From StotraSamhita
< Bhagavatam | Skandha 05
zrIzuka uvAca
atha kasyaciddvijavarasyAGgiraHpravarasya zamadamatapaHsvAdhyAyAdhyayanatyAgasantOSa titikSAprazrayavidyAnasUyAtmajJAnAnandayuktasyAtmasadRzazrutazIlAcArarUpaudAryaguNA nava sOdaryA aGgajA babhUvurmithunaM ca yavIyasyAM bhAryAyAmyastu tatra pumAMstaM paramabhAgavataM rAjarSi pravaraM bharatamutsRSTamRgazarIraM caramazarIrENa vipratvaM gatamAhuH||1|| |
tatrApi svajanasaGgAcca bhRzamudvijamAnO bhagavataH karmabandhavidhvaMsanazravaNa smaraNaguNavivaraNacaraNAravindayugalaM manasA vidadhadAtmanaH pratighAtamAzaGkamAnO bhagavad anugrahENAnusmRtasvapUrvajanmAvalirAtmAnamunmattajaDAndhabadhirasvarUpENa darzayAmAsa lOkasya||2|| |
tasyApi ha vA Atmajasya vipraH putrasnEhAnubaddhamanA AsamAvartanAtsaMskArAnyathOpadEzaM vidadhAna upanItasya ca punaH zaucAcamanAdInkarmaniyamAnanabhiprEtAnapi samazikSayadanuziSTEna hi bhAvyaM pituH putrENEti||3|| |
sa cApi tadu ha pitRsannidhAvEvAsadhrIcInamiva sma karOti chandAMsyadhyApayiSyansaha vyAhRtibhiH sapraNavazirastripadIM sAvitrIM graiSmavAsantikAnmAsAnadhIyAnamapyasamavEtarUpaM grAhayAmAsa||4|| |
EvaM svatanuja AtmanyanurAgAvEzitacittaH zaucAdhyayanavrataniyamagurvanalazuzrUSaNAdy aupakurvANakakarmANyanabhiyuktAnyapi samanuziSTEna bhAvyamityasadAgrahaH putramanuzAsya svayaM tAvadanadhigatamanOrathaH kAlEnApramattEna svayaM gRha Eva pramatta upasaMhRtaH||5|| |
atha yavIyasI dvijasatI svagarbhajAtaM mithunaM sapatnyA upanyasya svayamanusaMsthayA patilOkamagAt||6|| |
pitaryuparatE bhrAtara EnamatatprabhAvavidastrayyAM vidyAyAmEva paryavasitamatayO na paravidyAyAM jaDamatiriti bhrAturanuzAsananirbandhAnnyavRtsanta||7|| |
sa ca prAkRtairdvipadapazubhirunmattajaDabadhiramUkEtyabhibhASyamANO yadA tadanurUpANi prabhASatE karmANi ca kAryamANaH parEcchayA karOti viSTitO vEtanatO vA yAcJyA yadRcchayA vOpasAditamalpaM bahu mRSTaM kadannaM vAbhyavaharati paraM nEndriyaprItinimittamnityanivRttanimittasvasiddha vizuddhAnubhavAnandasvAtmalAbhAdhigamaH sukhaduHkhayOrdvandvanimittayOrasambhAvita dEhAbhimAnaH||8|| |
zItOSNavAtavarSESu vRSa ivAnAvRtAGgaH pInaH saMhananAGgaH sthaNDila saMvEzanAnunmardanAmajjanarajasA mahAmaNirivAnabhivyaktabrahmavarcasaH kupaTAvRta kaTirupavItEnOrumaSiNA dvijAtiriti brahmabandhuriti saMjJayAtajjJajanAvamatO vicacAra||10|| |
yadA tu parata AhAraM karmavEtanata IhamAnaH svabhrAtRbhirapi kEdArakarmaNi nirUpitastadapi karOti kintu na samaM viSamaM nyUnamadhikamiti vEda kaNapiNyAkaphalIkaraNakulmASa sthAlIpurISAdInyapyamRtavadabhyavaharati||11|| |
atha kadAcitkazcidvRSalapatirbhadrakAlyai puruSapazumAlabhatApatyakAmaH||12|| |
tasya ha daivamuktasya pazOH padavIM tadanucarAH paridhAvantO nizi nizIthasamayE tamasAvRtAyAmanadhigatapazava AkasmikEna vidhinA kEdArAnvIrAsanEna mRgavarAhAdibhyaH saMrakSamANamaGgiraHpravarasutamapazyan||13|| |
atha ta EnamanavadyalakSaNamavamRzya bhartRkarmaniSpattiM manyamAnA baddhvA razanayA caNDikAgRhamupaninyurmudA vikasitavadanAH||14|| |
atha paNayastaM svavidhinAbhiSicyAhatEna vAsasAcchAdya bhUSaNAlEpasraktilakAdibhirupaskRtaM bhuktavantaM dhUpadIpamAlyalAjakisalayAGkuraphalOpahArOpEtayA vaizasasaMsthayA mahatA gItastuti mRdaGgapaNavaghOSENa ca puruSapazuM bhadrakAlyAH purata upavEzayAmAsuH||15|| |
atha vRSalarAjapaNiH puruSapazOrasRgAsavEna dEvIM bhadrakAlIM yakSyamANastad abhimantritamasimatikarAlanizitamupAdadE||16|| |
iti tESAM vRSalAnAM rajastamaHprakRtInAM dhanamadarajautsiktamanasAM bhagavatkalAvIra kulaM kadarthIkRtyOtpathEna svairaM viharatAM hiMsAvihArANAM karmAtidAruNaM yadbrahmabhUtasya sAkSAdbrahmarSisutasya nirvairasya sarvabhUtasuhRdaH sUnAyAmapyananumatamAlambhanaM tadupalabhya brahmatEjasAtidurviSahENa dandahyamAnEna vapuSA sahasOccacATa saiva dEvI bhadrakAlI||17|| |
bhRzamamarSarOSAvEzarabhasavilasitabhrukuTiviTapakuTiladaMSTrAruNEkSaNATOpAtibhayAnaka vadanA hantukAmEvEdaM mahATTahAsamatisaMrambhENa vimuJcantI tata utpatya pApIyasAM duSTAnAM tEnaivAsinA vivRkNazIrSNAM galAtsravantamasRgAsavamatyuSNaM saha gaNEna nipIyAtipAnamada vihvalOccaistarAM svapArSadaiH saha jagau nanarta ca vijahAra ca ziraHkandukalIlayA||18|| |
EvamEva khalu mahadabhicArAtikramaH kArtsnyEnAtmanE phalati||19|| |
na vA EtadviSNudatta mahadadbhutaM yadasambhramaH svazirazchEdana ApatitE'pi vimukta dEhAdyAtmabhAvasudRDhahRdayagranthInAM sarvasattvasuhRdAtmanAM nirvairANAM sAkSAdbhagavatAnimiSArivarAyudhEnApramattEna taistairbhAvaiH parirakSyamANAnAM tatpAda mUlamakutazcidbhayamupasRtAnAM bhAgavataparamahaMsAnAm||20|| |
||iti zrImadbhAgavatE mahApurANE pAramahaMsyAM saMhitAyAM paJcamaskandhE navamO'dhyAyaH||
