Jump to: navigation, search

aSTamO'dhyAyaH

rAjOvAca

brahmaNA cOditO brahmanguNAkhyAnE'guNasya ca|
yasmai yasmai yathA prAha nAradO dEvadarzanaH||1||

EtadvEditumicchAmi tattvaM tattvavidAM vara|
harEradbhutavIryasya kathA lOkasumaGgalAH||2||

kathayasva mahAbhAga yathAhamakhilAtmani|
kRSNE nivEzya niHsaGgaM manastyakSyE kalEvaram||3||

zRNvataH zraddhayA nityaM gRNatazca svacESTitam|
kAlEna nAtidIrghENa bhagavAnvizatE hRdi||4||

praviSTaH karNarandhrENa svAnAM bhAvasarOruham|
dhunOti zamalaM kRSNaH salilasya yathA zarat||5||

dhautAtmA puruSaH kRSNa pAdamUlaM na muJcati|
muktasarvapariklEzaH pAnthaH svazaraNaM yathA||6||

yadadhAtumatO brahmandEhArambhO'sya dhAtubhiH|
yadRcchayA hEtunA vA bhavantO jAnatE yathA||7||

AsIdyadudarAtpadmaM lOkasaMsthAnalakSaNam
yAvAnayaM vai puruSa iyattAvayavaiH pRthak
tAvAnasAviti prOktaH saMsthAvayavavAniva||8||

ajaH sRjati bhUtAni bhUtAtmA yadanugrahAt|
dadRzE yEna tadrUpaM nAbhipadmasamudbhavaH||9||

sa cApi yatra puruSO vizvasthityudbhavApyayaH|
muktvAtmamAyAM mAyEzaH zEtE sarvaguhAzayaH||10||

puruSAvayavairlOkAH sapAlAH pUrvakalpitAH|
lOkairamuSyAvayavAH sapAlairiti zuzruma||11||

yAvAnkalpO vikalpO vA yathA kAlO'numIyatE|
bhUtabhavyabhavacchabda AyurmAnaM ca yatsataH||12||

kAlasyAnugatiryA tu lakSyatE'NvI bRhatyapi|
yAvatyaH karmagatayO yAdRzIrdvijasattama||13||

yasminkarmasamAvAyO yathA yEnOpagRhyatE|
guNAnAM guNinAM caiva pariNAmamabhIpsatAm||14||

bhUpAtAlakakubvyOma grahanakSatrabhUbhRtAm|
saritsamudradvIpAnAM sambhavazcaitadOkasAm||15||

pramANamaNDakOzasya bAhyAbhyantarabhEdataH|
mahatAM cAnucaritaM varNAzramavinizcayaH||16||

yugAni yugamAnaM ca dharmO yazca yugE yugE|
avatArAnucaritaM yadAzcaryatamaM harEH||17||

nRNAM sAdhAraNO dharmaH savizESazca yAdRzaH|
zrENInAM rAjarSINAM ca dharmaH kRcchrESu jIvatAm||18||

tattvAnAM parisaGkhyAnaM lakSaNaM hEtulakSaNam|
puruSArAdhanavidhiryOgasyAdhyAtmikasya ca||19||

yOgEzvaraizvaryagatirliGgabhaGgastu yOginAm|
vEdOpavEdadharmANAmitihAsapurANayOH||20||

samplavaH sarvabhUtAnAM vikramaH pratisaGkramaH|
iSTApUrtasya kAmyAnAM trivargasya ca yO vidhiH||21||

yO vAnuzAyinAM sargaH pASaNDasya ca sambhavaH|
AtmanO bandhamOkSau ca vyavasthAnaM svarUpataH||22||

yathAtmatantrO bhagavAnvikrIDatyAtmamAyayA|
visRjya vA yathA mAyAmudAstE sAkSivadvibhuH||23||

sarvamEtacca bhagavanpRcchatO mE'nupUrvazaH|
tattvatO'rhasyudAhartuM prapannAya mahAmunE||24||

atra pramANaM hi bhavAnparamESThI yathAtmabhUH|
aparE cAnutiSThanti pUrvESAM pUrvajaiH kRtam||25||

na mE'savaH parAyanti brahmannanazanAdamI|
pibatO JcyutapIyUSamtadvAkyAbdhiviniHsRtam||26||

sUta uvAca

sa upAmantritO rAjJA kathAyAmiti satpatEH|
brahmarAtO bhRzaM prItO viSNurAtEna saMsadi||27||

prAha bhAgavataM nAma purANaM brahmasammitam|
brahmaNE bhagavatprOktaM brahmakalpa upAgatE||28||

yadyatparIkSidRSabhaH pANDUnAmanupRcchati
AnupUrvyENa tatsarvamAkhyAtumupacakramE||29||

||iti zrImadbhAgavatE mahApurANE pAramahaMsyAM saMhitAyAM dwitIyaskandhE aSTamO'dhyAyaH||

See Also