaH
zrIuddhava uvAca
yastvayAbhihitaH pUrvaM dharmastvadbhaktilakSaNaH| varNAzamAcAravatAM sarvESAM dvipadAmapi||1|| |
yathAnuSThIyamAnEna tvayi bhaktirnRNAM bhavEt| svadharmENAravindAkSa tanmamAkhyAtumarhasi||2|| |
purA kila mahAbAhO dharmaM paramakaM prabhO| yattEna haMsarUpENa brahmaNE'bhyAttha mAdhava||3|| |
sa idAnIM sumahatA kAlEnAmitrakarzana| na prAyO bhavitA martya lOkE prAganuzAsitaH||4|| |
vaktA kartAvitA nAnyO dharmasyAcyuta tE bhuvi| sabhAyAmapi vairiJcyAM yatra mUrtidharAH kalAH||5|| |
kartrAvitrA pravaktrA ca bhavatA madhusUdana| tyaktE mahItalE dEva vinaSTaM kaH pravakSyati||6|| |
tattvaM naH sarvadharmajJa dharmastvadbhaktilakSaNaH| yathA yasya vidhIyEta tathA varNaya mE prabhO||7|| |
zrIzuka uvAca
itthaM svabhRtyamukhyEna pRSTaH sa bhagavAnhariH| prItaH kSEmAya martyAnAM dharmAnAha sanAtanAn||8|| |
zrIbhagavAnuvAca
dharmya ESa tava praznO naiHzrEyasakarO nRNAm| varNAzramAcAravatAM tamuddhava nibOdha mE||9|| |
Adau kRtayugE varNO nRNAM haMsa iti smRtaH| kRtakRtyAH prajA jAtyA tasmAtkRtayugaM viduH||10|| |
vEdaH praNava EvAgrE dharmO'haM vRSarUpadhRk| upAsatE tapOniSThA haMsaM mAM muktakilbiSAH||11|| |
trEtAmukhE mahAbhAga prANAnmE hRdayAttrayI| vidyA prAdurabhUttasyA ahamAsaM trivRnmakhaH||12|| |
viprakSatriyaviTzUdrA mukhabAhUrupAdajAH| vairAjAtpuruSAjjAtA ya AtmAcAralakSaNAH||13|| |
gRhAzramO jaghanatO brahmacaryaM hRdO mama| vakSaHsthalAdvanEvAsaH sannyAsaH zirasi sthitaH||14|| |
varNAnAmAzramANAM ca janmabhUmyanusAriNIH| AsanprakRtayO nRRnAM nIcairnIcOttamOttamAH||15|| |
zamO damastapaH zaucaM santOSaH kSAntirArjavam| madbhaktizca dayA satyaM brahmaprakRtayastvimAH||16|| |
tEjO balaM dhRtiH zauryaM titikSaudAryamudyamaH| sthairyaM brahmanyamaizvaryaM kSatraprakRtayastvimAH||17|| |
AstikyaM dAnaniSThA ca adambhO brahmasEvanam| atuSTirarthOpacayairvaizyaprakRtayastvimAH||18|| |
zuzrUSaNaM dvijagavAM dEvAnAM cApyamAyayA| tatra labdhEna santOSaH zUdraprakRtayastvimAH||19|| |
azaucamanRtaM stEyaM nAstikyaM zuSkavigrahaH| kAmaH krOdhazca tarSazca sa bhAvO'ntyAvasAyinAm||20|| |
ahiMsA satyamastEyamakAmakrOdhalObhatA| bhUtapriyahitEhA ca dharmO'yaM sArvavarNikaH||21|| |
dvitIyaM prApyAnupUrvyAjjanmOpanayanaM dvijaH| vasangurukulE dAntO brahmAdhIyIta cAhUtaH||22|| |
mEkhalAjinadaNDAkSa brahmasUtrakamaNDalUn| jaTilO'dhautadadvAsO'raktapIThaH kuzAndadhat||23|| |
snAnabhOjanahOmESu japOccArE ca vAgyataH| na cchindyAnnakharOmANi kakSOpasthagatAnyapi||24|| |
rEtO nAvakirEjjAtu brahmavratadharaH svayam| avakIrNE'vagAhyApsu yatAsustripadAM japEt||25|| |
agnyarkAcAryagOvipra guruvRddhasurAJzuciH| samAhita upAsIta sandhyE dvE yatavAgjapan||26|| |
AcAryaM mAM vijAnIyAnnAvanmanyEta karhicit| na martyabuddhyAsUyEta sarvadEvamayO guruH||27|| |
sAyaM prAtarupAnIya bhaikSyaM tasmai nivEdayEt| yaccAnyadapyanujJAtamupayuJjIta saMyataH||28|| |
zuzrUSamANa AcAryaM sadOpAsIta nIcavat| yAnazayyAsanasthAnairnAtidUrE kRtAJjaliH||29|| |
EvaMvRttO gurukulE vasEdbhOgavivarjitaH| vidyA samApyatE yAvadbibhradvratamakhaNDitam||30|| |
yadyasau chandasAM lOkamArOkSyanbrahmaviSTapam| guravE vinyasEddEhaM svAdhyAyArthaM bRhadvrataH||31|| |
agnau gurAvAtmani ca sarvabhUtESu mAM param| apRthagdhIrupasIta brahmavarcasvyakalmaSaH||32|| |
strINAM nirIkSaNasparza saMlApakSvElanAdikam| prANinO mithunIbhUtAnagRhasthO'gratastyajEt||33|| |
zaucamAcamanaM snAnaM sandhyOpAstirmamArcanam| tIrthasEvA japO'spRzyA bhakSyAsambhASyavarjanam||34|| |
sarvAzramaprayuktO'yaM niyamaH kulanandana| madbhAvaH sarvabhUtESu manOvAkkAyasaMyamaH||35|| |
EvaM bRhadvratadharO brAhmaNO'gniriva jvalan| madbhaktastIvratapasA dagdhakarmAzayO'malaH||36|| |
athAnantaramAvEkSyanyathAjijJAsitAgamaH| guravE dakSiNAM dattvA snAyAdgurvanumOditaH||37|| |
gRhaM vanaM vOpavizEtpravrajEdvA dvijOttamaH| AzramAdAzramaM gacchEnnAnyathAmatparazcarEt||38|| |
gRhArthI sadRzIM bhAryAmudvahEdajugupsitAm| yavIyasIM tu vayasA yaM savarNAmanu kramAt||39|| |
ijyAdhyayanadAnAni sarvESAM ca dvijanmanAm| pratigrahO'dhyApanaM ca brAhmaNasyaiva yAjanam||40|| |
pratigrahaM manyamAnastapastEjOyazOnudam| anyAbhyAmEva jIvEta zilairvA dOSadRktayOH||41|| |
brAhmaNasya hi dEhO'yaM kSudrakAmAya nESyatE| kRcchrAya tapasE cEha prEtyAnantasukhAya ca||42|| |
zilOJchavRttyA parituSTacittO dharmaM mahAntaM virajaM juSANaH| mayyarpitAtmA gRha Eva tiSThannAtiprasaktaH samupaiti zAntim||43|| |
samuddharanti yE vipraM sIdantaM matparAyaNam| tAnuddhariSyE na cirAdApadbhyO naurivArNavAt||44|| |
sarvAH samuddharEdrAjA pitEva vyasanAtprajAH| AtmAnamAtmanA dhIrO yathA gajapatirgajAn||45|| |
EvaMvidhO narapatirvimAnEnArkavarcasA| vidhUyEhAzubhaM kRtsnamindrENa saha mOdatE||46|| |
sIdanviprO vaNigvRttyA paNyairEvApadaM tarEt| khaDgEna vApadAkrAntO na zvavRttyA kathaJcana||47|| |
vaizyavRttyA tu rAjanyO jIvEnmRgayayApadi| carEdvA viprarUpENa na zvavRttyA kathaJcana||48|| |
zUdravRttiM bhajEdvaizyaH zUdraH kArukaTakriyAm| kRcchrAnmuktO na garhyENa vRttiM lipsEta karmaNA||49|| |
vEdAdhyAyasvadhAsvAhA balyannAdyairyathOdayam| dEvarSipitRbhUtAni madrUpANyanvahaM yajEt||50|| |
yadRcchayOpapannEna zuklEnOpArjitEna vA| dhanEnApIDayanbhRtyAnnyAyEnaivAharEtkratUn||51|| |
kuTumbESu na sajjEta na pramAdyEtkuTumbyapi| vipazcinnazvaraM pazyEdadRSTamapi dRSTavat||52|| |
putradArAptabandhUnAM saGgamaH pAnthasaGgamaH| anudEhaM viyantyEtE svapnO nidrAnugO yathA||53|| |
itthaM parimRzanmuktO gRhESvatithivadvasan| na gRhairanubadhyEta nirmamO nirahaGkRtaH||54|| |
karmabhirgRhamEdhIyairiSTvA mAmEva bhaktimAn| tiSThEdvanaM vOpavizEtprajAvAnvA parivrajEt||55|| |
yastvAsaktamatirgEhE putravittaiSaNAturaH| straiNaH kRpaNadhIrmUDhO mamAhamiti badhyatE||56|| |
ahO mE pitarau vRddhau bhAryA bAlAtmajAtmajAH| anAthA mAmRtE dInAH kathaM jIvanti duHkhitAH||57|| |
EvaM gRhAzayAkSipta hRdayO mUDhadhIrayam atRptastAnanudhyAyanmRtO'ndhaM vizatE tamaH||58|| |
||iti zrImadbhAgavatE mahApurANE pAramahaMsyAM saMhitAyAM EkAdazaskandhE saptadazO'dhyAyaH||
